أضف سؤال أو موضوع جديد          

هل أنت ميسور الحال او محدود الدخل وتبي سيارة طيبة

up 21 down 0
شيبة الحمد 1821
قبل 4 شهر



مسساكم الله بالخير جميعاً 
نسأل الله ان يوفق الجميع ويسهل له كل أمره 


طبعاً كثير مننا محدود الدخل 

وشخصياً أٌعارض موضوع خذلك اقساط ولا تأجير منتهي بالتمليك

من حقك تركب سيارة زينة وطيبة بعيد عن التمنجه لكن مهما
كان فكر في موضوع وضعك المستقبلي 
" زواجك - تبني لك عمل خاص - اهلك "  
ركز على الأولويات 


لي صديق 
راتبه 
٤٧٠٠ ريال  موظف بأحد الشركات 
أخذ سيارة أقساط  
أوبتيما فل كامل ١٧ 
طلعت عليه قسطها ١٤٠٠ ريال ودفعة أخيرة في العشرينات
السيارة قفلت عليه في ال ١٢٩ الف ريال !!!
قلتله انت ما انت متزوج صح هو عايش بملك اهله 
بس قلتله الدفعه اللي دفعتها تجيب لك سيارة طيبة لو مستعملة 
او  جديدة   والباقي خليته استثمار لنفسك 


ياجماعة الخير  في سيارات انا ماكنت اتوقع بالجودة والأداء
الممتاز

 قبل سنتين من الآن كنت ابحث عن سيارة للدوام لي 
كان بالمقدرة أخذ جنسس او سيارة فخمة اقساط واسير
مديون بمئات الآف 

فكرت بعقل وقلت وش فايدة هالمظاهر اللي راح تخليني كل
شهر ادفع مبلغ وقدره  وسيارة ماهي بإسمي الا بعد
سنوات عديدة 

رحت اشتريت سيارة كورية جميلة جداً وراح اكتب تقرير عنها 
بشكل مفصل وراح أنصح الكل بشراءها  بسعر في الثلاثينات

وفرت على نفسي وعشت مرتاح البال  
دائما وابداً اذا فكر بمنطقية وعقلانية ومستقبلية ايضاً قبل لا تقدم على شراء سيارة او اي امر كان  كثير من عرفتهم يشتكي من هم اقساط سيارة ولا ايجار بيت ولا اقساط زواجه تحصل الخلل انه مايقتنع بحاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماودي ادخل في جدالات مع احد لكن قليل الدبره سواءً طلع سيارة ولا ما طلع مافيه فايدة ، لاشك ان تقصيد سيارة بالعمر الصغير هذا وبمبلغ كبير اكبر غلط هذي منتهين منها


لكن مشكلة بعض شبابنا للاسف وهذي ملاحظها بازدياد انه طبع عليه مفهوم الشعب كله مديون والراتب مايكفي الحاجة وللاسف البعض في وسائل التواصل الاجتماعي لهم اثر سلبي على كثير من الشعب دائما يرددون تلك العبارات السلبية الراتب لا يكفي الحاجة والشعب مديون وكلنا مديونين


لدرجة توصل لمرحلة تقول لاحد لاتطلع سيارة اقصاد وش الله حادك موترك زين يقول كل الناس مطلعه ، طيب واذا الناس طبت في النار بتروح معها


انا انصح الجميع انها لا يقرا ولا يطلع في وسائل التواصل الاجتماعي الا على الشي الايجابي فقط ، يعني الاطفال الحين يقرون طقطقة على الاختبارات ومهزله وغير بعض الشيبان الله يهديهم الله يرحم ايام اول وانتوا جيل فاشل طبيعي الولد حتى لو كان عنده طموح يتحطم بيقول دامني فاشل بسلامتهم منيب مجتهد


حتى دور الرقابة للأباء للاسف يكاد ينعدم ما اقصد الرقابة انه وين راح وين جاء لا اقصد رقابته لمستقبل ابنه اشوف وش توجهه هو يم دراسة اذا مرة مقفل احاول اقنعه واحببه في العسكرية على الاقل يفلح براتب زين دام ماوراه دراسة


اتدخل في حال انه بيطلع سيارة جديدة بمبلغ كبير ارفض ومن حقي كأب ارفض هذا ولدي واخاف عليه وابي مصلحته مابيه يغرق عمره بالديون من بداية حياته لكن للاسف كل هذا يكاد ينعدم الان


من اول لو بيشتري جوال شاور امه وابوه وهو عمره فوق 25 سنة ليس انه ماعنده عقل لكن في الامور الكبيرة حاول تسمع اراء وتحللها زين اسمع منهو اكبر منك واعلم منك ومر بتجارب قبلك قد يكون كلامه فيه نسبة من الصح والثاني نسبة بسيطة وانت تحللها وتشوف الانسب والاريح لك بمعنى


يمكن واحد يقولك اجمع واشتر سيارة ب 30 والثاني قال طلع قرض واشتر سيارة ب 100 الف لا تسمع كلام ذا ولا ذا اجمع مبلغ بسيط والباقي قرض بسيط على سنة وطلع سيارة جديدة وتكون كسبت مع الجهتين بس للاسف كثير من الشباب ماعنده الفكر هذا


موفقين واسف على الاطالة


up 1 down 0
a.ibrahem 2792
قبل 3 شهر و 4 أسبوع



shadowz33

نفس المثل اللي ذكرته للاخ الفارس ينطبق عليك
هذا حال اغلب الشعب ماينكر هالشيء الا غبي

شوف جماعتك كم عددهم وشوف اللي ينطبق عليهم الكلام وشوف العقلاء منهم صدقني ان كان عددهم 20 اكثر من
النص لاعب بنفسسه لانضحك على انفسنا الوزير يوم يقول مشكلة الاسكان مشكلة فكر استلموه العالم وطقطقه وضحك
وتلعيقات وسخخريه لان العقول (ناقصه) واكثر اللي طقطقوا عليه يدفع شهريآ قسط اكثر من 2000ريال
بسيارة طالعه عليه فوق 150الف وراتبه رايح على امور تافهه وجاي يطقطق هههههه

وكلام الوزير صحيح كثيييييييير من الناس ونتكلم عن الناس اللي رواتبها عاليه او فوق المتوسطه
يستطيع يمتلك بيت طبعآ مو سهل لكن كان بالمقدرو وياخذ سيارة ويشتري كماليات مالها داعي ولايصفي من راتبه الا الشيء القليل ويجي يتبكبك
الراتب مايكفي ارجع واقول عشان الاغبياء مايفهموا غلط اتكلم عن الرواتب اللي فوق ال9الف الرواتب العاليه لعبوا بانفسهم
وزاحموا الفقراء اللي مستحقين لاي دعم من الحكومه وانت اكيييد وواحد منهم





up 0 down 3
المنطق يقول 671
قبل 3 شهر و 4 أسبوع