كيف اعرف اذا مسامير التوازن خربانة

وعليكم السلام ورحمة الله وبركاته

شوف المسامير وامسكها وهزها وتأكد إذا فيها فضاوة أو لا
وشوف جلودها مشقوقة وطالع منها الشحم ؟

إذا كان فيها فضاوة يعني مرتخية ومهي مشدودة اعرف إنها مستهلكة
وإذا طالع منها الشحم معناتها منتهية على الأخير

امش في ردمية وإذا سمعت إيقاع راب اعرف انها منتهية

لازم تعرضها على ميزان اذا انت ماعندك الخبرة الكافية خصوصاً العضلات لأن احيانا الصوت يتشابه زي ربلات العمود وجلد المقصات اوكي ممكن نبني ان موترنا يحتاج كذا بناءً على تغييري انا ومعرفتي بسيارتي ان هذي مركبها من سنتين والمفترض الحين انتهت وانزل اشوفها لكن بالفحص في الميزان يمكن يطلع خرابات غيرها بعد بدال ما تصلح شي فعلن خربان ولا يختفي الصوت



عموماً مسامير التوازن تقدر تشوفها من الجلد حقتها واذا فيها رخاوة بس ما انصحك تبني على كلامك ولا كلامنا لأنا ما شفنا الموتر وماندري وش وضعه وش غيرت وش ماغيرت لذلك لابد العرض على الفني


موفق