الصيانه الدوريه ونوع الزيت الموصى به سبورتاج 2019

سؤالك الأول افضل اجابة له موجوده عندك بكتاب دليل المالك.. ايضا فيه جدول الصيانه المعتمد من المصنع

السؤال الثاني.. يختلف من وكيل لـ وكيل.. لكن اذا تبغى تسوي صيانه برا.. احتفظ بفواتير الشغل + قطع الغيار تكون اوراق مطبوعة ورسميه

شكرا على ردك سأخرج الدليل واتصفحه لاحقا ان شاء الله.
الوكيل الجبر.

وعليكم السلام ورحمة الله

امتلك مثلك 2018 والزيت الموصى به هو 5 دبليو 30 والوكالة للاسف تركب 10 دبليو 40 ، انا ابدله برا الوكالة اخد زيت جمله و 4 فلاتر اصليين وابدله عند اي بنشر اهم شي تتاكد من معيار الزيت مو زايد ومافي تهريبة ، الموضوع مو معقد كله زيت وصره وفلتر

صحيح اتفق معك ممتاز اي شركه تستخدم نوع الزيت ومن وين تشتري الفلاتر الكيا الاصليه بالجمله؟ اصلا انا بأذن الله بغير خارج الوكاله في الكبوت مسوين علامه توتال
لكن في الغالب بيكون التغير فوكس 5W30 ان شاء الله.

الصيانه الدوريه كلها نصب في نصب وجدول الصيانه ولا وكالة تلتزم فيها حتى اللي مكتوب فيها فحص

صيانتهم اذا كل 5000 تغيير زيت وفلتر

كل 10 الاف تغيير اماكن الكفرات سنفره هوبات تغيير زيت وفلتر واذا تكرم عليك سوالك شد للصواميل اللي تحت

في احد قد شافهم يسوون شي غير ذآ ؟ ونظامهم كل 20 الف تغيير فلتر هوا مكينة ومكيف

طيب زيت القيربوكس ؟ متى يغيروه ؟ هل تخبرون ورش جيده للكيا وخبيرين فيها ؟