أضف سؤال أو موضوع جديد          

قصتي مع مساحات القزاز ورطتني بالخط

up 25 down 1
ahmad akk 537
قبل سنه و شهر



السلام عليكم ورحمة الله وبركاته
كيف حالكم اخواني عساكم طيبين

بقلكم قصة حصلت معي قبل فترة كنت راجع من الخرج لرياض وأثناء الطريق نزل شوية مطر وكان القزاز جدا وصخان وانا عندي المساحات ما تطلع ماء اذا اشتغلت وجيت انا شغلت المساحات وهنا حصل كارثة صار القزاز مثل الوحل وأنعميت وما عاد اشوف قدامي المهم وقفت على اليمين صبيت مويا على القزاز ونظفته ومشيت لين ما وصلت الرياض بعدها رحت لكهربائي عشان يزبطلي البخاخات حقت الماء قلي عندك الطرمبة خربانة ما اقتنعت بكلامه رحت لواحد ثاني قلي نفس الكلام بعدها رحت البيت وأنا مقهور قلت خليني افتح اليوتيوب وأبحث عن مشكلتي وقعدت ابحث لين ما شفت مشكلة زي مشكلتي وكان الحل كالأتي :

فك الطرمبة اسحبها للخارج اذا سحبتها رح تكب كل المويا اللي بالقربة وعلى الطرمبة في فلتر لازم يتنظف وأنا الفلتر عندي كان عليه املاح ومسدود فعشان كذا الطرمبة مهي قادرة تسحب ماء .

الحمدالله بعدين رجعت ركبت الطرمبة مكانها وفللت ماء واشتغلت المساحات والبخاخات ضبطها من دون ما ادفع ريال واحد .

الخلاصة يا اخوان الأعتماد على النفس شي جميل يعني تخيلو لو اني سامع كلام الكهربائيين وشريت طرمبة جديدة وعالفاضي وخسارة فلوس عالفاضي .

بالنسة يلي يسأل وين مكان الطرمبة فهو خلف البطانة اليمين تقك البطانة ورح تشوف الطرمبة طبعا انا كانت عندي البطانة مقطوعة فما اضطريت اني افك البطانة .

طبعا الرجال اللي عاليوتيوب تعلمت منو طريقة الأصلاح اسمو حسن مصطفى انصحكم نصيحة لوجه الله انكم تابعوه .........








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بيض الله وجهك ع الموضوع الجميل مثلك وفيه فائدة 
بس ماذكرت لنا وش السيارة 


up 1 down 0
yasser alyasser 485
قبل سنه و شهر



وجهك ابيض يا اخ ياسر
سيراتو 2012 كان ودي انزل صور بس للأسف نسيت اصور .



up 0 down 0
ahmad akk 537
قبل سنه و شهر



موضوع ممتاز
يليت لو فيه صور


up 0 down 0
بايع الدنيا 66 1452
قبل سنه و شهر



اشكرك ع الموضوع الطيب والاستاذ حسن مصطفى استفدت منه كثير وحسابه باليوتيوب ثري بالشروحات والمعلومات


up 1 down 0
كارينو 539
قبل سنه و شهر