صوت مع المطبات

ارجع للزيت الي كنت تستخدمه ولا تغيره ماعليك من كلام الي يقول بعد ال200 حط اثقل ومدري ايش ترا كذا تضر السيارة

بالنسبة للصوت مساعدات او جلد مقصات

بالنسبة للزيت مثل ما قالك اخوي معالم التقنية ارجع للزيت الاول
وبالنسبة للصوت اغلب الظن انه مع البرد طبيعي

بالشتاء راح تسمع انواع الأصوات بالسيارة ، والورش والسباكين ماخذين الشتاء مكسب زيادة لهم لأن هناك ناس تسمع أصوات وتروح على طول ورشة! اما الصوت الي بسيارتك أكيد مقصات او جلد مقصات

الزيت الي قبل كم لزوجته بالنسبه للزيت 20ًw50 هذا للسيارات الثمانينات والتسعينات

من قبل كنت استخدم 10w30 وكان كويس معاي بس اللحين
قلت خليني احط زيت اثقل لان السيارة قربت عل ممشى 200000
بس شكلي برجع لزيت القديم ....


مشكورين يا جماعة الخير ربي يجعلكم من اهل الجنة

في الباثفايندر عندي عقب ما غيرت لها مساعدات امامي نوع KYB + كراسي مع جلد مقصات اربع حبات فوق و تحت للجهتين.

و كل هذا شغل العضيب عندنا فب الخبر و بعد باسبوع اسمع صوت مع ضرب الفرامل بقوة و الطلوع على المطبات و عيون القطط

وكذلك الحفر المكحلة شوارعنا صوت قب قب كذا ينسمع و رحت لبنشري صاحبنا من تحت الحفرة يكشف عليها وانا اقدم السيارة

قدام و وارجعها ريوس مع ضغط الفرامل بقوة.  تم تحديد الصوت وهو في المقص صحيح الجلد مغيرها جديد بس ركب لي جلدة

فوق جلدة للجهتين يمين و يسار و من يومها اختفى الصوت المزعج والله جنني.

انت شيك على المساعدات الأمامية و المقصات احتمال واحد منهم خربان. أنا مساعداتي غيرتها لأنه بالأساس فيهم واحد مفقوع.

أما بخصوص الزيت سيارتي 2003 و تعدت ال 100,000 و ماشي عليها بزيت 10 دبليو 30 واصلا هالزيت مكتوب في دليل

السيارة.

ياخي شوارعنا لحالها كافية بأن تخرب السيارة

حرام عليك زيت 20w50 في مكينة سيارتك الزيت ثقيل جدا والمكينه عندك صغيره خليك على زبتك المستخدم قبل او حط زيت 5W30

فعلا يا اخوان الصوت حق المطبات كان بسبب البرد والجو والدليل
لاحظتو مع ايام الحر يروح الصوت