أضف سؤال أو موضوع جديد          

اخذت سيارة استاندر وندمت استشارة لاهنتوا

up 4 down 4
شيبة الحمد 1851
قبل 2 شهر و 3 أسبوع



مسيتم او صبحتكم بالخير 


شلونكم 

طبعاً يقال لا خاب من استشار الواحد دائماً يسأل الناس ومن حوله اذا يبغا يتأخذ امرا ما 


انا اخوكم بالله قبل حوالي ٣سنوات وتحديداً نهاية ٢٠١٦  اشتريت لي سيراتو ٢٠١٥ استاندر 
وطبعاً اخذت الاستاندر لأن كانت السيولة  يالله تكفي كان ودي اخذ الفئة اللي بعدها  لكن مابقي في حسابي الا ٦ الاف ريال قلت خليني اخبيها 
لايجي ظرف او شيء  وتوكلت ع الله واخذت السياحية 


طبعاًٰ السيارة     تحس انك مندوب
الشاهد مافيها لا ريموت ىمقابض سودا و اذانيها سودا 
مافيها مميزات وعدلت عليها بتحكم الفل وكم شغله  وكنت ابي اضيف عليها الشمعات حق الفل  بس بتكلف ٤٠٠٠.ريال علماً ان  لو اخذتلي ايامها
الفئة الاعلى كان وفرت عموما ماعاد ادري 

لو بعت اعتبر خسرت سيارتي ونظيفة جداً ماشية قليل  وسوق ميت ومابتجيب شيء ولو عدلت خسران 
ولا اقتنع فيها وامري لله وش شوركم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سبحان الله انا عكسك تماماً
اخذت ماليبو 2016 فل كامل على ايامها 
و مع الوقت قلت ياليتني اخذت الفئة الاقل منها 
عشان فعلا مواصفات حسيتها زايدة ولا لها اي معنى 
الشاهد من الموضوع اسمع مني ، لو قلبتها فل كامل 
مسألة وقت وحتمل منها ، المسألة قناعة 
يكفي موترك على يدك جديد ، و خذ الزبدة من السيارة 
( تقضي فيها مشاويرك ) 

تحياتي 


up 25 down 0
l7n-jed 71
قبل 2 شهر و 3 أسبوع



اقتنع فيها وهذا شي نفسيا لو بتفكر فيه بتتعب وبتكره السياره

وش بتفرق يعني الناس بيقولون شوفو ذا معه ستاندر مثلا ؟

السيارات اللي تشوفها طيس وستاندر تفكر فيها انت ولا تطق لها خبر ؟


up 6 down 0
7amood1930 267
قبل 2 شهر و 3 أسبوع



انسى الموضوع ولاعاد تفكر فيه
.. بتنسى خلاص
انت مشكلتك متحسف والندم اكل قلبك
شوف لك شغله او اي شي وانسى


up 2 down 1
امير الاصيل 1621
قبل 2 شهر و 3 أسبوع



امير الاصيل 

مشغول الى حد راسي لأني جراح 
ومع ذلك ماسك معي هالموضوع


up 2 down 2
شيبة الحمد 1851
قبل 2 شهر و 3 أسبوع



ياخوي ركز علي الاشياء العمليه واترك الاشياء الشكليه اللي ماتقدم ولاتؤخر
انا اخذت النترا 17 ستاندر وقتها كانت ب52الف
واشتريت لها مثبت سرعه ب300 + شاشة خرائط وكاميرا ب1600
الان صارت السياره نفسها نفس الفل مثبت سرعه وخرايط وكاميرا
ولو اني مشتري الفل كامل بتكلفني حدود 62الف يعني الفرق 10آلاف!!

متى تندم انك ماشتريت الفل كامل؟

اذا كان فيها ايرباقات اكثر
اذا كان فيها دبل والاستاندر مافيه
اذا كانت المكينه اكبر من الاستاندر
هذي الاشياء الاساسيه المهمه
اما الكماليات مثل الليد وفتحة السقف هذي ماتحتاجها فعلياً




up 11 down 0
bmw z4 1351
قبل 2 شهر و 3 أسبوع



امرك بسيط ان شاء الله

الشمعات تقدر تسوي شي احلى من الفل
اشتري لك طقم عدسات q5 ولا هيلا مع غطاء اسمه angle eye
الي يجيك دائري او دور لك ليد نهاري خطين اصفر وابيض تكلفك بالكثير 1300 ريال
المقابض تلاقي مقابض كروم تتركب فوق حق الباب السوداء سعرها يمكن 100 ريال ولا 150
اما الريموت خذ التركيبه هذي وبتتفل على السيارات الفل
خش علي اكسبريس واكتب في البحث pke system
يا حبيبي هذا نظام انا ركبته في سيارتي
تحول السيارة مفتاح ودخول ذكي وتشغيل عن بعد
تقرب من السيارة تفتح تبعد عنها تقفل
وتشغل السيارة بالريموت وفوق هذا كله السبارة تصير بصمة
كلفني 420 ريال واظن كاستره بالسعر بعد والريموت شكله زي حق الجنيسيس
واشتريت ديكور البصمة من وكالة الناغي ب 35 ريال
وابشرك الامور من احلى ما يكون
وحتى الشاشة مركب شاشة ايباد
المهم انت تقدر تحول سيارتك من ستاندر الى شي اطنخ من الفل وبتكاليف قليلة



up 11 down 0
ms3al 1441
قبل 2 شهر و 3 أسبوع



اضم صوتي مع الاخوان والصراحه استفدنا من تجاربكم شكرا لكم.


up 1 down 0
team leader 68
قبل 2 شهر و 3 أسبوع



ناس تتمنى تملك سيارة وانت تقول كني مندوب ؟ عمومافي تعديلات ماتكلف النياكل الابواب تجيبها من الصين ممكن ماتكلف 100
ريال وبشحن بعد بس يتاخر زينون ارخص من تغيير شمعه ويعطي شكل حلو ومن النهاية ممهما ركبت وعدلت تراها سيراتو




up 5 down 0
abo3edh 302
قبل 2 شهر و 3 أسبوع



شوفني نزلت من افالون الى كامري ستاندر مرايات سود وبدون كشافات بدون مثبت سرعة بدون تحكم دركسون مافيها ريموت مسجلها من التراث مافيها تكاية خلفية .. لكن عادي لاننا في مرحلة انشغلنا بالعائلة والابناء والمشاوير وماهمنا السيارة .


up 2 down 0
ابو محمد 4 267
قبل 2 شهر و 3 أسبوع



شف يالغالي اكيد كل شخص يبغى يشتري من افضل شي عشان يرتاح 

ولكن ايش الغرض الاكبر من السيارة : الا وهي تقضي فيها مشاويرك وتسافر وتروح وتجي على راحتك وتختصر الوقت ،، مادامت السيارة ادت الغرض فيكفيك ،،واما الاشياء الثانية فهي مجرد كماليات وتقدر تسوق بدونها

هذا رأيي ،وبالتوفيق ،،،وتذكر ان غيرك يتمنى تكون عنده سيارة زيك 


up 0 down 0
ابو حسين.......... 593
قبل 2 شهر و 3 أسبوع



اترك السيارة يومين واقضي مشاويرك تكسي او من شركات التوصيل او فزعة من خويانك،،،،
والله رح ترجع لسيارتك لو انها بدون بكفربن او بدون بوري وبدون مكيف
قل الحمدلله على النعمة اللي عندك


up 7 down 0
ryyan555 638
قبل 2 شهر و 3 أسبوع



تعديل ^^* لو انها بكفرين
زلة كيبورد


up 1 down 0
ryyan555 638
قبل 2 شهر و 3 أسبوع



استخدمتها ٣ سنوات
دفها سنتين زياده  
خمس سنوات خدمه وبعدها تحس انك حللتها وبعها 
وخذ السياره الي في بالك
ما انصحك تعدل فيها شي أبد 


up 0 down 1
البراق15 1686
قبل 2 شهر و 3 أسبوع



سوي عليها تعديلات ( خفيفة )
يعني المرايات خله بلون السياره مقابض الابواب مثلا نيكل
جنوط السوح حلوه على السيراتو بس لمعها لاتغيرها
كشافات ضباب مثلاً لو ماعندك وكم شغله بسيطه وخلاص تعطيها شكل حلو من برا فقط


up 1 down 0
ryan702 431
قبل 2 شهر و 3 أسبوع



اساسا الناس ماراح تقول هذا معه فل او نصف او ستاندر اذا كنت تبغى مظهر الناس تركز على فئة السيارة يعني كمثال
معك سيراتو فل وواحد معه اوبتيما ستاندر نظرة المجتمع بيشوفون الاوبتيما افضل محد يدقق بالمواصفات الا انت
وصدقني تقدر تركبلها كاميرا خلفية وامامية وشاشة ايباد فيها نافجيشين وحتى تغير الجنوط وتخليها جلد من افخم الانواع
وماراح تكلفك 10 الاف مع شغل اليد وتوفر كثير والمواصفات اعتبرها كماليات اهم شيء السيارة تنقلك من النقطة الف الى باء
جرب اسبوع بدون سيارة وتنذل على بال محد يوقفلك في الشمس و التكاسي وكريم يشفطون الفلوس شفط
وقتها بتقول لو اروح بكرسيدا موديل 96 ومافيها اي مواصفات وتوصلني نعمة من الله


up 3 down 0
xviper 96
قبل 2 شهر و 3 أسبوع



ياعمي يكفيك سيارة نظيفه وجديدة وع يدك

ومثل ماقالوا لك الاخوان يمديك تضبطها باقل التكاليف شاشة وكاميرا خلفيه وكشافات

اضافة جنوط 17 وتطلع ورده

وفقك الله


up 0 down 0
aboahmed2014 506
قبل 2 شهر و 3 أسبوع



اهم شي عندي بالسياره هو الحساسات والكاميرا
والحاجات الي تسهل السواقه عليك اما جلد ولمس
ومدري وش هذي خرابيط ع غير سنع


up 0 down 0
mutairi305 158
قبل 2 شهر و 3 أسبوع



يابن الحلال انت وش عليك من المظاهر والشكليات وكلام فارغ ياعزيزي اهم شيء سياره توديك وتجيبك وتعزك عن مذلة خلق الله. احمد ربك. تعال شوف سيارتي من العهد الحجري والحمدلله على كل حال والله اني اتمنى سيارتك. احمد ربك الله يهديك


up 0 down 0
ابوعابدالله 84
قبل 2 شهر و 2 أسبوع