أضف سؤال أو موضوع جديد          

افضل سيارة لصرفية البنزين ؟

up 0 down 1
mohseminem 32
قبل 2 أسبوع و 6 يوم



السلام عليكم 

ي اخوان حاليا عندي كيا سيراتو 2012 
اخذتها مستعملة قبل 4 سنوات بممشى 77.000
والحين ماشاء الله ممشاها 280.000
وناوي اني اغيرها لخوفي ان تزيد خراباتها لا سمح الله
مع اني ما اشتكي منها غير في الصرفية نوعا ما
حاليا الفل يمشيني 430 كيلو

ابغى افضل سيارة مستعملة في حدود 30 بالكثير
وتكون الصرفية افضل والحجم الداخلي نفسه
افكر في كورولا من 2015 والسيراتو من 2016 
بس شايف اسعار الموقع مبالغة شوي
هل فيه افضل من هذي السيارتين حسب المبلغ والصرفية ؟
علما اني امشي في اليوم حدود 150 كيلو او اكثر داخل المدينة

كيف وضع نيسان صني و الاكسنت الجديدة واليارس كذلك
هل احجامها الداخلية مقاربة لسيارتي الحالية ؟
لان احس الموديلات الجديدة كانها اكبر شوي

وايضا نيسان سنترا هل هي اعتمادية ؟
وكيف توفر قطع الغيار والصيانة ؟

وشكرا لكم مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام

افضل خيار لك وتستاهل القيمة هي الكورولا من ناحية صرفية واعتمادية ولو ان السيراتو مو بعيدة عنها لكن هذا الافضل اذا تبي الافضل
و زيادة على كذا الوسع بيفرق معك ونصيحة يعني معك الفلوس وتقدر خذ الحجم الاكبر


السنترا من صديق مجربها م ينصح فيها لان صدم عليها وتبهذل في القطع مع انها بسيطة مرة هذا النسيان على العموم


up 2 down 0
its_o_o 424
قبل 2 أسبوع و 6 يوم



الصني جربتها ايجار صرفيتها حلوة كاستخدام داخل المدينة
احسن من السيراتو اكيد
لكن العزم لصالح السيراتو


up 2 down 0
سلطان4040 1238
قبل 2 أسبوع و 6 يوم



الصني راح تصرف اكثر في الخطوط لأن قيرها 4 نمر وقديم جدا بس يمكن ميزته انه مايخبط وداخل المدينة مقبول.
السيراتو 2016 أعتقد انه نفس المكينة والقير و الهيكل. معلومة عامة: السيارة لما تمشي 300 الف لا تقارن صرفيتها بسيارة تحت ال 30 الف كم.
الكرولا اشوفها اختيار ممتاز وكمان في هايبرد يعني ولا احلى بس اسعارها مبالغ فيها



up 1 down 0
dell2012 910
قبل 2 أسبوع و 6 يوم



إذا تبي خطوط وأقل صرفيه من واقع تجربة أنا استخدمت فورد فيوجن 2014 راحه ووسع وعزل وراحه واقل صرفيه مما تتخيل وسعرها رخيص انا بعتها ماشيه 90 الف ب 30 الف
ومشتريها بحدود84الف



up 1 down 3
ابوفوز513 20
قبل 2 أسبوع و 5 يوم



تويوتا يارس الجديده
قير تماتيك وعادي ٧ نمر .. مكينة ١٥٠٠
اللتر يمشيك ٢٠ كيلو


up 2 down 2
melody 72
قبل 2 أسبوع و 5 يوم



لو تشوف لك سيارة مكينة 2000 و قير CVT
افضل صرفيه و اقوى عزم
او عندك سيارات اكبر مثل الالتيما
و التانكي كبير ٧٠ لتر تعبيها ب١٠٠ ريال
تمشيك ٨٠٠ كيلو اذا مهدي وسط البلد مشاوير اسبوع


up 1 down 2
1405-1985 986
قبل 2 أسبوع و 5 يوم



جزاكم الله خير ع الردود
قررت اخذ كورولا لكن الاسعار مبالغ فيها جدا
بشوف لو حصلت شيء لقطة باخذ

او جاتني فكرة اني انفض السيارة ب 5000 بالكثير
واكمل بها سنة او سنتين لاني ما اشتكي من شي والموضوع قلق فقط
يعني من بواجي وفلاتر وتنظيف بخاخات وغسيل مكينة وتربيط
وتلميع داخلي وممكن رش خارجي وشاشة


up 1 down 0
mohseminem 32
قبل 5 يوم و 18 ساعه