راس المكينه وصرفية البنزين ؟؟

البلف مالها علاقه بصرفيه البنزين بالسيارات الجديده لانها توزن نفسها اتماتيك لا القديم من 95 وتحت
الصرفيه لها عده امور
بواجي و صفايه والمنظم والبخاخات ونوع البنزين 91 او 95 و الكمبيوترو سعه المحرك البساتم
لايلعب بالموتر فكه الراس مايرجع مثل الوكاله

في هذي الحاله اسال اكثر من خبير بموضوع الصرفيه لاتاخذ على كلام شخص واحد
وصدقني صرفية البنزين بالصيف مثل الكهرب بالبيوت
يفاجئك. وبالتالي مع الحر المكيف ياخذ بنزين اكثر عموما انت لاتسوي شي الا تكون متاكد منه مئه بالمئه

اذا كانت البلوف ضعيفه فالعزم راح يضعف وتزيد الصرفيه
لكن اذا غيرتها راح تعجل بتبويش الشنبر لأنه راح يكون البلف
الجديد يضغط على البستم بقوه فاحسبها صح يعني الحين بلوف
وبعد اشهر شنبر واسأل الميكانيكي الصاحي

حياك
السوال اللتر كم يمشيك كيلو 
يعني في شي معقول وشي مهول
سيارتك اذا اللتر يمشيك من12الى15 كيلو مع المكيف وهاالحر
طبيعي
اذا تقول من 6كيلى الى 9 كيلو فعلا فيها مشكله

شكله السيارة مافيها مشكلة وسالفة ( قالولي ) هيا اللي تخلي الواحد يوسوس وجرب تعبي بنزين فالليل او تشوف تانكي السيارة اذا صغير اكيد بتحس انها تصرف وشيك على هوا الكفرات امكن ناقصة وكمان وزن الاذرعة لانو اذا في كفر مايل وكفر معتدل السيارة بتصرف بنزين 

أولا وش نوع السيارة
اذا ممشى السيارة فوق 100 الف كم
و ما قد عملت تصفية للسيارة
لابد من الصيانة
تغيير بواجي + فلتر زيت + فلتر هواء
تنظيف الثروتل و البخاخات (بجهاز الالترا سونيك) و ثلاجة
المكينة .
اذا عملت تصفية من قبل و ما زالت فيه صرفية
ايضا افحص كمبيوتر و لكن عند مهندس محترف و جهاز متطور
ومهم تشيك على حساسات الأوكسجين لأن لها دور كبير في صرفية البنزين في السيارات الحديثة


لازم تقيس كم فل تانكي البنزين كم كيلو متر يقطع
فلل السيارة بنزين وصفر عداد الزيت trip b و استعمل السيارة
مع قيادة هادئة داخل المدينة حتى تولع لمبة البنزين
و بعدها شوف عداد الزيت كم كيلو قطعت
اذا قطعت 500 كم او أعلى تعتبر صرفية معقولة خاصة اذا المدينة
اللي انت ساكن بها حارة و مزدحمة
-----
و مكينة الاوبتيما محرك 2.4 صرفيتها سيئة للبنزين
بعكس محرك الاكورد و المازدا و التيما و الكامري الجديدة

تعقيب بسيط
(السيارات الكورية مهتمة بالشكل و المواصفات أكثر من المحركات
و نظام التكييف ) وممكن راح نلاحظ تغيير في موديلات
2020 و الله أعلى و أعلم .