افضل حماية شمعات

اذا عزل الشمعات فقط بسيطة اي محل يركب لك وتشرط عليه ضمانها مايقل عن سنة

فيه محل بطريق مكة بإتجاه الشرق (طريق خريص) قبل بنده مقابل الخليج مول (مول جديد لسى ما فتح) اسم المحل (اوتوكير)
سويت حماية للشمعات والكشافات وتلبيس الدعسات وفرشة الشنطة ضمان 8 سنوات اعتقد ب 400 ريال من أربع سنوات (اتركوا الظمان صاحب المحل ما يضمن يجلس بالبلد)
ولله الحمد ما تغيرت مع أني امسك خطوط لكن انا احرص على الظل دائما. ولا توقف السيارة بالشمس إلا بالوينكد او بسفر
يعني حوالي 10 ايام بالشهر تطقها الشمس باقي الايام بالظل.

لكن الي يسوي حماية لمقدمة السيارة اسمحوا لي اقول مغفل وملعوب عليه ودائما اشوف السيارات كأنها محروقه بسبب ذالحماية الوهمية
وإذا سألته قال لاني ما سويت له صيانه!! يابوي تلعب على نفسك! إذا فيها صيانه واهتمام كلها سفن أب او سكر وموية قبل تمسك الخط وانتهينا.
ثم ماهي الصيانة الي بيسوونها للحماية بعد ما تتركب؟ يدهنوها بفكس او فازلين!! قلم لزقوه من فوق تضربه الشمس ومن جوا حرارة المكينه.

والله يا جماعة سالفة حماية الكبوت انسوها ملعوب علينا فيها
حرارة شمس وحرارة مكينه مستحيل تعيش

على زعمهم بتسوي حماية واخرتها تتشوه السيارة وتعيب فيها وتضطر تزيلها وترش الكبوت بوية
لو تاركها بدون حماية افضل مليون مره.
وإذا جيت تبيع تضطر تقول مرشوش الكبوت بسبب الحماية! أي حماية هذي الي حدتك ترش الكبوت بوية. هذه مو حماية اسمها إساءه.

لا والمصيبه الي يكلف على نفسه ويسوي حماية للسيارة من مجاميعه باقي يركبها على ظهره بدل ما يركبها واخرتها ما تكمل معه سنتين إلا عارضها للتنازل!!
طيب ليه يا مسلم؟ ليه تخسر نفسك وانت عارف نفسك ملول ومزاجي أو سيارة اكبر من حاجتك أو ناوي تتزوج وصغيره عليك أو أو أو.