هل اغسل السيارة الوكالة ولا اخذها بغبارها

انا اغسل سيارتي احيانا كل اسبوعين و البوية وكالة

وعليك السلام ورحمة الله وبركاته
أول باشتان الله يعطيك خيرها ويصرف عنك شرها ويبارك لك فيها .

ثاني باشتان المفروض تستلمها مغسله منظفه منزوعة الورق والجلاد عشان تشوف البودي لو فيه مخوش أو حكات تبان معاك
لأنه بمجرد توقيعك لورقة الإستلام تعفي المعرض من أي ملاحقات قانونية أو دعاوى قضايئة .

ثالث باشتان: بالنسبة لبقاء الجلاد على البودي فهو بلاشك اذا طول ونشف من الشمس يعدم عليك البوية ويسبب لها بهتان
حتى الغبار لو طول يطفي لمعة البويه .

والله ولي التوفيق

في عام 2014 أخذنا ددسن جديد وكان على الكبوت والرفاف جلد وكان عليها ملاحظه ومكتوب بالانقليزي انه ما يبقى على بدي السياره اكثر من 6 اشهر 

انصحك تخليهم يغسلونها ويشيلون الجلاد وبعدين افحص السيارة مية بالميه قبل الاستلام وتأكد مافيها خدوش او ملاحظات وبعدين استلمها ووقع.
حصل لي في السابق ان اخذت سيارة اصفار من الوكيل الحمراني سابقا وكانت مغبرة وخليتها كم اسبوع بغبرتها للتشخيص ههههههه . المهم بعد ماغسلتها لقيت في الكبوت والشنطة نقط سوداء في البوية ورجعت لهم ورفضوا يسوون اي شي. يقولون انت استلمت السيارة سليمه. من بعد هذا الموقف ماعاد استلم اي سيارة اصفار الا بعد التشييك الكامل عليها .

وعليكم السلام ورحمة الله وبركاته
الشباب ما قصروا
لكن ملاحظة على الغسيل
أحيانا يكون الغسل من عمال الوكالة او المعرض باستخدام سطل الماء وهذا خطأ المفروض يكون بجهاز دفع الماء لإزالة الغبار و التراكمات ثم يتم غسلها بالاسفنجة و السطل



عموما الغسل قبل الاستلام أفضل حتى تتضح لك العيوب و الملاحظات

و ربنا يعطيك خيرها ويكفيك شرها

الله يعطيك خيرها ويصرف عنك شرها ويبارك لك فيها

اذا كنت تثق بالمعرض لاتغسلها واول ماتطلعها من المعرض على طول اقرب مغسلة لان الغبار والتحاليل تعدم البوية مع الوقت.
وعارف شعورك ممكن تبغى تحس أن السيارة تكون جديدة أطول فترة ممكنة بتجاليد الوكالة وغبارها هههههه.
لكن ترى في النهاية السيارة لابد تجي لها مخوش وضربات مع الاستخدام وممكن من اول اسبوع او حتى يوم ف انت استمتع بلمعتها ونظفها

والله يعطيك خيرها ويكفيك شرها

فك التجاليد والأوراق لا تكون لحجي يا اخي

الله يسعدكم ومشكورين ماقصرتم 

بالنسبة لسيارتي قبل لاوقع استلامها نخلتها نخل من جوا ومن برا حتى الكتلوجات والعدة تاكدت هن فيه ولا لا وفتحت كبوتها اخذت نظرة سريعة ويوم تاكدت مليون بالمية ان الامور طيبة وقعت استلام ومشيت