كوادر غير متخصصه تدمر سياراتنا

نعم ومن هذا المنتدى يا احبه
كل من يخطئ ويتلف حلال
الاخرين ...يعاقب ويؤخذ على
يده ولا يرحم....رحمتنا للبعض
ادت الى تماديهم ..واستخفافهم
بنا وارواحنا وممتلكاتنا ...اقلها
استدع الشرطه ..وتوثق وتاخذ مجراها
لن ول ن يبقى الا المؤهل للعمل

لماذا يدخلون الاجانب الى المملكه بتخصصات ميكانيكيه وكهربائيه وغيرها من التخصصات . 
وهم لا يجيدونها . بل اما يدخلون بشهادات مزوره او يأتي بتأشيرة مهنه وبعمل بمهنه اخرى

هذي انا معك فيها تلقاه في بلده سواق تكسي وهنا صار ميكانيكي خصوصا البنغالي والباكستاني

بالنسبة للتسعيرة هذا موضوع مستحيل كل ورشة تختلف مصاريفها عن الاخرى  وفي شي اسمه مكاسرة يقولك ٢٠٠ قله ٥٠ واطلع شوي شوي مو ب تنقصه ٢٠ وتقول اخر شي غالي 

بالنسبة لاسترجاع المال المفروض هذا الامر يتم الاتفاق عنه مسبقا قبل الاصلاح ماتعطيه ريال لين ماتزين السيارة وقضينا مارح يجبرك تدفع شي دق سلف وامش هذا اتفاق ومايزعل احد 

كيف يعني فرق تفتيش ليه حلاق هو ؟! بسالونه تعرف تغير فحمات !!!!  

الموضوع بسيط فيه الف ورشة ماجازلك الاول شوف غيره ياخوي 

انا معك من ناحية اللي يتعلم على سيارتك ويخسرك بدون فايده هذا اذا اتفقت معه الزمه بأن المشكلة تتصلح ولا مافي حساب

اما اذا تبغى الميكانيكي والكهربائي معهم شهايد خبره وما إلى ذلك فلا تطلب أن يكون في تسعيرات على شغلهم

أنت تبغى الزين يكون رخيص وهذا مستحيل

والله قبل ٣ او ٤ سنين احترقت سيارة ولد عمي بيجو بسبة عامل ركب له زونن وهو راجع للبيت شبت عليه ويوم جينا نكلمه قلنا معك شهادة انك كهربائي قال الشهادة للمتعلمين !!! ؟ اجل وش تخبص ف سيارات الناس
هذا واحد من العمال واكيد الأغلبية مثله 

ان شاالله يجي نظام السعودي فقط هو اللي يشتغل باالورشه..نفس نظام محلات الجوالات..لان صراحه طفشنا من الاجانب ومن سرقتهم لقطع السيارات وشغلهم اللي يخسرك اكثر..

اللي يعطي ديسلايكات ذا واافد وجالس بالورشة ينتظر احد ينصب علية ههههههههه

والدليل على كلامك اذا جيتهم بسياره طافيه يجلس يحك راسه كنه بيخترع صاروخ ويقعد يخمن لك 90% من الورش عايشين على التخمين يخمن العطل يعين الله الجميع

الوضع حالياً هو عمالة غير مختصة ولا يفقهون شيء، وبعضهم مولود وعايش بقرى ما فيها اصلاً سيارات ولا بحياته ركب سيارة، يجي هنا ويشتغل تعليم بسيارات الزباين وعلى حساب الزباين، يخرب يخرب الين يتعلم ويصير مهندس كبير



والسبب في هذا التمادي هو ان الزبون بعد ما يسرقونه ويخربون سيارته ويخسرونه وقت وفلوس يروح البيت ينام ما يروح يشتكي

لو الزبون يشتكي كان انصلح الحال وانقطع الغش