هل الصيانة الدورية في الوكالة مهمة للضمان

انا وديت سيارتي الجميح وسويت عطل فيها بالضمان وهي ماشيه فوق 40 الف
والضمان ماشي لا وكاله ولا بترومين

والضمان حتى لو في بنشر عادي بيستمر حسب كلام وزارة التجاره

انا نفس كلام الاخ ما عمري دخلتها الوكالة ودائما أغير عند بنشري والضمان لسا شغال 

وعليكم السلام ، ياخوي اذا بتستمر في صيانة الوكالة كذا انت قاعد تدفع مقابل للضمان
يسوون صيانات مالها داعي ويغيرون قطع سليمة وياخذون فلوس دبل ليش! اقعد اوهم نفسي بالضمان في الاخير ترحلهم يصرفوك
انا اقلك ان شاء الله ماتحتاج للوكالة في اي شيئ بدليل شوف كم سيارة من كيا تعد ال100 الف بدون اي مشاكل على كلام ملاكها انا معي سيراتو 2016
الوكالة ساحب عليهم اخر مرة غيرت زيت في الوكالة 5000 وبترومين 25 الف اذا مرة ماتبي تغير عند بنشري غير زيت عند ون ستوب يعطيك فواتير

والحمدلله السيارة عال العال

الصيانات الدورية عند الوكلاء، سرقة، الحمد لله أشتريت 3 سيارات جديدة، وكلها لم أدفع للوكيل ريال واحد، وحتى بترومين ما أروح لهم يسرقوني الأفضل تفتح كتيب الصيانة وتقرأ بنفسك الصيانات الضرورية، وهي عادة تغيير فلتر المكيف كل 20 ألف كلم وتغيير فلتر المكينة كل 25 ألف كلم، وتغيير الزيت كل 5 آلاف مع فلتر الزيت من الوكالة، وتعبئة ماء المساحة والتشييك على ماء الرديتر في الشهر مرة لو نقص املأه ماء مقطر، بعد ال 100 ألف تحتاج السيارة بعض الصيانة مثل تغيير فلتر البنزين وتغيير البواجي، لكن زيارة الوكالة = خسارة فلوس والسيارة جديدة، نصيحة لا تخسر إلا بعد ما تكون السيارة قديمة وفوق ال 100 ألف

رغم أن صيانتهم غالية، لكن الأفضل تلتزم معهم لو 10 آلاف كيلو بس، على أساس تضمن أن سيارتك ما فيها أخطاء مصنعية.

ظنيتك تسأل عن ضمان ال100 ألف، آسف والله، إن شاء الله يفيدونك.

تبي الصدق حسب الموظف والفرع

نظاماً غير ملزم لكن فعلياً وبعد ما طلع الربيعة رجعوا الوكلاء لطبيعتهم بالزام العميل بالصيانة ولا الضمان بيروح عليك

تصدقون عاد يا شباب صيانة الوكالات اغلبها اذا ماكان كلها مجرد ( سرقة و نصب واحتيال )
والا موتر جديد ما تعدى ١٠٠ الف كيلو وسالم من الحوادث والكرف الغير طبيعي ومسوي صيانته المعتاده 
الوكالة وش بيسوون وكلامي بالعقل والمنطق وليس مجرد تعبئة فراغات .. الا انهم يدخلونه من هنا ويلمعون من هنا 
واخرتها ادفع مبلغ وقدره على تغيير زيت مكينة وفلتر زيت المكينة اذا اشتغلوا بذمه وضمير .

سمعنا وشفنا وجربنا الوكالات ما عندهم الا جمع اموال الناس باي طريقة .. واخرتها اذا طلع عيب مصنعي بهذلوك 
على بال ما يصلحونه 

تغيير الزيت في الوكالة او اي موقع معتمد بفواتير ( مثل بترومين + ون ستوب + اوتوستار) هذا يكفي لوحده لحفظ الضمان

ومايحتاج اجراء صيانة دورية. غير 1000 كم الاولى المجانية فقط........

والله أعلم

اعتقد فعلا راي الاخ محمد الفاتح بعمل الصيانة اول 10000 كم مهم للتاكد من عدم وجود مشاكل وبعدين اتركهم