تجربتي الكامله مع كيا اوبتيما موديل 2015

الله يعوضك اخي الحبيب.

وهذا المتوقع من الكوري .. كيا + هيونداي .
شركات حديثة بصناعة السيارات لايتجاوز عمرها اكثر من 20 سنة . فقط.

الامريكي عمره يتجاوز عمره الصناعي 100 كام . من الجودة.
والاوروبي واليابني فوق 90 عام من الخبرة.

اما الكوري والصيني فهما سواء حديثين بالصناعة. والجودة متقاربة. كثير..

اول ما توظفت عان ٢٠١١ على طلعة الاوبتيما هذا الجيل
و كان سعرها طيب على مواصفات حلوة نص فل مكينة 2400
و كانت معي كامري 2006 شوي مكروفه
فضلت عليها التيما بسبب ان فراملها ABS و اثنين ايرباق
و هي استاندر و تشغيل بصمة بس ما كنت اعرف ان قيرها CVT موديل 2010
ضرب علي قيرها على ممشى 220 الف و الحمدلله على كل حال و بعتها على حالتها بخسارة كبيرة
لو اشتريت الاوبتيما كان ممكن عاش قيرها اكثر لكن اكيد بتطلع مشاكل بالتكييف او غيره

خلاصة الكلام ما في سيارة كاملة خصوصا" سيارات الفئة هذي و اللي اصغر
هم الشركات تبيع اكثر ما تركز على الجودة و البركة من الله قبل كل شي

خلونا نرجع لعام 2011 ... اذا فكرنا شوي بنلاقي مافي سيارة كاملة او سيارة بدون اعطال ، ياخي كل سيارة لها ميزة الاوبتيما رخيصة وقتها والالتيما 2011 كانت الاكثر مواصفات لان الاستاندر تجي بصمه دخول وتشغيل والكامري عام 2011 كان الشكل قديم والكل ينتظر الشكل الجديد ومهما ذكرت لكم من سيارات لازم يكون فيها نقطة قوة ونقطة ضعف . المهم انك اشتريت سيارة واستخدمتها فترة ولله الحمد بدون مشاكل كبيرة وان شاء الله ربي يعطينا خيرها ويكفينا شرها

السياره كوريه طبيعي تكون سيئه بالاساسيات مثل العزل وتوفير الوقود تعتمد 
بشكل اساسي على مواصفات كثيره اغلبها قليلة الجوده واقل من المتوقع 
شخصيا لا اعرف كيف سخص يدفع دم قلبه بسياره كوريه وسبب انتشاره الاساسي 
فقدتها وهو السعر القليل الان الاسعار دبل على لا شي 

عندي سيارة كيا اوبتيما 2014 واشوف ان واقعي مخالف لواقع
صاحب الموضوع
السياره من 2014 انا المالك الاول ولازالت تحت يدي
ما قد دخلت ورشة من شريتها ولله الحمد عدى سمكره بسيطة في الرفرف
جميع الصيانات اقوم بها بيدي انا من تغيير زيوت القير والمكينه والدركسون والفرامل
غيرت طقمين فحمات اماميه الخلفيه لازالت على وكالتها وغسلت الثروتل وبواجي
عزمها جيد جدا ما قد شكيت منها في طلعات
الكوري تحسن وافضل من مما كان قبل 2009

اخيرا قناعتي ان المالك او المستخدم ملام ايضا
ان كان مهمل او قام بعمل صيانه خاطئه

تقرير محايد غني بالتفاصيل. خلينا ناخذ نقطة نقطة.
ال١- مكينة هذه ٤ سلندر، ٢٤٠٠ سي سي تعطي ١٦٨ حصان. (اي رقم اعلى من هذا غير صحيح والشركة مو مصرحه فيه) الاعلانات مجلات و يوتيوب كل سنة يزيدوا الرقم لين وصلت ١٨٨ حصان وهي نفس المكينة. السؤال هنا كيف خذلتك؟ ماخذها سباقات وخسرت ولا عزمها ضعيف وانت متعود على مكاين مثل الماكسيما والافلون و جولف جي تي؟ للمعلومية في اوبتما ٢٠٠٠ سي سي وشركات وتكاسي كثير ماخذينها وماشية. ومكينة ٢٤٠٠ هي نفسها نزلت على ازيرا الجيل السابق و حتى سنتافي وتخيل فرق الوزن!!!
2 - القير: هذا القير نفس سوناتا ٢٠١١ الى ٢٠١٥ ومعروف وعن تجربة انه جدا ناعم. والزيت لو ماتغير الى ٣٠٠ الف مايصير شئ. لأنهم ماخذين براءة اختراع في هندسة الزيت. ولو احد غير بعد ٢٠٠ الف مايصير شئ مو مثل بعض الصناعات! الخطأ اللي يصير انه في ناس يروحوا لبترومين او اي مكان ثاني ويغير بنوع زيت غلط.
3 - ثلاجة المكيف: معروف اذا توسخت بتخرب وخصوا اذا فلتر المكيف ما يتنظف ويتغير كل فترة او لما يخرب الكمبروسر ويشتغل فترة طويلة يخرب كل نظام التكيف بالرايش او البرادة اللي يسببها. يعني بعد 200 خربت الثلاجة مو يعني السيارة صارات سيئة. عندك تايوتا يارس كانت تجي بدون فلتر وخراب الثلاجة شئ معرف فيها ولا احد قال انها سيئة.
ايش البدائل الموجودة وقتها؟ اكورد؟
كانت صجي من الصين. والقير اذا خرب مايتوظب، وفرق السعر يكفيك تشتري مكينة اوبتما وقير جدد بعد ال ٣٥٠ الف ههههه

الاخ عثمان ماشاءالله تبارك الله لاهنت عندي استفسار,وش نوع زيت المكينه اللي تغيره

بترومين a1 5w30

هذا المتوقع من السيارات الكوريه للأسف. شاهدوا كميه السوناتا المطلوب التنازل عنها وهي لازالت جديده تعرفوا انها سيارات تعبانه

الواقع يفرض نفسه عزيزي سيارة متوسطة بمكينة ضعيفه

واضحه وضوح الشمس السيارة بتكون ضعيفه منزلين مكينة 2.4 ليه

بعدين على سالفة الثلاجات مافي سيارات اكثر من تويوتا تتغير ثلاجاتها

ياسبال افهمها مثل ماتبي sabal الموقع قدامك كل الاقسام تنازل وكلهم جديد

الكوري والصيتي عموماً مقل امواس الحلاقه تحلق فيه مره وترميه
سيارات رديئه جداً وغير عمليه ودرجة الامان فيها ظعيفه