هل بأمكاني وضع فصله لكيا اوبتيما بحد اقصى 140

الحل طال عمرك ببع سيارته وخذله كرسيدا

صراحة كلام سعود 15 منطقي 100%


فعلن لاقدر الله حالة طارئة او احد لاحقه بيتعدوا له او بيتجاوز سيارة الخ ....


مهب هذا الحل الحرمان


صدقني لو في خاطره السرعة بيسرع وسط الحواري والاحياء وبيمشي للفصله اللي بتحطها انت


لكن الحل الشدة في الامور هذي اجلس معه وقل شف وانا اخوك انا مخليك على راحتك ومدلعك للأخر وموتر جديد 2015 او 2016 وفل كامل معطيك اياها غيرك يتمناها وموظفين واجد ما قدرون يشترون مثلها


واشرح له الاثار المترتبة على التدعيس والسرعة


اولاً وضح له مبدئياً عن السيارة انها بتخرب وبيقل عمرها وبتبهذلك ، وثانيا قل ان صادك المرور بتنحجز وينحجز الموتر وبتضيق صدر اهلي وهنا صدق بيسحبون منك السيارة ومنتاب ذايق المفتاح ، بالاضافة الى انك لو صدمت وجاك شي بتقول ياليت وياليت ، قل له ناس واجد قالوا ماعليك انا اتصرف وقيادة واسرع بركادة لكن العوامل اللي ممكن تظهر قدامك ما تقدر تتحكم فيها



قله عموماً انا عطيتك اللي عندي واسمح لي اذا ما شفت تجاوب بسحب السيارة


وراقبه كل ما بين يوم ويوم وان شفته عادها تل المفتاح ولا علم ابوك عليه وخله يخاف


بعض الاحيان الدلع ماينفع وهو اللي يخرب البزران