أضف سؤال أو موضوع جديد          

شركة أوتوستار و الضمان

up 43 down 43
ابراهيم 78 -100
قبل 4 شهر و 2 أسبوع



السلام عليكم ورحمة الله و بركاته

حبيب المنتدى إبراهيم التركي معاكم

لي فترة أبحث عن سيارة بضمان عليه الكلام

سالفة 60 ألف او 3 سنوات او حتى 100 ألف او 5 سنوات ما تسوي شيء

60 ألف بالاستخدام العادي تخلص خلال سنه و انتهى الضمان

و 100 الف خلال سنتين بتمشيها و انتهى الضمان هذا لو كنت تعتمد على سيارة وحده بكل مشاويرك

حتى لو كانت مشاويرك عاديه

فكان البحث عن شيء يكون ضمان ممتد أكثر و سيارة سعرها مناسب و تناسبني انا شخصيا

مريت الوكالات و شفت المستعمل و الجديد

لقيت شركة اوتوستار طبعا شركة معروفه من سنوات طويله

فرع جده شارع التحليه موظف سعودي و موظف سوداني عليهم من اللعنه ما يستحقون هههههههههه

قالوا جميع سياراتنا عليها ضمان 6 سنوات مفتوح الكيلو و ضمان الوكالة نفسها

قلت شيء ممتاز

قبل الضريبه سعر الازيرا ستاندر طبعا ستاندر تجي بانوراما و مكينه 3500 و مراتب جلد

لكن مرتبة الراكب يدوي كامله و الغريب ان الازيرا اوسع من الجينسس و قير 8 غيارات

سعرها 98 ألف قبل الضريبه

سعر الكادنزيا 94 ألف ستاندر مراتب مخمل و بدون بانوراما و كاميرا خلفيه مع شاشه صغيره

و مراتب السائق و الراكب كهرباء كامله و مكينه 3300 و قير 6 غيارات

و حسب البطاقه صرفها اقل من الازيرا بالبنزين

و لكن الداخليه واسعه و الجلسه فيها مريحه و هي واقفه طبعا ما ادري عن ممشاها

عموما سيارة تعتبر 6 سلندر نشيطه مع صرف بنزين حلو و ضمان حلو

و شكل جديد

بعد تطبيق الضريبه سعر الازيرا ارتفع الى حوالي 112 ألف

و الكادنزيا لا زال 94 ألف مع الضريبه و الاستمارة و كل شيء

استغربت قال مسوين عروض

طيب وش وضع الضمان كيف أتأكد منه السوداني قال حنا شركة معروفه و ناخذ من الوكالات

بكميات كبيرة سيارات نسوق لهم و يعطونا ضمان ممتد

يوم من الايام قلت قبل الاستعجال بمر الوكالة اتأكد

و مريت وكالة الجبر بمكه و مقابلها بالجهه المقابله فيه فرع اوتوستار

دخلت لقيت مصري سألته عن السعر قال 98 ألف مع الضريبه

و سألته عن الضمان قال 5 سنوات مفتوح الكيلو

قلت له اوتوستار 6 سنوات مفتوح الكيلو و السعر اقل منكم 94 ألف مع الضريبه

قال مستحيل ولا فيه عقد معاهم على الكادنزيا بالصيانه و الضمان

و السعر ارخص من الوكالة بكثير ما تجي تأكد ممكن تكون خليجيه ما تدخل بالضمان عندنا اصلا

رحت اوتوستار نفس الحكاية مصري

سألته عن الاسعار نفس جده طبعا و الضمان 6 سنوات مفتوح الكيلو قال لا

كيف جده يقولون هالكلام وانتم لا

قال تبيني اكذب عليك ؟

الكادنزيا و الاوبتيما و الكامري خليجيه ماهي سعوديه و ضمانها 3 سنوات او 60 ألف

ضمان بترومين و ليس الوكالة او شركة اسمها اعتقد القصر

الخليجي المعروفه بالمعارض و الصالات سعرها 82 ألف مع الضريبه تطلع حوالي 86500

يعني اوتوستار زايدين 8 الاف ريال و كذب بالعروض

نجي للمستعمل

الازيرا 2018 مستعمله سعرها ما لقيت باقل من 85 ألف

و الكادنزيا 2017 ما لقيت 18 مستعمله لا بالمعارض ولا بموقع حراج

سعرها غالبا ما بين 50 الى 55

و اغلبها بالرياض جاها من التفحيط و الدعس حتى انتهى نص عمرها

و غالبا فيها رشات متفرقه و هي جديده خذوا لفيه بموقع حراج تأكدوا من كلامي

و اللي تحصلها بجده او مدينه غير الرياض ما تكون فيها رشات و تكون سعرها اغلى بحوالي 5 الاف

ولكن اللي بيشتري مستعمل يتاكد خليجيه او سعوديه

لو سعوديه تدخل بالضمان حتى لو ماخذها مستعمله لو خليجيه تتورط فيها لا ضمان ولا شيء

و هي جديده









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


سنابي اللي حاب يضيفني قليل أنزل فيه طبعا لانه غير الرسمي بعيدا عن الازعاج

الرسمي معطيه ناس معينه فقط i1403i


up 16 down 22
ابراهيم 78 -100
قبل 4 شهر و 2 أسبوع



حسبنا الله ونعم الوكيل
من أمن العقوبه أساء الأدب

انتبه تاخذ شي من بترومين
والله اني لك من الناصحين
تقدر تطلع على موضوعي الله كاتبه عنها وتحكم بنفسك وتشوف الردود


up 9 down 2
صقر السعودية 07 310
قبل 4 شهر و 2 أسبوع



قلت لك على الواتس ابتعد عن اوتو ستار
لا كاش اسعارهم معقولة و التقسيط على اليسر
اعلى فائدة من البنوك

و الصراحة ١٠٠ الف على موتر سيدان ما يسوى حتى لو ايش مواصفاته
سواء ٤ او ٦ سلندر حتى الكامري الجديدة طلعت قريب لصرفية الالتيما
وحده ب٨٠ و الاخرى ب٦٥
و الضمان الوحيد بعد حفظ الله
اهتمامك المعقول بالسيارة و السواقه الراكده
او خلك على موترك اللي تعرفه اكثر السيارات الجديدة حساسه
الا جيوب تويوتا و الهيلكس و الددسن و اللي مثلها

حياك الله بالمنتدى مرة اخرى و خلك عضو شطور هههههه


up 6 down 6
1405-1985 1273
قبل 4 شهر و 2 أسبوع



تاخذ ضمان خمس سنوات بيشيب راسك
كل ١٠الاف مسنتر عند بابهم من الصبح
بعدها تسنتر عند الاستقبال الين يجيك الدور
بعدها تسنتر بالمعرض تفكك وتصكك بأبواب
السيارات المعروض الي ماتخلص المحروسه
ويرسلون لك رساله حتى بعض المرات يتأخر
الموظف مايرسلك الرساله تستفسر عنها بالاخير تطلع خالصه من الصيانه

وانت بالشهر تمشي١٠الاف يعني تخيل كل شهر واقف عندهم
وسالفة الضمان لاتحسب ان كل شيء على حسابهم
قيمة الصيانات تدفعها ريال ينطح ريال كل صيانه مبلغها كثر من الي قبل

والله الضمان ضياااااع فلوس ووقت وجهد وتشيل هم زحمتهم والانتظار

لو الوكاله تعطيني سياره اصفار بدون ضمان وتخصم١٠الاف من قيمتها لأخذها وانا مغمض

الحمدالله ان ضمان سيارتي خلص وافتكيت منهم صينتها عندهم الى ال١٥الف بعدها سحبت عليهم
جمعت قيمة الصيانات الى ال١٠٠الف طلع علي المبلغ٩الاف ريال!! غير ساعات الانتظار وتركتهم

اجل شلون لو كيلوات مفتوحه!!


up 3 down 5
d7ooom777 458
قبل 4 شهر و 2 أسبوع



حتى انت ي إبراهيم تسولف بالضمان ههههههههه

ضمان ٦ سنوات مفتوح الكيلو معناته كل مامشيت ١٠ الاف تسوي عندهم صيانة وتغيير زيت وقلة حيا ويطلب منك تغير اشياء جديدة وعمرها الافتراضي باقي ثلاث ارباعه يعني يبيلك تحسب كل ١٠ الاف كم ١٠٠٠ ريال صيانه يعني افرض خلال ٥ سنوات مشيت على السيارة ٣٠٠ الف تكون دفعت عليها ٣٠ الف ريال صيانة ع الاقل!!!!

لو أشتري سيارة اصفار ماراح أسوي الصيانة بالوكالة الا مرتين فقط ويكون بين معي اذا السيارة فيها عيب مصنعي والباقي أنا اولى بالفلوس من الوكالة


up 3 down 5
دكتوراه في الحب 169
قبل 4 شهر و 2 أسبوع



بعض كلامك مغلوط شدخل بترومين بضمان كامري خليجي او هيونداي ! 
بترومين يبيع سيارات نيسان اذا اخذت من بترومين ضمانك بترومين
اما تويوتا وغيره ما له شغل بترومين
بالنسبه للخليجي بشكل عام يدخل بالضمان وانا عندي خليجي ٢٠١٥
وضمان بكلام الوكاله ١٠٠ الف او ٣ سنوات 
كامري خليجي ضمنها لي ابو جميل وهذا كلامهم مو كلامي 


up 3 down 6
car.10 206
قبل 4 شهر و 2 أسبوع



انا نقلت كلام فرع اوتوستار

اذا فيه شيء غلط فهو غلطهم وش دخلني انا

و حسب ما فهمت أن اوتوستار متعاقدين مع بترومين

بالصيانه و الضمان


up 9 down 14
ابراهيم 78 -100
قبل 4 شهر و 2 أسبوع



اللي اعرفه ان الوكاله في حال تمدد الضمان تدفع ومبلغ وقدره

والافضل تشتري من الوكاله وتمدد الضمان على كيفك ان شاء الله عشرين سنه قدام

التزم بالصيانه المطلوبه وامورك بالسليم

وفقك الله


up 3 down 2
aboahmed2014 533
قبل 4 شهر و 2 أسبوع



ماحد ضربك على يدك وقالك اشتر منهم وعيب ليك تلعن الناس


up 8 down 10
abo3edh 307
قبل 4 شهر و أسبوع



مدري انت دلخ او تستدلخ

ما شريت طبيعي كل واحد يتاكد من سالفة الضمان و الوكيل و كل شيء

و جيت اوضح تلاعبهم

لو انك شاري من عندهم و حاط ببالك ان الضمان 6 سنوات بدون تحديد الكيلو و الضمان عند الوكالة

و بعد سنتين تعديت مشي 100 الف و خربت المكينه او القير و رحت تراجعهم

قالوا لك سيارتك خارج الضمان وقتها تعرف تقول لا تلعن

وقتها ما بتقول الله يهديه ضحك علي و تسكت

اكيد بتطالب بحقك و تروح للموظف اللي ضحك عليك تقدم شكوى عليه او تتصرف اي تصرف

فلا تجي تسوي فيها الاخلاق على رأسي يا دلخ


up 4 down 5
ابراهيم 78 -100
قبل 4 شهر و أسبوع



عزيزي ابراهيم ماهمني صراحه اتوستار والمان وبطيخ انا بعطيك مثالاسلوبك ف الرد لعلك تحسنه


up 5 down 2
abo3edh 307
قبل 4 شهر و أسبوع



اقسم بالله عمري ماشفت واحد مثل لسانك بقذارته قبل فترة تسب كل اللي في المنتدى وعلى أساس انك ماراح تدخل بعد كذا والحين جاي بكل وقاحة تنزل موضوع ياخي ماعندك اي احترام 


up 6 down 5
سداح بن كحيلان 47
قبل 4 شهر و أسبوع



ما قد عممت على احد بالسب أبداً

أسب من يستاهل السب و أرجع المنتدى و أول موضوع أو رد لي أعرف بنفسي

لكن مثلك و أشكالك يدخل بكم عضوية مره يمدح و مره يسب و تحاول تخفي عضويتك الحقيقيه

هم كذا ناقصين الرجوله بعضويته المعروفه يسوي فيها الرجل الخلوق

و يدخل بعضويات ثانيه يحاول يسب و يشتم

بعدين منزل موضوع بمنتدى عام ما جيت بيتك تقول بكل وقاحه يا وقح


up 1 down 5
ابراهيم 78 -100
قبل 4 شهر و أسبوع



اولا ماعندي الا هذي العضوية ثانيا عمري ما علقت في المنتدى الا مرتين فقط ثالثاً مايحتاج نتكلم عن الواقاحة لانها معروفه من مين يامنبوذ لدرجة الكل يعرفك من اسلبوك الوقح ولن أزيد 


up 9 down 2
سداح بن كحيلان 47
قبل 4 شهر و أسبوع



من يوم دخلت المنتدى وقلت بسم الله الرحمن الرحيم منتدى باحصل فيه ناس فاهمه بالسيارات 
وفي امور السيارات وحصلت والله لككن من اول موضوع تعليق ل ابراهيم التركي لدرجة اني انصدمت
وش فييييه ذا حسيت اني مسويه مصيبه للادمي او سارق من حلاله


up 2 down 2
abdulmalik14 90
قبل 4 شهر و أسبوع