أضف سؤال أو موضوع جديد          

القطع التجارية

up 2 down 4
a.ibrahem 3240
قبل 6 شهر و أسبوع



السلام عليكم جميعاً

والعشرعليكم مباركة والله يعيد شهر رمضان علينا وعليكم وحنا بأتم الصحة والعافية ان شاء الله لا فاقدين ولا مفقودين


اختصار الموضوع اللي بقوله امس رحت للورشة بغير فحمات خلفية طالع عندي زي صوت الاحتكاك الخفيف او شي زي كذا مقدر اوصف الصوت عاد بشكل دقيق ويطلع وانا امشي خفيف ومع الفرامل يتغير شوي الصوت ويختفي بعض الايام وهكذا اكتشفت بعدين انه الفحمة قربت تنتهي وفيه جهة من وحدة من الفحمات منوكلة خفيف والحديدة حقتها تلامس الهوب شكلها


زبدت الكلام فككنا الموتر امس وقال جب فحمات خلفية قلت ودي بعد اغير الهوب لأنه من وكالته ماغيرته ماشاء الله بس اخرط مع تغيير الفحمات ف بدأ يوصل لمرحلة انه تعتبر آخر خرطة له قلت بجيبه احسن


المهم كلمت الجبر قالوا ب 460 الواحد ويبيله يومين طلبيه وانا كنت ناوي اجيبه معي لأني عارف هوبي خلاص المفروض اني اغير بس شطحت ورحت للورشة على طول وفككنا ف ماعاد يمديني اتراجع دامي فكيت والهوب حقي ينفع للخرط بس تقريباً تعتبر آخر مرة رحت اتمشى على قطع الغيار قلت ان لقيته وخاصةً ان هونداي وكيا يشتركون في نفس القطع يعني فحمات موتري الخلفية ما اشتري الا حقت ازيرا وسوناتا واغلب القطع كذا على حسب السعر اذا الجبر ارخص خذيته منهم وهي نفس بعض اساساً اللهم فرق الكرتون رحت للوعلان لينه مقفل والبقية قطع الغيار العادية نادر تلقى عنده شي مثل كذا هوب كمبريسر وطقته يعني ان وفر لك فلاتر وفحمات والاشياء اللي تمشي بسرعة

ولقيت تجاري في أحد المحلات قالي ب 40 مدري ب 60 مدري والله مالقطت المبلغ زين بس انه رخيص لأني مشيت من قال تجاري قلت جعلي امشي على هوبي خربان أو اوقف السيارة لين اجيب اصلي ولا احط تجاري ورجعت للورشة قال هوبك ينفع للخرط والمرة الجاية جبه مع الفحمات عادي


ف زبدت الكلام انا من الناس مستحيل اتعامل بشي اسمه تجاري ما ارتاح نهائياً لو اركبه لأن عندي مبدأ ادفع على قيمة الاصلية واسوق وانا مرتاح وتعمر معي بالاضافة الى اني اضمن انها بتعمل هالقطعة بكفاءة عالية مهب مثل الصيني وقطعة مثل حقت وكالتها ما حثبرت ولا لفقت وخاصةً اني بستعمل منيب شريطي بلفق وماعندي ذمة ببيع أي شي



لذلك انا بقدم نصيحة وكان بأمكاني اقدمها بدون السالفة الطويلة اللي فوق بس من باب تحلية الموضوع وضرب امثله عليه نصيحة اخ لا تركب شي تجاري وخاصةً الاشياء الرئيسية يعني هوب رديتر فحمات عضلات مثلاً ركب ولا مساعدات ولا مدري وشوا وكراسي مكينة لأنها بعض الاحيان والله تدخل في متاهات اولاً تلقاها ما تقعد الا كم فترة ثمن تخرب ولا تخرب شي ثاني وتظطر انك تغيرها واذا اتلفت شي تصلحه معها وتصير خسارتك خسارتين وقروشه ركب اصلي يامال العافية من البداية وفك نفسك


بعض الناس
بيقولي ياخي مامعي فلوس ومدري ايش ومظطر اوكي مقدر هذا الشي بس انا عندي لو تصل المرحلة فيني اني اتسلف ولا اركب تجاري وكم بفرق اساساً



يعني فيه بعض الاشياء لو ركبت تجاري بسلامتك في النهاية هذي لمظهر سيارتك ولا عليها ضرر مثل اصطب شمعات شبك حتى لو قلنا مثلاً جنط بسلامتك بس اشياء رئيسية ومهمة في السيارة انا من وجهة نظري لا


هذي نصيحتي ووفقنا الله واياكم لما يحبه ويرضاه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل الشكر عزيزي

وفعلاً التجاري ماينفع ولا انصح فيه

وخاصه الفحمات والاقمشه والمساعدات




up 1 down 0
aboahmed2014 764
قبل 6 شهر و أسبوع



أؤيدك أخي العزيز في كلامك .. الإكسسوارات والأشياء البسيطه إذا كان الإنسان مضطر لامانع من التجاري ولكن الأشياء المهمه لابد تكون أصلي للمحافظه على حياتك أولاً والمحافظه على مكينة السياره والمحافظه على الأشياء المهمه وتريحك من الخسائر


up 1 down 0
jakwar2004 304
قبل 6 شهر و أسبوع



اهم شيء الاشياء الرئيسيه ركب وعضلات وخلافه انتبه من التجاري صحيح بيمشيك بس تمشيه حال يعني سنه سنتين بالكثير مو زي الاصلي اما بودي او داخليه لامانع من التجاري اذا كنت مضطر لكن من ناحية كهرباء وعضلات الحرص واجب لانها ماينمرح فيها


up 1 down 0
abdulaziz bin ateeq 219
قبل 6 شهر و أسبوع