أضف سؤال أو موضوع جديد          

مخالفة مرورية تم الغاءها

up 16 down 2
abofarah 870
قبل سنه و 2 شهر



احد الاخوان عنده سواق وتم تصوير سيارته من ساهر وتم ارسال مخالفة لجوال اخوي بمبلغ 3000 ريال قطع اشاره وتم دفعها من الصراف وسال السواق وقال انه ماقطع اي اشارة ومن باب قطع الشك باليقين راح اخوي لمرور الدمام وبلغهم برقم المخالفة المهم ادارة المرور عندهم جهاز مجرد تحط رقم المخالفة يطلع الفيديو وبعد ماشغلوه اتضح ان السواق ماقطع الاشارة وبلغوه انه بترجع فلوسه وتم رفع طلب الغاء المخالفة من مكتب المرور. العبرة اذا متاكد انك ماقطعت الاشارة راجع وربي يسهلها لكم.

تحياتي للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يروح فين بالظبط عند المرور؟ 


up 1 down 0
amer ahmed 334
قبل سنه و 2 شهر



و السؤال الثاني. انه يستطيع الواحد يراجع او يتاكد عن المخالفه بعد مايسددها؟ 


up 0 down 1
amer ahmed 334
قبل سنه و 2 شهر



الله يعطيك العافيه
مشكور ماتقصر
المشكله المبلغ مايرجعلك كاش
يكون بحسابك حق المرور
يعني يتم تسديد المخالفات
المروريه الي تجيك
من المبلغ الي رجعوه لك


up 0 down 5
d7ooom777 820
قبل سنه و 2 شهر



يارجل احسن من انها تروح ^^

بارك الله فيك يا صاحب الاعلان


up 0 down 0
ابوخالد1397 2377
قبل سنه و 2 شهر



حياكم حبايب قلبي. اخوي راجع ادارة مرور الدمام وعلى كلامه المكتب كان زحمه كله مراجعين لنفس السالفه. الفلوس حسب ماقالوا له ترجع بس ماعرفت اذا حواله او غيره.


up 0 down 0
abofarah 870
قبل سنه و 2 شهر



علي مخالفة قطع اشارة السنه الماضيه الى الان ما سددتها
و احلف على المصحف ما قطعتها 
تتوقع يوافقون لو رحت لهم ؟


up 1 down 0
شقة تمليك 429
قبل سنه و 2 شهر



لا تقدر تسترجع فلوسك من الصراف وتقدر تخليها رصيد عن طريق الخدمات الحكوميه


up 1 down 0
7amood1930 249
قبل سنه و 2 شهر



من يتحمل تكاليف تعبه ومشاوريه هل ساهر بيتكفل بها مفروض يعطون 6 الاف على التعب الي متعبينه


up 2 down 1
mr mansour 111
قبل سنه و 2 شهر



المبلغ الي عند الحكومة يسترجع على نفس الحساب الي مسدد منه
مثلا سددت من حساب اخوك ترجع الفلوس لحساب اخوك

وأنت بكيفك تبيها لمخالفات ثانية ولا تاخذها هاذي حسب رغبتك


up 1 down 0
زيت زيتون 2015 1040
قبل سنه و 2 شهر



لتطبيق مبدأ الحكومة الالكترونية
المفروض يكون الاعتراض عن طريق ابشر.
والحل يكون الكترونياً وانت في دوامك او في بيتك.

افضل من المراجعات اللي اخذت من اوقاتنا وترك اعمالنا باسباب اخطاء غير مقصودة.


up 3 down 0
yasser.net 3
قبل سنه و 2 شهر



الحمد لله على ان المخالفة طلعت غلط وهذي بصراح مشكلة كبيرة
ان شاء الله مانمر بهذا الموقف
شكراً على المعلومة


up 1 down 0
salehhd 663
قبل سنه و 2 شهر



يوجد بالفعل اعتراض عن طريق أبشر في حال انك ما قطعت الإشارة

يعني ما يحتاج تروح ولا تيجي


up 1 down 0
rashidy 395
قبل سنه و 2 شهر




الاعتراض عن طريق ابشر موجود لكن لازم تعترض قبل مضي 30 يوم ولا مايحق لك المهم يا رجل على طاري المرور والمخالفات انا غسلت يدي منهم ذاك اليوم ماشي في طريق وشوي تفتيش دوريات سرية وشخط قسايم في الناس وامشي شوي واشوف برميل ساهر وكمان شوي دوريات سرية تستلبش الناس قلت حالفين اليوم يخالفون كل الناس حتى الي ماشي على رجوله ههه


up 0 down 0
نبيل110 344
قبل سنه و 2 شهر