استفسار عن مكيف كيا سورينتو 2016

على حسب تجربتي ف كثير من السيارات مافي مكيف يبرد على درجة حرارة 50 والسيارة واقفة

الحين بيجون مطفين النور يقولون تويوتا ونيسان كلها مجربها واكثر من سيارة والله ماعندك احد وهي واقفة

اي بنجي ونقول تويوتا ونيسان ومجرب اكثر من سياره
بعز الحر والظهر بالشرقيه والمكيف ثلج 
واكون واقف بزحمة الجسر حق البحرين والامور عال العال سوا موتري او مواتر الشباب

من جد هههههههههههه
انا مجرب تويوتا ونيسان واقف ماشي نفس قوة التبريد
لكن لاتجرب يارس كورولا وتقول مايبرد السيارات الصغار
من تويوتا كمبروسر حساس ماهو كلتش مثل الجيوب
ومع ذلك تبرد

صحيح انا مجرب تكيف نيسان وتويوتا تخلي موتر من صبح للظهر فعز الشمس

وبعدها تعال شغل وحرارة 48 الى50 ثواني يدور فريون ومكيف ثلاجة

اللي متعود على تكييف النيسان و الياباني و مهم عنده موضوع التكييف
ما انصحه يغير للكوري مهما كان جودته و فخامته لو انه جديد
فأنت و حسب اللي يكيفك
كل واحد و اللي متعود عليه

اشكر لكم تفاعلكم جميعا. وكنت اتمنى جواب من احد عنده كيا.

طيب نعدل السؤال

هل فتحات المكيف تطلع هوا حار والسياره واقفه؟ ولا مجرد تقل البروده؟

مرحبا اخوي
انا ماعندي سورينتو بس أحد الزملاء عندي في العمل
اخذت سيارته سورينتو ٢٠١٧
وقت الصيف كان الجو حار تبريد السياره كان ممتاز
استخدامي للسياره اكثر من اسبوع بصراحه السياره ماشاء الله
ممتازه
الله يوفقك ويسر امرك

حقيقة المكيف في السيارات اليابانية لا يعلى عليه
اما السيارات الكورية غالبا تبدأ مشاكل المكيف من بعد ممشى
100 كم و انت حظك وان اجزم ان 80% من ملاك السيارات
الكورية يشتكون من التكييف خاصة بعد ما تمشي السيارة فوق
100 كم و انا مجرب هذا الشئ استأجرت سوناتا 2015 ماشية
80 الف و الله مشيت قرابة 10 كم و فصل المكيف و اضطر اطفي السيارة
و اشغله من جديد و ايضا قريبي عنده اكسنت 2017 مشتريها
وكالة و نظيفه جدا و ماشية قرابة 110 الف كم و حاليا بدا المكيف يضعف
و بشكل ملحوظ و راح الصناعية وأكثر من مهندس يقول كمبرسر ضعيف !


و بعيد عن الجدل و ياباني و كوري..

انا و انت و... جميعنا مستهلكين ندفع مبلغه و قدره فا ابحث عن الشئ
ياللي يريحك ماديا و يبعدك عن اعطال السيارة ..

وعندك خيارين مناسبة
اما برادو مستعمل نظيف
او انوفا ستاندرد أصفار
جميعها تكييف ممتاز و عملية

مايعيب السيارات اليابانية هيا ان قطع الغيار اغلى من الكوري
و لكن سيارات عملية

alhkami اسمح لي بس اختلف معاك السيارة في حالة المشي التبريد يكون ممتاز سواء كوري او ياباني او حتى صيني
لأن الهواء يبرد الفريون الموجود في الرديتر الخارجي وبكذا راح تزيد معاك البرودة في الداخل
وانا احد ملاك السيارات الكورية عن تجربة انا مدري هي حضوض ولا الاستخدام يلعب دور
انا ضرب علي كمبروسر بدون سابق انذار والكمبروسر السابق ما كان فيه اي مشكلة ابدا تبريده ممتاز فجاءة ضرب (وكانت رجلي في اليوم الي ضرب فيه حارة زيادة عن اللزوم )
وبعد ما فتحته لقيت معدوم بالرايش والظاهر الرايش سد البساتم
وغيرته بكمبروسر كوري من شركة هينون والكمبروسر عال العال واحتياط اضفت مراوح وصراحة التبريد صار توب التوب ما شاء الله
ما ودي أكثر كلام واشرح بس الكمبروسرات النظام الحديث هذا عيبها وحتى الكورولا موديل ال14 وال 15 الجداد الي بنظام الكلتش الجديد فيها نفس المشكلة وقت الوقوف يضعف التبريد بعض ملاكها واجه هذي المشكلة