أضف سؤال أو موضوع جديد          

افضل ورشة سمكرة وبويا في رياض

up 1 down 0
ahmad akk 553
قبل سنه و 5 شهر



السلام عليكم ورحمة الله وبركاته

الله قدر قبل فترة صدمت واحد قدامي كنت ابغا الف يمين انا ناظرت على اليسار عشان اشوف اذا في سيارات وألا يجي هو يوقف فجأة قدامي وقبعت فيه طبعا الحمدالله حادث بسيط انا عندي الصدام انفك والكبوت انعفط عفطة خفيفة هو عندو الصدام انفك وجا نجم وحط الغلط علي 100%

يا اخوان ابغالي ورشة برياض يكون شغلهم ممتاز لاني بغير صدام وكبوت سمعت عن ورشة الوفا بس اسعارهم مرة غالية بحثت فالموقع لين ما لقيت ورشة اسمها ارناج وذي الورشة عليها مدح ماشاءالله تبارك الله مو طبيعي بس اسعارهم للأسف ما قدرت اخذ معلومات لأسعارهم يا اخوان اللي جرب ذي الورشة يقول تجربته أو ورشة ثانية بس تكون ممتازة ترجع السيارة اشبه ما يكون بالوكالة ؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
اخوي اذا تبي الناس تفيدك بشكل الصحيح ياليت يكون عنوان الموضوع هو السؤال حتى اللي عنده معلومه مفيده عن سؤالك يدخل ويفيدك

وبالنسبه لسؤالك عن افضل ورشة 

انا صلحت موتري في شركة بريطانية اسمها (Chips Away) 
الإيجابيات:
- عماله فلبينيه
- البويه المستخدمه من النوع المائي (مثل نوع بوية مصانع السيارات) بعكس الورش الثانيه يكون نوعه زيتي
- الرش او التعديل يكون جزئي مكان الضربه او الصدمه فقط مايحتاج يرشون كامل الصدام او الكبوت والباقي مايلمسونه يبقى وكاله
- ضمان مفتوح على شغلهم وعلى المواد المستخدمه ( مهب مثل بعض الورش يقولك سنه بس)
- غسيل السياره بالكامل بعد التصليح
السلبيات: 
- المسؤولين فيه من الجنسية السورية
- اسعارهم غاليه نوعا ما لكن ارخص من الوكاله وبعض الورش المشهورة
- لازم موعد قبل ماتدخل السيارة عندهم


up 1 down 0
abo9aly7 444
قبل سنه و 5 شهر



اخوي abo9aly7 103
يعني رح اغير صدام وكبوت مع الرش كم تتوقع رح تكلف على حسب تجربتك عندهم


up 0 down 0
ahmad akk 553
قبل سنه و 5 شهر



الله يكون في عونك
رح الصناعيه وتدور لك ورشه وشف السمكري
يبين اذا فنان او من جنبها واحرص على العماله 1/الفلبينيه 2/البنقاليه يجي غالبا شغلهم حليل

اما اذا بدور ورشه فالنت
ف شف : ورشه مشهور = سعر غالي جدا
لان عليهم ضغط تبي ولا مع السلامه هذا النظام




up 0 down 0
ابوناصر 454 652
قبل سنه و 5 شهر



ahmad akk

الصراحة ماعندي علم اكيد بالسعر لأني انا ماغيرت شي بس تعديل ورش جزئي جنب كامل للسيارة كلف 4300 الاف ريال

الوكالع قالوا تكلف 5500 ريال بس رش كامل والورش المشهوره اسعارهم كانت من 4 الاف وانت طالع

موقعهم على طريق خريص في المجمع اللي بعد كبري الخليج على طول ووجهك شرق


up 0 down 0
abo9aly7 444
قبل سنه و 5 شهر



ابعد عن صناعية الخليج

صدمني شخص من الخلف ووداني الخليج بيصلح لي السيارة على أساس الخطأ عليه
وداني ورشة سوري من دير الزور نسيت ابو وش يقولون له يمكن ابو نواف
شغله سيء جداً
وللحين الدبة ما تقفل مظبوط ولا تفتح بالريموت الا بعد 6-7 ضغطات أتعبتني والله

بعد ما استلمت السيارة سألت الناس ، قالولي هذا خوينا أفضل الموجود
عاد كيف الشين منهم ؟؟!!!

بس للأمانه الصبغ جيد يمكن لأن صبغها بورشة في حي ثاني ههههههههه



up 0 down 0
90
قبل سنه و 5 شهر



ورشه اسرار صناعيه الشفاء شغل ممتاز واسعار معقوله 
المدير/  متين التركي


up 0 down 0
pepst
قبل 3 شهر و 4 أسبوع