...........

تعقيبا على كلامك في واحد معاه فكتوريا موديل 2000
كان يستخدم زيت موتركرافت ونقل لبترومين ثاني يوم
يطلع صوت طقطقة عنده وتزيد مع دعس البنزين ولمن
رجع لموتركرافت اختفى الصوت طبعا الزيت اللي هوا
يستخدمه لزوجته 20w50 على ما اعتقد فا انت جرب
وغير الزيت لنوع ثاني فوكس مثلا والافضل 5w30

الله يعطيك العافيه على مشاركتك 
بس انا محتار والله واخاف اغير نوع الزيت ويزيد الصوت
ابي احد مجرب ويكون متئكد من المشكله 

اقلك خويي مجرب وتراه غير الزيت في نفس فرع بترومين
ومعاه فواتير اذا تبغى تكلمه ارلسي رقمك عالخاص
والكلام له يومين او ثلاث

تسلم يالغالي  مصدقك والله 
وبجرب ويارب تنحل المشكله 

سيارات هيونداي وكيا عموما فيها طقطقة في المكينة وتكون قوية عند تشغيلها باردة ، سبق وأن أستخدمت سيارتين من هيونداي الأولى للحين ماشية حول ال 300 ألف ولا زالت بنفس الطقطقة ، ولا مشكلة والآن النترا أيضا طقطقة عن التشغيل البارد وماشية حوالي 160 ألف ، المشكلة طبيعية وكثير من المهندسين الأجانب يؤكدون أنها طبيعية ، فلا تخسر على السيارة

راجع هذا الفيديو لسيارة ريو بس المكينة أكبر الصوت فيها طبيعي

https://youtu.be/nGQcC7giMkU

الله يعطيك العافيه ماقصرتم 

بس الصوت ماكان موجود عندي اول ماشريتها صوتها 
طبيعي. وفجئه قبل كم يوم طلع الصوت هذا الي خلاني 
احتار وش السبب 

ممكن الصوت موجود من قبل ولكن الواحد اول مايشتري سيارة ماينتبه لكل شب فيها ومع الاستخدام يبداء يلاحظ

لا والله ياخوي. الصوت ماكان موجود من اول 

اول كانت تمام مافيها اصوات ابداً ماشاء الله

صوتها هادي جداً.  لاكن الحين اختلف 

شوف اقولها لك بالفم المليان مكاين الكوري حر برد صيف شتاء غبار ثلوج الانسب لها 5w30 دائما وابدا

من النادر جداااا تسمع عن مكينه كوريه خبطت او جاها بلاء او طقطقه وصاحبها يغير زيوت 5w30 الممتازة بانتظام مثل فوكس تيتان سوبر سن وموتر كرافت واي سي ديلكو

اما اللي يستخدم بترومين A1 او كاسترول ماجناتيك او شل هيلكس المخيس هذا الله يستر عليه وعلى مكينته (( ملاحظه )) ترى هالكلام يخص السيارات الكوريه فقططط موديل 2011 وفوق

الله يعطيك العافيه ياابوهيثم 7

غير زيت موتركرافت 10w30 وراح تشوف الفرق في الهدوء والعزم انا مجرب بترومين اول ما شريت سيارتي اكسنت ٢٠١٢ غيرت اول مرة بترومين وصوت المكينة صار عالي عند التشغيل او عند ترجيع الغيار تسمع صوت المكينة بوضوح وغيرته مباشرة الى موتركرافت فرق الصراحة واضح في الهدوء والعزم

ابو هيثم 7 لو سمحت اخي لحين بترومين A1 وشل هيلكس المعتمد من شركة هونداي زيوت سيئة ولا كيف !؟؟

يا حبيبي غير زيت شل هلكس 10/30
هو الموصى فيه من الشركه الام بكوريا
وراح يختفي الصوت انا امتلك اكسنت وماشيه حدود ٤٠٠ الف ومكينتها الحمدلله زي الورده
من يوم شريتها ونا على شل هلكس

بترومين A1 كل شي فيه ممتاز لا من ناحيه اللزوجه ولا حتى التصنيف ولا اعتماد ديكسوس .. لكن عيبه يسبب طقطقه بالسيارات الكوريه عموما لانه خفيف .. فهي وحده من الثنتين ياتركبه والموتر اصفار او لا تستخدمه ابددد

اما اللي يقول شل هيلكس معتمد ؟؟؟ يابعدي شل هيلكس اللي عندهم مب اللي عندنا .. عندهم هيلكس انتاج امريكي 100% مثل الزيوت العالميه امسويل وموتر كرافت مب زي اللي عندنا يصنع بعمان ولا بعد بأسوأ تصنيف

خل عنك الهياط 400 الف ومدري وش .. اذا الله ستر على موترك مب معناته تنصح الناس بزيت غلط !! اجل فيه سيارات وصلت 600 الف على الزيوت الثقيله 20w50 ولا احد نصح فيها ؟ يعني بالنهايه تراها ضربه حظ لا تحسبها انجاز

ويكون بعلمك ان 98% من زيوت شل هيلكس تصنيفها SL وهو تصنيف قديم طالع من 2001 يعني قبل 17 سنه !!!! المضحك المبكي انه مخصص لمكائن الحديد المصنوعه بذيك السنوات وليست مكائن الالمونيوم الحاليه .. وطلع بعده تصنيفين مب واحد الاول عام 2006 واسمه Sm والثاني عام 2012 واسمه SN وهو احدث تصنيف واغلب كتلوجات السيارات الحديثه تنصح فيه لانه الافضل بكل تأكيد

تبي صور توضح لك اكثر سالفه شل هيلكس اللي انت فرحان فيه تفضل هذا موضوعي https://hyundai.montada.haraj.com.sa/70247/مهم-جدا-..-سبب-تخبيط-مكائن-2400-الكورية-/

والله وانا اخوك عندنا النترا 2014 فكينها وكاله من يوم شغلناها بحوش الوكاله وهي فيها طقطقة
عاد الي يومك هذا وهي عندنا وكل ماشغلناها يطلع صوت الطقطقة الحين ماشية فوق 160 الف والزيت الي نستخدمة بترومين 30-10 ولا شفنا منها اي شي لا نقص ولا تبخير ولا شي