كم تسوى كادينزا فل كامل 2017 مصلحه؟

السياره كورية ووقت البيع ماتمسك السعر + جودتها ماتوصل جودة السيارات اليابانية الاصل

الافضل لك خذ كامري 2018 قراندي او عادي او كامري 2016 ممتازة وماسكه السعر وقت البيع ومطلوبة

يعني لو تاخذ كامري 2016 مستعمله بس نضيفة تحصلها ب 56 الف ووقت البيع ماتنزل عن ال 50

لاكن الكادينزا تاخذها مثلا ب 100 الف وقت البيع فلمعارض تسوى 43 الف

اي سيارة طلعت الايرباقات الاماميه خصوصا" حق الطاره
ما انصح تشتريها ممكن تحتاجها وقت الحادث و ما تطلع من جديد

دام طلعت ايرباقاتها سلم لي عليها من بعيد لانها ع الاغلب م راح تطلع مره ثانيه

دام فيها ايرباقات ورفرف خلفي يعني السيارة معجونة اهرب منها

شوف غيرها نظيفه وما انصحك بكامري 2016 لا مواصفات ولا راحه فقط المكيف بارد
الكادينزا الجديد حسنو التكييف وانا اقولك عن تجربه الكامري ماهي مريحه وتناقز بالخط على جميع السرعات وركبت سيارات اخوياي نفسها يعني مالها حل والعيب بجميع الكوامري

بيض الله وجيهكم جميع طلع فيها باب يمين بعد ومعجون وصرفت منها النظر والله يكتب اللي فيه الخيرة

لو كان سعرها حول التسعين شف اختها الازيرا ستاندر جديده
الستاندر تجي مكينتين 3.0 و 3.5

ميزتها وهي ستاندر انها سقف بانوراما ومراتب جلد وشاشه 7 او 6 انش على ما اعتقد والشاشه فيها كار بلاي واندرويد اوتر وكاميرا وحساسات خلفية والسياره مرييييييييحه وراسيه وهاديه وناعمه في المنحنيات والثبات فيها اسطوري
انا معي الشكل القديم واستخدمت الجديده كم يوم صراحة ملكة فئتها من كل النواحي

واذا معك اكثر من مية الف ممكن تطلع لفئات النص فل او تشوف لك فل مستعمل نظيفه