كيا 2018 مشكلة في rpm

هذي حركات بوابة هواء  يبغالها تنظيف 

السيارة على الضمان ودها لهم على أول صيانة 5000

الله يعطيك خيرها ويكفيك شرها
موترك جديد علطول الوكالة لاغييير.
اذا شفت فيه حركات مماطله وتعطيل اتصل على وزارة التجاره ومايقصرون
بالتوفيق لك

حتى لو في مماطله وين المشكله؟
سيارتك على الضمان يعني مجرد
ماتدخلها واذا بتطول يصرفون لك سياره
بديله الين تخلص حقتك وخلهم يعطونك نفس سيارتك
وشفها فيها نفس مشكلة سيارتك الي شاريها او لا

المهم المماطله مامنها خوف دام بيعطونك سياره بديله

لو ماعليها ضمان ماراح يعطونك سياره بديله هنا المماطله ماهي من صالحك.

احتمال برمجه لمنظم الدعسه حساس الهواء
هو الي يتحكم بضغط ال ار بي ام مرهم يوم الاحد
او امش عليها لين 5 الف ويسوونها لك مع الصيانه

واحتمال تنحل المشكله مع المشي وعادي ماتظر اذا مازادت المشكله

وحصلت في سيارات جديده مثل الاكسنت ١٦ و١٥ وكادينزا ١٧
وراحو الوكاله سوو لها برمجه واختفت المشكله

يخوك طبيعي هذا الكمبرسر يفصل ويشبك وخل عنك الوسوسة

الله يطعيكم العافيه راح اتوجه الوكاله
واللي يقول كمبروسر وخل عنك الوسوسه
شرينا سيارات اعقد منها ميكانيكياً
ونعرف الكمبروسر من غيره 
تحياتي للجميع

مشكلتك بسبب المعرض كانو فاصلين اصابع البطارية

كل اللي عليك تركب المفتاح في السوتش والسياره طافيه وتروح تفصل السالب

ارجوع وحط المفتاح على ON لمدة دقيقه وبعدها طفها ولاتسحب المفتاح

اشبك السالب وشده تمام وصكر الكبوت وروح شغل السياره والمكيف بعدها رجعها فالـ D وخل رجلك على الفرامل لمدة دقيقه

بعدها تحرك سواقه عاديه وامسك خط حول 20 كيلو بحيث تكون السرعه مابين 120 و 100

بعد المسافه هذي تكون تبرمجة السياره

طبعا الطريقه هذي اذا مافادتك ماتضرك ودايم اعملها في كيا كادينزا كل فتره عشان البرمجه وتوفير البنزين

موفق

عبدالعزيز المالكي كلامه صحيح ترى بعض الاحيان اذا فصلت اصابع البطارية واول ما تشبكها تختلف برمجة rbm يصير الموتر تحس ظغطه مهب راكد بعضهم تمشي شوي وتتبرمج من نفسها ومن ضمنها السيارات الكورية طبعاً ليس لدي علم هل هي كلها ولا لا


عندك الكامري الموديلات القديمة نفس الشي مدري عن الجديدة


يعني انا مرة كذا فصلت اصبع البطارية كنت مسافر ورجعت تحس rbm مهب مثل اول مشيت شوي ورجعت طبيعي برمجت نفسها الموتر كيا اوبريس 2009 لكن هذا لا يعني ان موترك ينطبق عليه نفس الكلام مدري


بالاضافة الى اني تناقشت فيها انا وصاحب ورشة سعودي شبابي معامله من سبع سنين تقريباً لأني كنت مصفي موتري قبل كم اسبوع عنده بواجي وتنظيف بوابة الخ ... وقلتله الحين تحتاج برمجة ولا ما يحتاج قال لا عادي هي تبرمج نفسها لو اختلفت البرمجة مع المشي وقالي الكامري تمشي بها مسافة كذا وتتبرمج يعني بدا يشرح لي حسب خبرته والرجال ماشاء الله عليه فاهم في السيارات هذا تحديداً الكوري على الكوامري ويملكها هو وشغله كل شي توضيب الخ ....


ف لا تستعجل استعمل الموتر يوم يومين وشيك على فلتر الهواء يمكن مليان غبار من وقفة المعرض بعد حتى لو الموتر جديد شيك واذا وسخه القربه نظفها


الشغلة الثانية حقت القير مافهمت وش تقصد ياليت توضح اكثر

اذا السيارة على الضمان ودها لهم