المكيف مايبرد عند الوقوف

موديل 2015 خذها للوكالة على الضمان

نفس المشكله في السوناتا عندي مشيت فوق 100 الف مايشملها الضمان 
كثير يشتكون من نفس المشكله 
الزين مايكمل يالبى مكيف الكامري بس

ياصاحب الموضوع ودها للوكاله مثل ماقال لك الاخ اما شيخ المعارض ركب مروحه تبريد للمكيف وبتضبط البرودة النصف دور لك كهربائي ممتاز يركبها لك او ركبها انت بنفسك شاهد موضوعي عن تركيب مروحه للمكيف 

البرودة تروح ولا تخف؟

طيب اذا دعست بنزين على وانت واقف يرجع يضبط ولا لازم تمشي

اما تروح الوكالة يغيرون لك كومبروسر على الضمان

او اذا سيارتك خارج الضمان الله يعينك تركب كومبروسر كوري نوع HCC او هانون سيستمز ب 800 ريال او اقل وتراها اطلق من كومبروسر الوكالة

نفس المشكله حاليا ف سيارتي سوناتا 2015 ممشاها 150 الف عجزت اعرف الحل اغلب الورش اجمعت ان الكمبروسر تعبان

انا اليوم رحت لكهربائي وكشف ع الكمبرسر وقال فيه عطل احتمال يكون من البلف ورحت لكهربائي ثاني وقال الكمبرسر ضغطه عالي لازم تغير الكمبرسر

كيف اع ف ان سيارتي ع الضمان انا شريتها من المعارض

ركب مروحه كهربائيه حقت الكورولا او الكرسيدا او الفورتشنر
او اي مروحه تبريد خارجيه صدقني بتنبسط

لأن الكمبروسر عندك يجي بحساس (الافضل اذا سيارتك خارج الضمان تشتري الحساس يكلف 200 ريال عند الوكيل وترركبه عند كهربائي فاهم)

السيارات القديمه وبعض الجديد الكوبروسر حقها يجي كلتش 

قاعده حطها في بالك دائم
اذا الكمبروسر يبرد مع المشي وإذا وقفت لا معناها ضغط الكمبروسر ضعيف الحل في تغييره فقط
في حال ان الفريون عندك فل

الزبده كلها.من البلف حق الكومبريسور

المفروض هيئه المواصفات ماتوافق عبى نوع الكومبريسور الكهربائي

الكلتش ابرد واضمن واطول عمر السوناتا التيربو مكيفها كلتش والالنترا ٢.٠ كلتش شف فرق التبريد بين الكهرب والعادي

والله لو لي سلطه عليهم مايدخل اي كوميريسور كهربائي لاي سياره

وبخصوص اللي يقول مكيف كامري ابشرك ترا صار كهرب والكورولا نفسه كهرب وكثير يشتكون

اجل كومبريسور من تشغل السياره مايطفى حتى لو ماشغلته وين جالسين

مع اخوي سوناتا ٢٠١٢ ماشيه ١٧٠ الف اذا وقف ف الظهر المكيف يقلب صحراوي
لازم تدعس بنزين ويبرد اما ف الليل فريزر ماشاء الله
هل اذا تغير الفريون تزبط لان الفريون الي فيها من بلده ماقد تغير
نرجو الافاده يخوان

لا ي الغالي مايحتاج تغير كمبروسر ولاشي

هذا طبيعي جدا انها تفصل عند الوقوف وتبرد مع المشي اصلا هو مبرمج على كذا علشان يخفف استهلاك البنزين .. ولو تدعس خفيف كان زانت امورك

لكن فيه زر انا متأكد ان 99% من ملاك السيارات الكوريه وانا من ضمنهم ساحبين عليه الا وهو زر Auto اللي تحت زر a/c

هذا يزود مروحه المكيف تدريجيا وبعض الاحيان يرتفع الى اقصى حد لكن ينزل اذا برد الموتر .. هذا الزر استخدمه اذا وقفت واضمن لك بيعيش كمبروسر موترك ع الاقل 3 سنين

( هذا الزر استخدمه اذا وقفت واضمن لك بيعيش كمبروسر موترك ع الاقل 3 سنين )
قليل 3 سنوات انا عندي الكمبرسر للاكورد 2007 من يوم ماطلعت من الوكالة
الى الان حتى الكويل ما غيرته ولا سويت فيه اي صيانة ويبرد وفي عز الظهر ماشاء الله تبارك الله

جرب غسل رديتر المكيف بالماء فقط باللي و بدون فك 

تجربة يمكن 

اخوي.فهد جربت غسل المكيف المشكله طلعت من الكمبرسر لازم تغيير

السيارات الكورية ممتازه
لكن عيبها او المعضله الكبرى التكييف
بعكس اليابانية مواصفاتها عادية لكن تكييفها ممتاز