ماهو أفضل طريقة للتغيير زيت القير وفلتر القير للكيا كادينزا؟

طبعا موديل السيارة ٢٠١٦ والى الان ماشيه ١٥٥ الف وقد تم تغيير زيت القير على ممشى ٨٠ الف ومن ناحية النتعه والتبديلات مشكلتها كانت من تحت ممشى ال٥٠ الف 
للتوضيييح

الفلتر مايتغير
والنتعه موجوده بالكادينزا كل الموديلات وانا عندي 14
البعض برمج ورجعت بعد فتره بسيطه
غير زيت فقط والكميه 4 علب طبعا الاصلي sp-iv

قيور الكيا والهيونداي يتغير الزيت بدون فلتر
اهم شي تغير الزيت بالوكاله حتي يسوون لك اعادة برمجه للقير

الله يعطيكم العافية 

لكن بصراحة متأذي من نتعة القير والسياره جديده وانيقه وقيادتها جميلة ولكن تجي ذا النتعة تخرب المود كله فياليت اللي عنده حل نهائي يعطينا ولا يبخل علينا

تحياتي..

سيارتي كادينزا 15
النتعة اللي تقصدها انه لما تهدي مع الزحمة او المطبات تحس السيارة ترفس كأن احد صدمك من الخلف ؟؟؟
اذا كانت هذي هي النتعة اللي تقصدها سبق وجاتني بعد تغيير زيت القير على ممشى 80 الف بفترة طبعا وقتها غيرت 4 علب ولما زدت عليها علبة يعني صارت 5 علب راحت النتعة ذي نهائيا

طبعا تغيير زيت القير سهل تقدر تغيرها بنفسك او في اي ورشة بتكلفة ماتتجاوز 50 ريال
ومالها فلتر قير يتغير فقط نزل الزيت القديم وصب الزيت الجديد

155 ماقصر خلاص غيره وافضل شي لك عشان تريح دماغك واذا تطيع شوري غير عند الوكالة لا تصير مثل الرجال ذاك مسيكين اللي لعبوا في موتره بترومين ولا تروح لورشه يقعد يبربس بها ويحوسك زود وتقول يا ليتني مالمستها وخليتها على فالها



يعني زيت القير يتغير كل 80 مثلاً يعني قل اقل شي كل سنتين مهيب خسارة على موتري ادفعها في الوكالة لكن اضمن ان شاء الله ان اموره طيبة ولو صار شي في القير هم يتحملون المسؤولية لأن على الضمان وزيته كله عندهم


موفق

a.ibrahem 
انا غيرت زيت القير على ممشى ٨٠ الف منها حفاظا على القير ومنها قلت ان شاء الله تروح النتعه ولكن ما زالت لحد يومك هذا موجوده والان السياره ماشيه ١٥٥ الف ونويت اغيره لكن جا في بالي اغير الفلتر معه ولا نويت اتلقف يلما اسأل اهل الخبره 
شاكر لك مرورك اخوي

سلطان 4040
 صحيح اخوي نفس النتعه اللي ذكرتها كنه احد صادمك من ورى وفي نفس الوقت تبديلات القير تحس فيها وقويه لدرجه ان السياره يوضح عليها تبديل النمر وهي ماشيه كنه معك موتر قير عايدي وتجر عليه وتبدل نمر تحسها تفز لكن بغيره هالمره وبشووف ان شاء الله يضبط ومن ناحية التغيير باذن الله اغيره في الوكالة كالعادة 
شاكر لك مرورك اخوي

خابر جعلك تحيا انك غيرته على 80 اقصد الحين على 155 يعتبر مشى 75 بعد التغييره وهذي بحد ذاتها طيبة اشوف يفترض لازم يتغير الان وحط في بالك شغله بوضحه لك وللجميع هي للفائدة ترى كل ما تقدم عمر الموتر وزاد ممشاه المفترض ان حنا نقلل من المدة المطلوبة لتغيير الزيت او أي شي سائل



يعني اول تغييرت المفترض تكون على 80 بعدها مهب لازم كل مرة 80 يمكن المرات الجاية على 60 تلقاه انتهى فهمت



بالنسبة للنتعه ترى مالها علاقة في زيت القير عشان تكون في الصورة مابي اضيق صدرك لكن فعلاً مالها علاقة لأن هذي اعتقد في برمجة القير وخوينا معه 2015 ماشيه الحين حول 70 بعض الاحيان تطلع معه اذا دعس غلط وبعدين انا لاحظت في الكادينزا شي متى تجي نتعاتها اذا كنت مبردها يعني تخليها تغير 6 وهي تمشي 80 الموتر مايبي كذا يبي لكن لما تكون شاد نمرة او معطيه حقها ماتسويها لأني اسوق موتره مايسويها معي هو يسوق بعض الاحيان ولأن رجله بارده مرة ماشاء الله ويحير الموتر تلقاه تنتع مرات مدري عاد ترى هذا تحليل من عندي يعني مهب كلام علمي

ترى عندنا اجواء حاره تهلك الحرث والنسل. وهذا يعتبر استخدام شاق. فحبذا. التغيير على ٦٠ الف كحد اقصى 
ثانيا.  خذ زيتك بنفسك.    اذكر زمان مريت ورشه كبيره.  حقت قيور.  حط لي تايب ام.  زيت قديم لانه يطلع عليه ب ٧ ريال للعلبه
يعني ب ٣٥  وكارتير ب ٦٠.   صارت ١٠٠.  اخذ شغل يد ٣٠٠ طبعا انا جايهم مظطر. لانه الشركه الضامنه اجبرتني ف. دفعت ٤٠٠ 
لتغيير الزيت.    ويوم مشيت ٢٧٠٠٠ شريت زيت جديد احدث شي ب ١٨ للعلبه وشريت كارتير.    وعطيتهم ١٠٠ فقط شغل يد
كلفتني ٢٥٠ وزيت ممتاز vl 

النتعه تصير لما القير ينزل من نمره 2 الى نمره 1
وتبي تتاكد حط القير على الوضع العادي مارح تحس بأي نتعه

الله يعطيكم العافية جميع وباذن الله اغيره قريب 

سلطان4040
تكفى.. متاكد من كلامك >> اخوك في الله يعاني من ذي المشكلة من 2013
وانا مغير زيت القير على ممشى 163 والحين ماشيه 170 >>
( يعني اكمل باقي العلبة الخامسة وبفتك من ذي الرفسة ) انشاءالله؟؟!!

ابوليد .. قلنا وش صار معك ؟؟
هل غيرت اربع علب ؟؟ ولا زدتها خمس وراحت المشكلة

متابع.....