أضف سؤال أو موضوع جديد          

تنبيه عند تغير البواجي

up 5 down 3
عامر 1412 279
قبل سنه و 4 شهر



السلام عليكم ورحمه الله وبركاته
يااخوان انتبهو عند تغيير البواجي البواجي الجديدة لاتطيح او تطدم بشئ لان انا رحت لواحد ركب لي البواجي وبعدها السيارة تتفتف والاربي ام غير مستقر والسيارة ترج وهي واقفة ومعى المشي فيها نتعة قلت يمكن البواجي مو تبع السيارة رجعت لمحل قطع الغيار قلي جيب الاستمارة ووراني نفس رقم الهيكل في الكمبيوتر يقول يمكن كويلاتك مضروبة طلعت من المحل وانا مغموم وحالتي حالة هههههه يعني انا الحين جاي اغير البواجي واهتم بالسيارة تطلع لي علة المهم رحت لمكانيكي وريته البواجي الجديدة شيك على رؤس البواجي الي تكون داخل السلندر لاحظ ان طرف راس البوجي مطعوج عدله بمفك ورجعت السيارة احسن مما كانت والحمدلله
الفائدة من الموضوع انتبهو من اخطاء تركيب القطع عشان لاتدخل بخساير انت بغنى عنها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا خطا اللي ركبها
طاحت عليه
تاثر الراس
ركبها بعلتها
المفروض انه يشيك عليها



up 1 down 1
لا للغلاء 828
قبل سنه و 4 شهر



الآن الحذر مطلوب والحرص واجب.

1- عند شراء قطع الغيار يجب التأكد من مطابقة القطع لرقم الهيكل. وانها أصلية.
2- عند تركيب القطع بالورشة يجب الوقوف على رأس الفني مباشرة وحتى ينتهي.
3- ادفع بعد ذلك وانت مطمئن ان شاء الله .

رآفقتكم السلآمـــــة.....


up 0 down 0
theuk1984 838
قبل سنه و 4 شهر



وفعلا النصيحة الثانية من تجربة لا ترمي البواجي القديمة الا بعد ماتتاكد وتستخدم البواجي الجديدة 


up 0 down 0
فلان الفلاني 508 501
قبل سنه و 4 شهر



صحيح يافلان الفلاني بعد ماركبت البواجي الجديدة وشفت التفتفة رجعت القديمة والتفتفة راحت الين مارحت لمكانيكي وحل المشكلة


up 0 down 1
عامر 1412 279
قبل سنه و 4 شهر



ياخي مفروض انت اللي تركبها ماتاخذ منك 10 دقايق ومفكها معك في شنطة العدة


up 0 down 0
n-051111 -3
قبل سنه و 4 شهر



مفك البواجي اللي عند الزينة ابو كلب
خد مفتاح اوتوماتيك و حبة 16 طويل ومغناطيس طويل عشان تسحب البوجي وفك البواجي بنفسك
ويفضل السيارة تكون باردة لان مع الحرارة البوجي يكون ماسك قوي و البواجي الجديدة لا ترميها داخل المكينة عشان لا ينكسر سقطه بالمغناطيس


up 0 down 0
nissan200 285
قبل سنه و 4 شهر



https://montada.haraj.com.sa/user/%D8%AD%20%D9%85%D8%A4%D9%85%D9%86


up 0 down 0
ح مؤمن 4
قبل سنه و 4 شهر