أضف سؤال أو موضوع جديد          

تجربتي مع مكيف كيا كادينزا 2012

up 15 down 0
s7ab50 45
قبل 3 سنه و شهر



السلام عليكم ورحمة الله وبركاته
.
.
طبعا انا واحد من اللي عانو معاناه ترفع الظغط مع مكيف الكادينزا
والاسباب
1 _ نوع الكومبروسر
2 _ مافيه مراوح تبريد لراديتر المكيف
.
طبعا ماكنت اعرف هالشي اول ماجتني المشكله كان المكيف اذا وقفت حار
واذا مشيت لازم ادعس يالله يبرد ومع حر حفر الباطن كنك في تنور
لكن هالمعاناه فقط وقت الاجازات لاني موضف في منطقة ابها
وهناك بارده ولا احتاج المكيف
مالكم بالطويله ايام الضمان الوكاله غيرو لي عدد اثنين كومبروسر
لكن بعد ماخلص الضمان اكلتها
وطحت على كهربائي سعودي في خميس مشيط
قالي لازم ترهم كومبروسر قلت لو تغير المكينه حل المشكله بس وفكني منها
فك القاعده وراح للتشاليح واخذ لي كومبروسر نظام كلتش لسياره H1
وركبه لي وزبط المكيف وجلس سنتين لكن كانت اصوات المكينه عاليه
وعزم السياره خف بشكل ملحوظ
المهم نقلت من عملي لمنطقة تبوك بداية الصيف ورجعت مشكلتها القديمه
رحت لورشه قالي الكومبروسر ضعيف يعني ضرب بالعربي
قلت شكلها بتنباع ولا بحرق فيها
المهم دلني راعي محل قطع على كهربائي كويس
جيته قال ركب كومبروسر اوبتيما 2009 وغير اللي الحار وراديتر المكيف
وبرهم لك مراوح تبريد للراديتر قلت قدام ان مازانت ببيعها
.
.
.
طبعا شغل يده ٤٥٠
لما خلص وكلمني جيته وانصدمت
دقة السلف اختلفت صوت المكينه رجع وكاله الاصوات اختفت
رجع العزم زي اول
وتركتها الصيف كله الى اليوم قلت لازم اتأكد
ولله الحمد المكيف من احلى مايكون واقف ولا ماشي
.
ليش كومبروسر اوبتيما ٢٠٠٩ لانه يركب بدون توليف
وسعره ١٠٠٠ ريال تقريبا
.
.
هذي تجربتي كامله ولله الحمد من بداية الصيف الى اليوم
ماعانيت اي مشكله معه
.
حبيت اشارك اخواني اللي يعانون هذا الحل النهائي للمشكله
بحكم تجربتي وقريت كثير مواضيع نفس للمشكله ونفس الحل
وعلى قولهم اسأل مجرب
ومانقلت التجربه الا بعد ما تأكدت الصيف كامل تحت التجربه
والله يوفقنا وياكم على مايحبه ويرضاه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

الله يعطيك العافية على نقل التجربة

اختصرت الكثير من العناء والوقت للي راح يعاني من هالمشكلة.


up 0 down 0
فانتازي 1793
قبل 3 سنه و شهر



الله يعافيك 
والف شكر لك موضوع مميز


up 0 down 0
باترول 2020 2623
قبل 3 سنه و شهر



نظام الكمبرسر الجديد ماعرفناه و نعرف الي عليه كلتش سمعت خراباته كثيره على انواع السيارت لو يشرح النظام حتى نعرفله..؟


up 0 down 0
maged 8 -3
قبل 3 سنه و شهر



ماشاء الله ، معي كامري 2009 ومرهم كمبروسر 2002 ولي ثلاث سنوات مرتاح معه ، مع اني غيرته قبلها مرة تشليح ومرة وكالة وكلها رجع خرب ، ولكن بعد الترهيم فرق كبير وارتحت منه صراحة ، بس قبل فترة صار التماس بسيط غثني وتم اصلاحه


up 0 down 0
0abo_waleed0 131
قبل 3 سنه و شهر



هالكوري هذا و يعض موديلات الكامري
مدري ليه الكمبرسور لازم يتولف لموديلات قديمه
ما ينفع حق المصنع الجديد
الصناعة تتطور للافضل مهو للاسوأ
اللي يبي سيارة تضمن المكيف عليك بالنيسان لو صني
عسى الله ما يغير عليهم




up 0 down 1
مثقف سيارات 1143
قبل 3 سنه و شهر



والكمبروسر حق الازيرا اظن يركب عالكادينزا 


up 0 down 0
zax_makkah 248
قبل 3 سنه و شهر



السبب أن الكمبروسر الكلتش صرفيته أعلى في البنزين ، لذلك الوكالات ما تركبه في الموديلات الجديدة ، لكن فرق الصرفية بسيط جدا جدا ، مثل الهيونداي غيرت كل كمبروسرات سياراتها لكي يظهر أن سياراتها موفرة للبنزين ، كذلك غيرت القير CVT في الآكسنت 1.4 وبجودة ضعيفة مقارنة بالموديلات السابقة ، والهدف توفير الوقود
يعني توفر 100 ريال أو أقل في الشهر وتصرف الي وفرته عالقير والكمبروسر



up 0 down 0
anosi 1427
قبل 3 سنه و شهر



مو كلها الالنترا 2.0 كلتش مو كهربائي وفي ثانيه بس مو متآكد نسيت


up 0 down 0
7amood1930 182
قبل 3 سنه و شهر



الكوري مشاكله في التكيف والمكاينة من زماااااااااان


up 1 down 1
فهداحمدالسلوم 67
قبل 3 سنه و شهر



اللي يسأل وشو نظام الكومبروسر الجديد هذا سلمك الله يجي فيه حساس ونظامه كهربائي مشبوك مع كمبيوتر السياره وظيفة الحساس زي حساس الحراره لكن مشكلته ماينفع مع اجواء السعوديه ولا يصبر ابد ان طول معك جلس سنه وضرب ماينفع لاجواء السعوديه غير الكلتش


up 0 down 0
s7ab50 45
قبل 3 سنه و شهر



اخوي الورشة اللي غيرت عندها الكمبرس في تبوك ؟ ياليت تذكر اسمها وموقعها


up 0 down 0
al26 5
قبل 2 سنه و 5 شهر



شارع الثلاثين ورشة المهرجان جنبه محلات قطع غيار كهربائي يمني وابشركم المكيف كل من ركب معي الى الأن قال ماشاء الله


up 0 down 0
s7ab50 45
قبل 2 سنه و 2 شهر