استفسار عن جلد مقصات سيراتو

افضل حل سعر من الوكاله ومن المحلات يكون موزع معتمد
وشوف الارخص

اتاكد من راعيها عن المشكلة لان جلد المقصات ماتخرب بذي السرعة والسيارة لسى لها سنتين!
كم ماشية السيارة ؟ يمكن تحتاج تربيط فقط

ماشية ١٢٠ الف تقريبا 

والعفو الموديل ٢٠١٥ وليس ٢٠١٦ 

اها ماشية 120 الف ممكن تكون جلد مقصات وبرضو تاكد من العطل ممكن زي ماقلت لك تربيط بس

الله يعطيك العافية ابو علي ما قصرت 
لكن كيف اسعار قطع الغيار هل لك خبره فيها او الاخوان اللي يشوفون الموضع وان شاء الله ما يقصرون

واعذرني أعطيتك لايك فوق 
والرد الثاني ب اعطيك لايك وحطيت ديسلايك وجئت ب اعدل جاني لايمكن تقيم العضو مرتين ب نفس اليوم 
لكن ابشر بالعوض 

الجلدة الواحده سعرها ٣٥ ريال وبعض المحلات ٤٠ وتركيبا من ٨٠ الى ١٢٠ للاربع مقصات لان يبي له كبس

المعذره للمقصين **

الله يعطيك العافية ماقصرت لا انت ولا الاخوان بيض الله وجيهكم

بالنسبة لجلد المقصات رخيصة في كيا وهونداي واغلب السيارات اتوقع رخيصة بعد يعني اسعارها من 35 الى 45 وهكذا يعني على حسب بس مهيب غاليه ابد وخذها قاعدة دائما سيارتك كيا شف الارخص بين كيا وهونداي وركبه يعني انا موتري كيا اوبريس 2009 جلد المقصات حقتي والركب نفس السوناتا واركبها عليه رخيصه واصلية وكالة ونفس القطعه وكل شي بس هذي كيست هونداي وذي كيا وبالعكس الهونداي تلقاه منطل وواجد في كل محل تلقاه يعني يبيلك تتعرف على محلات قطع الغيار عشان اذا بغيت تشتري قطعة تسألهم كلهم والارخص تاخذ منه هذي سياستي دائما في شراء القطع

وشغل اليد بعد ماياخذ شي رخيص ما يتجاوز اتوقع 200 ان طقتها الحمى ويمكن اقل بعد على حسب عاد انت وين بتروح بس الزبدة كلها على بعضها لو كلفتك مهيب متجاوزة 500 اذا مهيب اقل كانها بس جلد مقصات ومايمنع على دربك شيك على مسامير التوازن وربلات عمود التوازن ترى سعرها مهيب شي كانها على وشك غيرها مرة وحدة دامك فاك فاك عشان ترتاح يعني ربلات عمود التوازن ب 15 الى 20 اتوقع رخيصة مرة والمسامير بعد مهيب غاليه


موفق واي سؤال بخصوص قطع الغيار ولاكيا ولا هونداي ابد تواصل معي خاص وابشر كانك في الرياض