الحفر خربت سيارتي

و عليكم السلام 
اخوي غالبا كلبسات أو مسامير انت خل أحد يسوق وانت حدد مكان الصوت وروح لورشة تربيط يصلحونها 

اخ ابو عبدالله الصوت كلو من داخل الطبلون يعني يبغالو فك
ثاني شي انا فحصتها من تحت عشان اتأكد مافي اي شي مفكوك
اخيرا انا ما ابغى احط سيليكون واخرب المنظر

ليش ما بلغت البلدية؟؟ يعوضونك بشيك و تصلح أضرار سيارتك 

دق على 940 وعلمهم موقعك وانتظر واحد من طرفهم مثل انتظار نجم او المرور في الحوادث المرورية حمانا الله.  هنا تنتظر واحد من 

البلدية يشوف الحفرة و يصرف لك التعويض. 

ودك كل ماتفككت سياراتنا نشتكي وناخذ تعويض من مدير البلدية خله يتوب ويزبط الشوارع
لا بارك الله فيهم بلديات
سيارتي امبالا ما تتحرك الا للدوام والحين صوت جلد المساعدات الي فوق معدومة
وسيارة السواق كرايزلر تفقعت مساعداتها مالقيت لها قطع غيار

ومدير البلدية مكبر المخدة تحت المكيف ماعنده الا غرامات يشفطها على المحلات التجارية ولا فكر يرش الشوارع على الأقل تراب يفكنا من الحفر

حرام بالله ياشارع خالد بن الوليد بحي الروضة فيه حفرة بعد اشارة مستوصف الثميري باتجاه خريص كسرت جنوط اللكزس الأربع ، ويوم دفنو الحفرة تركو الحفرة الي جنبها مدري تذكار والا انذار !!

الحقيقة يا اخ بدر ما خطر على بالي لا البلدية ولا نجم

شارع خالد بن وليد قبل فترة زفتوه بس مو كلو ومعروف هذا الشارع بالحفر اللي فيه عند مطعم الافندي عندك حفرة قوية

جرب عشقd والمكيف شغال ولو في صوت ف الطبلون اتوقع كراسي مكينة او كراسي جربكس اكشف عليها 

يبالهم شكوى كل شوي حفر حفر اللكزس ضربت بحفرة وانعدمت المساعدات
واخوي معه كمارو م يقعد فترة الا والجلد مقصات ضاربة ايش الحل معهم ذول حتى التشارجر م سلمت

اخوي انا معي سيراتو 2016 من بعد ماطلعتها من الوكالة بفترة
وانا اسمع طقطقة بلاستيك خفيفة اتوقع صوت طبيعي مع ذي الشوارع المكسرة
والحمدلله ماصار شي في عفشة السيارة

طبعا صوت الطقطقة في الطبلون

يا اخ امير
قبل ما كانت كذا ابدا مافي اصوات طقطقة بس بعد الحفرة بدت تطلع اصوات قوية

اذا كان الصوت قوي ومن وسط الطبلون ممكن يكون القسام وهو مسؤول عن تبديل الحار والبارد


كم مطب اخذته وكم حفرة نادر اسمع اصوات في الطبلون اكثر ما يتضرر الجوزات والسفلية (تحت السيارة)

بالنسبة للأخ مرسي القسام فحصتو عند كهربائي وطلع سليم

صوت كيف طقة يعني مسمار يلعب جو ولا شي مفكوك جوا الطبلون تحسه ولا زززززز اذا ززز هاذي تكون من الشمس
المهم انا متاكد انها مو من الطبلون تحصل ديكور الي حوالي الطبلون مثلا مسجل مو راكب ولا اي شي اهتز من اثر الحفرة شيل من راسك الطبلون

بالنسبة للأخ مرسي الصوت زي كأنو مسامير متكسرة والصوت فقط موجود في الجهة اليمين من الطبلون

في الفورد عندي صوت يجي من فترة لفترة من الجهة اليمنى بالتحديد عند الدرج اجل شوف يالحبيب الطبلون الدرج حقك في اغراض
وكمان اذا نزلته شوي تشوف الطبلون من جو اذا ايوه فك الدرج وشيك تحصله مشط طايح ولا شي عالق قاعد يسوق الطقة

اليوم بشيك على الدرج بشوف ايش شي من فوق او من تحت مهو ثابت زين

الله يعطيكم العافية يا اخوان يجزاكم خير

الصزت من الجهة اليمين بالطبلون !
طيب وانا اخوك فيه حل مبدأي :
افتح الدرج وشوف وش الي صاير من الداخل ؟
ما بين الباب الأيمن والطبلون في غطاء جانبي ( مدري وش نوع سيارتك لكن الكلام بشكل عام ) فك الغطاء الجاني احتمال مسامير منحلة داخلية
ايضا تحت الدرج الي بالطبلو يكون فيه التمديدات الخاصة بالتكييف للراكب تأكد منها ممكن تكون انحلت مساميرها
مروحة دفع الهواء خلف الدرج بالطبلون .. حاول تفك الدرج ويظهر لك الحامل تبع المروحة والحامل تبع فلتر الهواء شيك عليهم يمكن المسامير تكون منحلة هنا
وراح يبين معك من الداخل ( خلف الدرج ) تمديدات توزيع الهواء ( تمديد المكيف )

انا من رأيي اشتغلها بنفسك ولا تروح لأي ورشة لأنه ما راح يكتشف العيوب الا قائد السيارة بنفسه
اما الورش فشغلهم مجرد احتمالات وعليك دفع المبلغ الثقيل
كان الله بعونا وعونك والجميع وحمى الله سيراتنا من حفر الشوارع وكسل البلديات

نحتاج في العاصمة الرياض نستخدم ونيت موديل 90 وتحت ..
اتمنى بعد يسوون تأمين ضد الحفر والمطبات مثل تأمين ضد الغير وعاد حنا نختار وش نبي !
اتوقع 90% بيختارون ضد الحفر والمطبات هههههههه هي الحوادث اليومية

انا صدمت في ماصورة موية عند محل قبل اسبوع .. حرام بالله ما شفت الماصور ولا شفت العمود تبع الموية كان بطرف الخط يعني اشوف موقف فاضي احسب محد فيه
وابي انزل عند الحلاق قلت فرصة محد عند الحلاق والموقف فاضي بنزل احلق راسي
رجعت ريوس ودخلت باللفة .. الا شوي قسم بالله حسيت موتري ارتفع مترين من ورا بسبب قوة الضربة !! توقعت احد صدمني مع ان الشارع فاضي الساعة 10 المساء
رجعت ريوس وشوي الا وسيارتي طاحت من الجنب اليمين
نزلت اشوف والا والكفر منشق والجنط انكسر وعمود التوازن مع المقص مع الذراع الخارجي !!!!!!!! ام ام الحادث الشنيع وانت واقف !
طيب من يتحملها ؟
رحت ثاني يوم شلت السيارة بسطحة على الورشة دفعت 1600 ريال قطع وشغل يد
( قيمة تأمين سنة كاملة )
ماقول الا حسبي الله ونعم الوكيل ، حسبي الله ونعم الوكيل ، حسبي الله ونعم الوكيل