انتشار ظاهره غريبه بحراج الموقع ارجو المساعده

هذا يريد انك تعمل له تأمين ثم يمكن يسحب عليك

ويسترجع قيمت التأمين هذا والله اعلم بنيات الناس
لكن خذ احتياط

ابتعد عن مثل هذا نهائيا

هل يقدر ينقلها بدون مااوقع ع المبايعه بالرياض? وبيجيني رسالة تم
وهل يقدر نفس المكتب ينقلها من اسمي بدون مااوقع علي المبايعه?

طيب ما فيه بالبلد الا هالولد 
يعني ما فيه الا هالسياره .. اذا الامر فيه شك والوضع ما يطمن 
شوف لك سيارة ثانية نظيفة وصاحبها موجود واوراقها سليمه .. نقطة انتهى السطر .

والله لقيت حول 4 كلهم بنفس الطريقه
المغزى ليس ثقه او عدمه المغزى هل اذا استلمت رسالة تم يقدر حد ينقل السياره بدون عبمي او موافقتي???

الشغله فيها نصب او احتماليه نصب

ابعد افضل

لا احد يستطيع ان ينقل السياره بدون علمك او موافقتك

لانه وقت البيع يجي كود ع جوالك من ابشر

اتركه كذوب نصاب
تأمن له وبعدين دوره والله ما تحصله
البيع بشكل مباشر اسلم الطرق
اترك عنك ....هذا يلف ويدور ما هو بايعك

حبيبي الطريقة كالتالي اذا بغيت تشتري اذا مو مأمنه تأمن أنت عادي عن طريق صورة الاستمارة للسيارة اللي بتشتريها مباشرة بعد ربط التأمين يسوي لك مبايعه في نفس اللحظة عن طريق تم يجيك رقم كود من ابشر على جوالك ما احد يقدر ينقل السيارة الا بادخال الكود الرساله اللي جتك اذا جاك الكود تعطيه مكتب المبايعه يدخله وتنقل السيارة باسمك كل هالعمليه تتم في اقل من 15 دقيقه من تامين ونقل السيارة ولايحتاج تسافر انت وهو ولاشئ انا توي ناقل سيارة لشخص شاريها من جده وهو في الرياض اللي احتجته فقط اني ارسلت له الاستمارة وامن وارسل لي صورة بطاقته ونقلت السيارة باسمه كل هالعمليه تمت في اقل من 15 دقيقه ولايحتاج حظورة ولاشئ .

اسف الكود يجي صاحب السيارة اللي السيارة باسمه .

احذر وابتعد هذا كذب ولف ودوران يدخل تحت بند بيع شيء لا يملكه والمعروف أن هذا الأمر لايجوز

عزيزي : فكر في الموضوع في راسك شوي . بتلاحظ إن سلبيات البيعه أكثر من أيجابياتها يعني :
السلبيات :
ممكن يسرقك في المبلغ
ممكن الشركة ماتوافق على البيع وانت قد عطيته الفلوس
ممكن يبيعها لشخص ثاني ويصير ياخذ فلوس منك ومن غيرك .
ممكن يبيك تأمن عنه ويقفل جوالاته ولاعاد تشوفه .
ممكن السيارة مسروقة وليست ملكه وبيورطك مع الشركة .
الإيجابيات :
سيارة نظيفه وترغبها فقط .
لاحظ كم النقاط السلبية وكم النقاط الإيجابية بتكتشف في الأخير أنك داخل في متاهه ولاتستاهل كل هالتفكير أصلاً
نصيحتي : شوف غيرها أوراقها سليمه وصاحبها حاضر والسوق مليان .. بالتوفيق ,,,

اذا تعطيه الفلوس بعد ماينقلها لك عن طريق تم ماشوف فيه نصب 
ولا حاجه الاستماره تطلعه انت بعدين 

اشكركم جميعا وكما تفضل الاخ يقال لى ابو ليلى ووضح فعلا يتم النقل عن طريق تم فورا وظهرت بيانات السياره فى ابشر فى نفس اللحظه والرجال كان ونعم الخلق وصادق اشكركم جميعا

الله يسهل امرك ويبارك لك