كيف اشيك على زيت القير اوبتيما 2015

والله ما اعرف لكن تاخذ اربع علب العلبه تقريبا ب 73 من الوكيل 

انا ودي اشوف حالته

هل هو محروق ويحتاج تغيير وناقص 

ولا باقي فيه عمر و يكمل 10 الف زياده

لانه باخذ عليها فره حول الجنوب ومكه والمدينه 

عالاغلب انه بالكاتلوج مكتوب يتغير على 100000 لكن الافضل تغيره وتمرنه بالسفر وحسب كيف استخدامك طول فتره هالممشى لانه مافي معيار وصعب انك تشيك عليه لكن حاول تغيره وتاخذ الزيت من الوكاله اللي اسمه ATF SP VI ولو بتغيره بره الوكاله حاول وتصر على الرجال كل الزيت ينزله بقاروره كبيره او اي شي بمعيار علشان تعرف كم نزل بالضبط وتحط زيت على نفس الكميه اللي نزلت والعلبه مثل ماذكر الاخ ب73 ريال تقريبا والاغلب تاخذ من 4 الى 4 ونص علب ونصيحه اخيره لاتفكر تغير زيت قير عند بترومين لانه زيتهم خايس ومهو حق الوكاله

يعطيكم العافيه

اجل شكلي بسوي زي ما قلتم دامني ما اقدر اشيك عليه

بغيره في الوكاله اضمن لي 

طيب الفلتر تغييره سهل ولا لازم فك القير بوكس و حوسه

ما يحتاج وكاله اشتري اربع علب وروح عند اي ميكانيكي يغيره لك ب 100 كحد اقصى 

بالعاده تكون فيه فتحتين الي فوق للقياس والي تحت للتفريغ تعبي الي فوق حتى يبدا ينقط معه الفتحه معناه تعبا

ومذكور عندك بلكتلوج كم ياخذ بالضبط

اولا تاكد هل هو يتغير ام لا لان فيه سيارات مكتوب فيها زيت القير مايتغير ابدا الا في حالة وجود حادث او تسرب للزيت او مشكله


مثل السوناتا

اذا تبي تروح الجنوب لازم تغيره لان بتقابلك عقبات وطلعات تتعب السياره وتتعب القير
لكن لاتغيره وتسافر عليه مباشره اذا غيرته مرنه علي سواقه هاديه يعني عداد الضغط لايزيد عن 2000rpm
ايضا شيك علي فحمات الفرامل اذا صارلك فوق 60الف كيلو ماغيرتها الافضل تغيرها

السوناتا 2014زيت القير يتغير زيه زي اي سياره ثانيه 

ولد خالتي عنده ١٤ وغيره مع الفلتر مرتين كل ٨٠الف يغيره 

وخويي معه ٢٠١١ ونفس الشي يغيره مع الفلتر 

اي موديل تقصد لسوناتا ان الزيت مايتغير. 

ماتوقع لان اذا مشيت عليه اكثر من 100الف وفوق 

يعني بالعربي امش عليه فوق٣٠٠الف. وبتروح اللزوجه 

ويصير فيه احتكاك في الكلتشات داخل القير. 

ويخبط. 

يعطيكم العافيه وبغيره ان شاء الله

قاعد اطالع مقاطع فيديو في اليوتيوب وعرفت انه فيه طريقتين لتغيير زيت القير  اللي نوعه sealed 
الاولى flushing وهو انك تدخل ضغط على القير وبيطلع الزين بقوه مع برادة الحديد
والثانيه  replacement وهو انك تفتح الصره وتضيف بالضبط قد اللي نزل

الشغله حوسه والله يعين

اتفق معك يا سبحان الرزاق

الوكاله تقول يتغير زيت الاوبتيما كل 80 الف
وهي نفس مكينة السوناتا

السوناتا والاوبتيما كلهم اخوات نفس القطع الداخلية والقير والمكينة انا عندي سوناتا 16 غيرت 4علب sp iv الوحدة ب 70 ريال وهي ماشية 90 الف وكل 60 الف راح اغيره بدون فلترلان الفلتر داخلي لا يتغير الا بحالة التوضيب وفك القير

كلام الأخوان سليم
لا يمكنك فحص الزيت
ولكن تأكد إنه راح ينزل أسود ، وهذا طبيعي جدا لأنه 75 كيلو وهو يعمل بالتأكيد سيصبح أسود ، ولكن عمره طويل راح يكون فيه لزوجة