أضف سؤال أو موضوع جديد          

مكينة الكيا طقت

up 5 down 2
عبد الله ابو خالد 40
قبل 2 سنه و 7 شهر



السلام عليكم 

ياخوان قدر الله علي وطقت مكينة موتري بالخط بعد مسافة ٦٨٠ كيلو
موتري كيا سورنتو عليه مكينة 6 سلندر 3.3 
نفس اللي تجي ع الكادينزا 6 سلندر 
والسانتافيه 6 سلندر 
وابي نصيحتكم ومشورتكم 

وبنفس الوقت بسالكم كم تقريبًا قيمة مكينتها من التشليح؟ 
وكم تكون ماشية مكاين التشليح؟ ( غالبًا ) 
وكيف اميز المكينة الزينة عن المكينة الشينة وهم كلهم مقفولات ومانعرف ممشاهم ولا اي شيء عنهم؟
ايش الاشياء اللي اقدر اميز فيها؟ 
ولكم جزيل الشكر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


عليكم السلام التشليح ما انصحك لان اغلب المكاين مكروفه وجايتها حراره وبعضها موظبه اكثر من مره وماتعرف عنها اي شي ب اختصار مكاين التشليح دمار جدا جدا
الحل لمشكلتك توظيب كامل ترجع مثل الوكاله بس ( حاول تدور لك ورشه يخاف الله وتضمن شغله عادي لو يكلفك مبلغ عالي اهم شي شغله نضيف وعليه ضمان اقل شي شهر مختمه او موقعه من صاحب المحل


up 2 down 8
هبووب الشمال 107
قبل 2 سنه و 7 شهر



المشكلة ياهبوب الشمال ان التوضيب مُكلف جدًا 
والمكينة بالالمنيوم فيها كسر من تحت 
على كلام الورشة ان واحد من البساتم انفك وضرب المكينة من تحت
ولو بيكون جدًا مُكلف


up 2 down 2
عبد الله ابو خالد 40
قبل 2 سنه و 7 شهر



680 كيلو ..هذي باقي ماتمرنت واكيد انها تحت الضمان ..رجعها الةكاله
انت مالحقت تمشي الف كيلو


up 2 down 6
لحـن المفارق 533
قبل 2 سنه و 7 شهر



انت تقصد انه الممشى العام للسيارة ٦٨٠ كيلو ؟
والا مسكت خط ٦٨٠ كيلو وطقت المكينة ؟

عموما اذا السيارة على الضمان وديها الوكالة
اذا خرجت من الضمان انصحك بمكينة تشليح ولاانصحك بالتوضيب
لف التشاليح لين تلقى مكينة نظيفة ترتاح لها
بعض السيارات تلقاها تشليح وهي جديدة باين من شكلها مامشت كثير خذ مكينتها اصرف لك من التوضيب


up 1 down 7
سلطان4040 1237
قبل 2 سنه و 7 شهر



شوف ي الغالي اقلب مكاين الكيا نفس المشكله الي معك لانه اتا كانت معي كيا اوبتيما
طبعآ نفس الي صارت معك صارت معي البستم ظرب وكسر المكينه من تحت
وتحس انه فيه احد مظروبه بمطرقه
وهذا عيب مصنعي شوف ي الغالي ما قدامك الا تخذ لك مكينه مستعمله
وتشرط على بتشتريها منه الضمان لانه قيمتها غاليه بصراحه
وبتحصل ب الموقع ناس تبيع مكاين كيا واي نوع
وفقك الله


up 2 down 5
بومااجد 106
قبل 2 سنه و 7 شهر



يا شباب

مستحيل يكون الممشى 680 كيلو لأنها رح تكون على الضمان ويحق له عندما يكون الممشى أقل من 1000 كم يطلب سيارة بديلة

المشكلة حصلت مع الرجال وهو ماشي خط بعد ما قطع 680 كيلو

بالنسبة لمكائن التشليح نسق مع الميكانيكي الي بيركب المكينة على سيارتك يطلع معك وبإذن الله يختار لك شيء طيب

ولو بحثت عن مكينة راكبة على سيارة عملت حادث ويفكها لك أفضل من المفكوك الي عنده لأنها بتكون أنظف وأضمن


up 2 down 5
أبو عبادة 4852
قبل 2 سنه و 7 شهر



يمدحون تشاليح الكويت اسعار مناسبة ومصداقية اكثر . وممكن تشرط على البايع انك تفحص المكينة بالكمبيوتر اذا طلع انها ضعيفة يرجعها لك . اهم شي تسأل عن الضمان


up 0 down 2
abofarah 1080
قبل 2 سنه و 7 شهر



حياك
عساها خيرة 
اول شي تسويه تسعر من كذا تشليح 
وتشوف السعر اللي يناسبك
ثاني شي تاخذ الميكانيكي اللي فيها سيارتك 
بيفيدك اكثر بفحص المكينه 
ولاتنسى تاخذ ورقة ضمان اقل شي شهر
وباالتوفيق


up 0 down 1
باترول 2020 2623
قبل 2 سنه و 7 شهر



لا ياخوان الموتر مو ماشي ٦٨٠ كيلو 
مسكت خط الف كيلو وبعد ماقطعت منه ٦٨٠ طقت


up 0 down 2
عبد الله ابو خالد 40
قبل 2 سنه و 7 شهر



الله يعوضك 

خذ لك مستورد نظيف افضل من التوظيب


up 0 down 1
ابو حسين.......... 1024
قبل 2 سنه و 7 شهر



الله يعوض عليك ابو خالد
التوظيب يالربع غالي جدا اذا الاكسنت القديمه تدخل ب٣٠٠٠ توظيب
كيف مكينه كبيره و فيها كسر بعد. غير شغل الميكانيكي تتعب ماتحصل محترف
شف لك مكينه والله يسهلها لك ولايخسرك


up 1 down 1
امير الاصيل 1714
قبل 2 سنه و 7 شهر



كم كان ماشي الموتر



up 1 down 1
الحربي فهد ١١١ 165
قبل 2 سنه و 7 شهر



لاتوضب ابد خذها قاعدة وانا مجرب توضيب قير ومكينة نادر يضبط  ،،، التشليح افضل ويعطونك ضمان لو اسبوع يبين وبعدها يمديك تبدل وحده ثانية الين تحصل وحدة جيدة .


up 0 down 1
جبال معانيق 277
قبل 2 سنه و 7 شهر