ايش حل هذه المشكلة

ممكن عندك مشكلة في ربلات الشكمان التي تمسك الشكمان بالبدي 
تمون ربل مع الوقت والاستخدام تهتري وتتقطع واذا دعست بنزين يصدر احتكاك للشكمان بالبدي فيصدر صوت 

الأفضل تفحصها عند محلات الشكامين 

المشكلة هذي عامة في السيارات في بعض الكورية واليابانية.
شوف حبيبي بإذن الله حلها سهل وما راح يكلفك واذا ما طلع منه ما راح تخسر، اول شيء افحصها عند كذا واحد في الورش طبعاً.
ولا تصلح على كلامهم شوف اغلبية الآراء.
الحل اللي بعطيك هذي من الأقمشة الخلفية وليست الفحمات، الأقمشة يجي شكلها نص دائرة ( هلال ) حديد،
طبعا اول شيء يفك الكفر الخلفي ويشيك عليها اذا منتهيه تغيرها، والاقمشة عمرها طويل بس قوله يوزنها الثنتين طبعاً،
ويشد الجلنط معها، حتى لو تلاحظ الجلنط اذا سحبته الحين لازم تسحبه إلى اعلى شيء عشان يمسك السيارة ما تدحدر.
بعد ما يصلحها انتظر كم يوم لا تستعجل عليها، اذا ما راحت المشكلة بعد أسبوع شوف حلول ثانية، وان شاء الله تصلح وتتذكرني تدعيلي.

وين مصدر الصوت في السيارة قدام ولا ورا ؟؟؟ واذا كان قدام فوق تحسه من عند الكبوت ولا تحت من عند الرجلين تكرم ؟؟؟ او تحسه في النص ؟؟؟


وياليت لو ترفق مقطع فديو اذا الطقطقة واضحه مع الموضوع على الاقل نسمعه ونحدد لك الاحتمالات اللي ممكن تكون منها


وهل انت مغير شي قريب فحمات ولا شي ولا مسوي شي ولا من زمان ما جيتها ؟؟؟ ومتى طلع معك هالصوت وهل تغير في السيارة شي بعد ما طلع الصوت

اخوي a.abrahem
اي انا غيرت الفحمات الأمامية من قبل شهر فحمات اصلية بالنسبة هو من قدام الجهة اليسار قريب لأرجل السائق بالنسبة للفيديو الصوت ما رح ينسمع ابدا لانو لأنو خفيف

اخوي الهامبرا
الصوات جاي من قدام ومن تحت جهة اليسار ما اتوقع انو الفحمات الخلفية لها علاقة على العموم الله يعطيك العافية ومشكور

نفس الصوت هذا طلع لي الاسبوع الماضي طبعاً كنت مغير مساعدات امامية في موتري وجلد مقصات الخ ....


الفحمات طبعاً كانت كويسة لان توني مغيرها من كم شهر


وطلعت من الميزان اوكي والموتر ماشاء الله راكد بعد المساعدات والوضع تمام


فجأة صار يطلع صوت دبدبه واكتشفت انه مسمار الكليبر ماربط كويس وصار تدقدق الفحمات ، فدامك مغير فحمات اجل ارجع له ولا شف ميزان ثاني وخله يشيك كل شي مشدود والوضع تمام اذا هذا افحص عنده


ومتأكد ان شاء الله انه منها وكلها شد ومنتهي موضوعك ان شاء الله دام الموتر سليم تقول مافيه شي


موفق

اخوي a.abrahem
مشكور كثير انت وباقي الأخوة على مساعدتكم لي فريب بأذن الله بشوف مسامير الكليبرات

شوف علي ياخوي .. صارت تقريبا معي نفس مشكلتك ... نصيحه صلحها قبل الكارثه .. و يفلت معك البريك .. هاذي يا طويل العمر رمانه العجل ( البيرنغ ) حقه العجل ... و من كثر المشي تضرب الهوبات بال كليبر و البريك .. و بالعلامه تشوف الفحمات بميلان خفيف .. و غالبا انكسر معك الكليبر .. لذلك تاكد من البيرنغ ثم تاكد من الكليبر .. و السلام عليكم ...

حصلت لخويي نفس وصفك للمشكله وطلع مسمار التوازن

لا تلوم اللي اجتهدو وعلقو وحيروك اكثر كل واحد يشرح عن مشكله صارت معه قريبه من مشكلتك

لو انك ارفقت فيديو يشرح نوع الصوت كان اختصرت على نفسك الكثيرررر .. على قولتهم فهم السؤال نصف الاجابه

اشكرك اخ ابو هيثم لكن لو صورت فيديو من الصعب انو الصوت يبين زين بالفيديو