مقبل علئ شراء كادينزا انصحني يا مستخدمه

توكل على الله ترى هي والازيرا واحد

الفرق بالشكل الخارجي والديكورات وزياده بسيطه بعرض البساتم تزيد حوالي 40 حصان عن الازيرا

عرض البستم 3.5 بالكادينزا اما الازيرا 3.0

الكادينزا خذها وانت مطمن تراه موتر ماشاءالله تبارك الرحمن يكد

النصيحه من اخوك المسلم الممشى واجد و خذ سيارة تكون جاهزه على طول و كل شيء مغير فيها من قطع استهلاكيه هاذي نصيحتي لاكن اذا راعي الموتر رجال انت عارفه و تعرف سواقته فكر فيها و السلام عليكم

الممشى طبيعي نوعا ما
معاوية
يعني الرجال ماياخذ إلا من شخص يعرفه أجل عطه سيارتك حتى يحصل أحد من أقاربه يبيع
يابن الحلال وش ذا الكلام ياخي عندك الفحص وروح افحصها اذا انت ودك فيها وترا الممشى طبيعي عليها لانها 2012 وانا أنصحك تشوف موديل أحدث يمكن على 30 الف تحصل نظيف يعني للمستخدم ولا تدقق بالصدامات إلا إذا فيه صدمة فاتركها ا

حسام انا ما قلت انه لاااااازم اجباري يشيل من واحد من المعارفه انا قصدي اذا واحد تعرفه بينكم الفحص و توكل على الله و على الممشى مهو كثير واجد اغلب ممشى هذا الموديل تكون المعقوله 100الف و تحت و جزاك الله الخير

وعليكم السلام ورحمة الله وبركاته ،،،


الموتر خذ رجال ماشاء الله تبارك الله

بالنسبة للممشى ممتاز جداً حنا في منتصف 2017 والموتر ينزل قبلها بسنة يعني في 2011 قده شراها يعني حول 5 سنين وشوي ما مشاها الا 165 باعتبار 30 الف كل سنة وهذا الممشى الطبيعي واقل بعد المفروض على الرياض والدمام وجدها وكبرها والسفريات 45 الف كل سنة يعني الممشى لا تشيل همه


السعر مرررة ممتاز اذا هي بدي بلد مافيها الا صدامات مرشوشة ولا تنسى فل يارجل الحين 2014 صعب تحصل بودي بلد يعني ماشاء الله لقطة


بس السؤال الآن انت تقول يبيلها قطع استهلاكية مساعدات وجلد هذي اشياء عايدية ، بس وش قصدهم بتصفية المكينة يعني بواجي وتنظيف بخاخات وخرابيط ومن قالك هالكلام فحص كمبيوتر ؟؟؟ وهل الموتر صافي اشتغاله ونشيط وعزمه زين ؟؟؟ اذا هو من الناحية ذي كويس عادي ترى اغلب فحص الكمبيوتر تفحص يقولك تصفية مكينة بس اهم شي مايكون فيها علة كتمة ولا شي وضحت الفكرة


الفتحة في الغالب يبيلك محل متخصص فتحات وموجود في الصناعية القديمة اعتقد قد راح لهم خوينا معه سوناتا 2011 يسوي لك تنظيف للمجرى ويشحم لأن بعض الاحيان يكون فيه تراب في وجه العدو ويسد المجرى تصير اذا وصلت الفتحة له ترجع كنوع من الامان عشان ماتخرب وتعلق مثل الدريشة اللي اذا لمست يدك رجعت فهمت


فهذي ان شاء الله امرها بسيط ومايمنع انك تروح انت وياه تشيكون على الفتحة قبل وتشوف وش علتها اذا هي بسيطة واذا هي عويصة شوي يراعيك في السعر


واقولك اياها ترى الموتر سعره ماشاء الله معقول على ممشاه وعلى موديله وبدي بلد اذا هي نظيفة مرة مايبيلها الا اشياء بسيطة وانت ونظرتك للموتر


قل بتخسر فيها 3000 مع انها مهيب واصلة ان شاء الله بتطلع ب 30 ياسلام وموتر 2012 وبالفئة هذي وفل


تحياتي

يعطيكم العافية يا اخوان كلا باسمه وتم التقييم +1
ولا نستغنئ عن ارائكم وننتظر المزيد من التعليقات
وشكرا

نصيحه في هذا الشهر الفضيل  الكوري يا تاخذه جديد او لا وعموما الكوري بعد ال100 الف ينخاف منه في اي لحظة  تجاوب المكينة 

السلام عليكم ..

انا معي كادينزا 2011

الموتر ماشاء الله تبارك الرحمن .. رساوة وقوة مكينة وشكل جميل ..

لكن مشكلته الوكيل غير متعاون اذا يهمك الوكالة ..

مشكلته المكيف اذا وقف يحتر وهذا عيب مصنعي لكن الامور ماشية وتمام ..

مشكلة البانوراما بعموم السيارات .. خرب عليه وخليتها مسكرة ولا صلحته ..

اتمنى افدتك والله يوفقك ..

والله السيارات الكوريه الان اثبتت وجودها بالسوق واتوقع كم سنه وبتكون رقم واحد بالسوق

السيارة ماعليها خلاف وعند ولد خالتي زيها كارفها كرف وماشاء الله لكن فيها عيبين 
الاول في حساس يخرب ف الكمبروسر حق المكيف وبيغيروه الشركة على الضمان 
العيب الثاني قفل الطارة بيضرب فجأه والسيارة معد تشتغل الين تصلحه 
وغير كذا طبعا الكلام يرجع لطريقة الاستخدام 

ودمتمممممممم