راحوا أصحاب الدداسن وجاء أصحاب الكيا كادينزا

الكانديزا من خيالها.  لو كان عاقل راكب كادينزا حيمشي مظبوط ولوكان مجنون راكب طياره حيوقعها
على طاري الطيارات كان فيه طيار عربي  وقعت طيارته بالركاب التحقيق الامريكي بيقول انو
انتحر ونحر الركاب والدوله العربيه اللي الطيار بينتمي ليها بيقولوا كان فيها عطل. الله اعلم

عزالله صدقت كلامك 100%
ونسيت تذكر حقين شطر بطر الورعنه
راحو الدرباويه وجونا حقين شطر بطر
والله ثم والله لو استلم دوريه 24 ساعه بس
ما اخلي بزر من حقين التجاليد الابيض الا واخالفه واخليه ينزلها بيده قدام الناس
انا ما ادري هذولا منين يطلعون هالورعنه

الحين التجاليد البيضاء اشوفها عاديه وتعطي منظر جميل للسياره بحجه انها جديدة انا ما ادري من الي علمكم انه حقات ورعنه ومراهقين لو انها ورعنه كان ما شركات السيارات تحطه على السياره الجديده

بعدين كل له راي يمكن واحد يشوفها ملحجه ويمكن واحد يشوفها كشخه مثله مثل الي يشوف ذولك الي يحطون على السياره الرياضيه تجاليد خطين وخطوط عليها

السيارة الجديدة على اسمها جديدة بتجاليدها ما أحد ينتقدها ، أما سيارة قرمبع أكل الدهر عليها وشرب وتضع عليها تجاليد قمة
الملحجة والورعنة ،
بالنسبة للعينات الي ذكرت لا زال الدرباوية أصحاب الددسن موجودين لكن بيتضآلون مع الأيام نتيجة إيقاف تصنيع الددسن
أما أصحاب الكادينزا فهم نماذج سيئة جديدة بدأت تنتشر في الآونة الأخيرة ويغلب عليهم مخالفات أنظمة المرور وحركات
الدشير المعروفة .

^^ تشبه تجاليد السيارات الرياضية الخطوط بتجاليد الملحجة حق الكيا !! 

عموما انتشارها رفع من مبيعات كيا ٨٧٪‏ ارقام مايحلمون بها بالاوضاع الراهنة 

الكادينزات ٩٨٪‏ معاه بلوه 

عفوا الرد لهل تعلم وليس للاخ اللي فوقي 

قسم بالله تعبنا من هالفروخ يلحم فيك ويشغلك كأن وراه شيء بس كذا لعانه الشرهه على الي يسلمهم سيارات ولو تنزل تكفخه راح يبكي عند امه

انا معي كادينزا وكل مامريت تفتيش لازم يوقفني العسكري

مااقول غير حسبي الله على هالاشكال اللي خربت سمعة السياره وخلتنا شبهه معهم

عاد سيارة راقية وحلوة حرام تتقارن في الددسن

كل ما اشوف تفتيش كادينزا او اوبتما او تشاجر مايمر من نقطه لازم اشوفها ويفتشونها تفتيش صح

يجيك من الخلف ماشي 180 ويكبس و بوري ويمكن لو معه سلاح يطلق في الجو على اساس ان الشارع له منحه حكومية و جيت انت اخدته منه

انا برايي الطب النفسي لازم يشوفون حل ويفتحون اقسام جديدة حق هذه النوعية

جبتها ع الجرح
الكانديزا انتشرت وللاسف مع مراهقين
تشطيف سيارات سرعه تغييييم كتم
ثلجي قلة حيا دوران

فعلا اصحاب الكادينزا عايشين جو غير جوهم تشوفه راز نفسه كأنه راكب بي ام دبليو  و اذا اسرع يتخيل نفسه راكب بورش للأسف اغلبهم تصرفاتهم صبيانيه لا اتكلم بشي سمعته و لكن شي رايته امامي من سرعه و شطف غير الدخول من الشارع العام للأحياء بسرعه عاليه  عرفت انهم بايعينها نسأل الله لهم الهدايه و السلامه  

اللي يقول حقين الدداسن انقرضوا لا يالحبيب هم نفسهم حقين الكدينزا بس تطوروا بسبب توقف تصنيع الدداسن لدرجة ان الموتر صار شبهه لو يركبه شايب وقفوه المرور

انا في الفئة العمرية الي تتكلم عنها طبعا راح استثني الموظفين لانه غالبا ما يسوي هاذي الحركات لانه شراها من ماله

اما الحركات هاذي تجدها في الي ابائهم مهبيلهم مواتر ,,والله يبعضهم هذا وجهي اذا كان يستاهل سيارة اصلا

المهم الشي الي قلته يعتبر شي طبيعي يعني بعضهم ما قبلته الجامعة ولا ينتظر تفتح التقديمات
وفاضي على الاخير تحصله في الشوارع ما عنده الا هاذي الفرة
وتعرف الشباب فيهم صكة خاصة 18 -22 مو كلهم طبعا

اما سالفة التجليدة هذولا مع الخيل يا شقرا شافو الناس طاحو في الاشارات الليد قام ركب ولا تجليدة ولا اي شي ركبوه


الاهم من ذالك خليه يفرغ طاقته في السيارة بس تكون نيته سليمة وما يستغل موتره علشان الوراعين والبنات
وخاصة مع الانفتاح الي قاعد يصير صار الوصول للحرام اسهل مما تتصور .

لايكون اخطيت على أحد أو سبيته ايش المبزرة ذي ! عشاني قلت سيارة حلوة وأشوفها احلى من الددسن كل هذا الدسلايك وهي فعلا اطلق وافضل واحسن من الددسن بغض النظر عن الفئة اللي تسوق السيارة

اخوي معاذ مهما كان كلامك حقيقة او لا عن الكادينزا اتركه على جنب لانها أصبحت في اعلى قمم شبهات السيارات بسبب هؤلاء المراهقين إلا من رحم ربي. وانا من وجهة نظري اشوف كلام صاحب الموضوع حقيقة وواقع مشاهده  وعموما الاختلاف في الرأي لا يفسد للود قضية 

يعني ذحين شركة عالمية استعانت بأكبر المهندسين والمصممين لصناعة هذه السيارة
وبالأخير يجي واحد تفكيره محدوود يعيب بالسيارة بسبب عينه اقل ما اقول عنهم حثالة مايمثلون حتى سيكل

والله منتدى ورعان مراهقين السياره الفلانيه منتشره وتخوف. يعني كل من يركب كادينزا مجنون أو مراهق
الدوسن يشتريه الدرباوي ويشتريه الشايب راعي الغنم. والموردسيس يشتريه الشايب والمراهق
المسأله تعتمد على عقل من يقود المركبه وليس عمره  أو نوع مركبته.  فتش عن العقل فقط.        ورعان ومبزره
ارائهم زي عقولهم