أضف سؤال أو موضوع جديد          

وش رايكم بسعر الكادينزا؟متخوف من سعرها

up 0 down 0
abdullah_rea 34
قبل شهر



السلام عليكم ورحمة الله وبركاته

اخواني باستشيركم بسعر الكادينزا اللي لقيتها 
موديلها 2015 فل كامل ماشيه 38 الف بودي بلد ما عدا الصدام الامامي مرشوش من دون تأثر الشاص ولا خروج الارباقات
طالب فيها الرجال 47 الف...هل تشوفونه كويس؟ او انه اقل من المعقول ويمكن يكون فيها بلا مع العلم لقيت نسخه منها ب50 بس ممشاها اكثر هل هذي اسعارها الطبيعيه مع ذا الموديل بالفئه هذي؟
رايكم يا اخوان لاني ملزم عليها ويمكن اخلص اموري اليومين ذي ان شاء الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله السعر ممتاز على مواصفاتها فل كامل
سعر طيب والصدام ماعليك منه
انا اقولك افحصها فحص شامل لو في الوكالة مسمار مسمار
اذا وكالة الموتر لايفوتك
الكادينزا ممتازة ويكفيك 6 سلندر


up 1 down 0



ربي يسعدك يا رفاعي عاجبتني جدا ولها يومين ناشبه في راسي 
لكن ترددت من دحدرة سعرها فقط


up 0 down 0
abdullah_rea 34
قبل شهر



لاتتردد الوكالة اذا في الموتر بلا بتطلعه
وانت كلم صاحبها قولة بيني وبينك الوكالة
ان طلع فيها بلا تتحمل قيمة الفحص
الي اولة شرط اخرة نور ان شفته يماوج معك فاعلم ان فيها بلا
وان شفته واثق ولا عندة مشكلة افحص والله يكتبلك الي فية الخير


up 3 down 1



الكادينزا سيارة اعتمادية اهم شي حافظ عليها


up 1 down 1
ahmad akk 411
قبل شهر



ايه عادي وسعرها الاسعار نازله والمواتر طايحه


up 1 down 1



الله يسعدكم ويجزاكم خير الجزاء
بافحصها شامل وان شاء الله تطيب الخاطر 



up 0 down 0
abdullah_rea 34
قبل شهر



كدا اسعارها الكوري استخدم لا تبيع مو مثل التويوتا ماسك سعره


up 4 down 11



اهم شي تكون فعلا فل كامل

الفل كامل يجي جلد نابا تبريد تسخين مراتب ساوند سستم مع مضخم وسماعات اكثر مع شاشة واتوقع رادار وزنون و عدستين وكشافات ليد تحت

لان مواصفات السيارات الكورية كثيرة فكل من شرا بانوراما وجلد قال فل كامل


up 1 down 0
almuhands 159
قبل شهر



والله واحد اعرفه باع كادينزا 15 فل ماشية حدود نفس الممشى اقل من 40 الف والبودي وكالة بمبلغ 75 الف
اشوف السعر ممتاز ولكن افحص السيارة عشان تتأكد اذا هي نظيفة او فيها مشكلة


up 0 down 0
سلطان4040 1202
قبل شهر



الله يكتب يالي فيه الخير وانا اخوك الفحص الفحص في الوكالة

انتبه لا يغرك مظهر ولا كلامه ولا حلفانه. ولا تستعجل


up 0 down 0



جزاكم الله خير جميعا 
هل يعرف احد كم يكلف فحص الوكاله؟


up 0 down 0
abdullah_rea 34
قبل شهر



يمكن الرجال نزل من سعرها 3000 او 5000 بدل ما تكون 50 او 55 علشان تنباع او انه مستعجل


مو شرط رخيص يعني مضروب وحسب ما بحثت في حراج لقيت انه سعرها زايد شويتين يعني بحدود 50-55

خذها وتوكل لا توسوس كثير بس جيب معك كم خبير علشان يفحصوها مبدئيا وبعدين تبدا في الفحوصات المكلفة


up 0 down 0
mercy_sa 186
قبل شهر



سعرها منطقي جدا وفرصة لك


الله يوفقك ويكفيك شر الحسد


up 0 down 0
mercy_sa 186
قبل شهر



اللهم آمين جزاك الله خير يا غالي
بكرة بابدأ ان شاء الله بالثقيل من فحص وتشييك والله يكتب فيها الخير


up 0 down 0
abdullah_rea 34
قبل شهر



بس انا وسوست على موديل وسعر وانها فل لكن ان شاء الله تكون نظيفه وما قصرو الاخوان


up 0 down 0
abdullah_rea 34
قبل شهر



المهندس

الكادينزا 2015 لا يوجد فيها ردار

مع اخوي وحده فل الفل

ابرز مواصفاتها 12 سماعة انفنيتي + تسخين وتبريد مراتب + جلد نابا وشاشة 8 انش وستارة خلفية ومقاعد كهرب + انوار زينون
مواصفات شحيحة على سيارة من هذي الفئة

لا يوجد بريك اكتروني ((بوارد الجبر طبعا الخليجي فيه ))
لا يوجد ردار
لا يوجد نقاط عمياء
لا يوجد حفاظ على المسار
لا يوجد كاميرات 360
لا يوجد مساج
حتى انوار السقف تجي صفراء مو LED
شنطة عادية بدون هيديروليك

بالنسبة للسعر اشوفه عادل فيها نوعا احسن من احطو في احدى خرد تويوتا الا عبارة عن قير ومكينة فقط لا مواصفات سلامة ولا مواصفات رفاهية كلها 0 مكعب



up 0 down 0
amjd22558 320
قبل شهر



عطيتني معلومات حلوه يا امجد لاني كنت ابحث عن مواصفاتها وما كان فيه معلومات كافيه عن ذا الموديل الله يجزاك خير ويعطيك العافيه ويبارك لاخوك ولك


up 0 down 0
abdullah_rea 34
قبل شهر