معنى السيارة تصلح فقط للمستخدم ؟

معنى للمستخدم
يعني ياشريطي ابعد عن اعلاني ولا تبخس سلعتي
هاذا المعنى من الجملة ومع ذالك عط السيارة حقها
لاضرر ولا ضرار حقها في السوق مثلا 30
عطها 30 وهكذا

وجائز ان يكون من يقول هاذي الجملة
هو نفسة شريطي ويبي سعر خيالي

نعم لانه لا يمكن شريطي يقدر يبيع شريطي هههههه

والافضل من كل هذا سواء كتب فقط للمستخدم ولا عبارة ثانية لازم تفحص الموتر بالكامل (بدي - مكينة - قير - دفرنش)

لان الحين صار الحلف زي شربة الموية وقدامي صارت مواقف راعيها يحلف انها وكالة واخر شي ملعوب فيها

يا رجال الموقع هذا اغلب اللي فيه شريطية وقله منهم من يخافون الله 

الله يهدي ويصلح الجميع 

اساس الكلمه هذي صحيحه. بس ان الشريطيه خربوها 
 لأن هو يعني السياره هذي اعرفها جيدا واظمنها ورافع سعرها  رغم مثيلاتها بالسوق ارخص  لاكن مجهولات  
فالمستخدم هنا يبي يستفيد  عشان انها مظمونه  للأستخدام اما الشريطي. فهي غاليه عليه بسعرها ولايمكن انه راح يستفيد منها بعدين لأنها راح تكون بالنسبه له مجهوله لزبون الجديد ولا يقدر يقول  اظمنها 100‎%‎ لانه لن يستخدمها ولا يعرفها
 يعني مثلاً
عندي سياره انا فاكها وكاله  وانا اعرف استخدامي  لها محافظ لها مره مره   وبعدين ابغى ابيعها اجي وارفع سعرها واقول  تصلح للمستخدم فقط  لأن الشريطي بهذا السعر لايمكن يشتريها  لأنه هو يبي يشري ويبيع فكيف يشري غالي ويبيع رخيص
اما المستخدم  فهو يبي يستخدم ويبي شي نظيف ومظمون  من صاحبه الاول مشهود له بالاستخدام
بس هنا الشريطيه صارو يستخدمون الكلمه هذي عشان يرفعون السعر    

عبارة ( فقط للمستخدم ) غالبا انها تطلق من شخص متابع السوق وبيتعبك بعملية المفاوضة

وفيه عبارة اخرى (بدي وكالة) وفي حال الفحص يتضح معك رش وسمكرة ولكن فعلا بدي وكالة وتعتبر عبارة ذكية من المعلن او البايع

للمستخدم فقط
معناها غير ما وضحوه الاعضاء
مالها دخل بالشريطيه ابدا
للمستخدم يعني ممكن يكون فيها ملاحظات بسيطه ما تأثر على الاستخدام ابدا
رش صدامات او سمكره باب او رفرف شيء خارجي يعني ينزل من قيمتها شوي ولكن ما يأثر على الاستخدام
يعني خدوش بالبويه خارجيه و اشياء ما تأثر على استعمال السيارة مجرد شكليات هذا معناها

المعنى الحقيقي لها ياشريطي ابعد
انا ببيعها بسعر ماعاد وراه مكسب يعني اللي بيستخدم الموتر بيشتري بهالسعر
الشريطي يبي يشتري بسعر اقل ويحصل وراه مكسب