طربمة زيت كيا اوبتيما ؟

عندي ٢٠١٤
ممشى ١٩٧ الف ولله الحمد بدون اي مشاكل
استخدمت زيوت كثير كلهم عيار 5w30 تخليقي بالكامل
اول شي بترومين A1 ل ٣٠ الف تقريبا
وبعدها غيرت شل هيلكس وكاسترول ماقناتيك استمريت عليهم فترة طويلة
والان استخدم موتركرافت اول مرة وممتاز
واغير الزيت غالبا على ٨٥٠٠ او ٩٠٠٠
واحيانا ١٠٠٠٠

معي 2018 ماشيه الحين فوق ال170الف
ولله الحمد ماواجهت اي مشاكل

واستخدمت كذا زيت ابو 5الاف
توتال كاسترول بترومين كلهن لزوجه 30/10

كان معي 2014 شريتها ماشيه ٥٥ الف وراعيها كان يغير لها 20w50 الله يسامحه
وغيرته الى 10w30 لين مامشت ٩٠ الف
بعدها حولتها 5w30 تخليقي كامل بترومين A1 اعتماد ديكسوس العلبه ب٢٢ من الصناعيه والسيفون لازم تشتريه بنفسك وكاله سعره ١٨ ريال من الوكاله نفسها
لان سيفونات بترومين وطقتها تجاريه وتخبط المكاين
الموتر مشيته ل 140 الف ولا شكى من شيء
كنت اغير الزيت كل ٨٥٠٠

لاتحط زيت ثقيل او زبت بترومين المكرر اللي بالخزان

مشاكل طرمبه الزيت كانت في موديل ٢٠١٢
ومن بعد ها الموديل ما قد سمعت عن اي مشاكل فيها
باعكس صارت جباره ب الخط وتتحمل كرف

الله يعطيكم العافية جميعا .. في انتظار الباقين بس اهم شي تجارب راعين مكينة 2.4

الحمدلله لك الحمد والشكر الموتر ماشي معي 400الف اموره طيبه اعبي توتال 10-30 ايام كانت على الضمان اعبي بترومين ابوكلب وحطيت توتال 20-50 وضبط الموتر معي الان 8 سنوات

ياساتر 20-50؟ الكتيب يقول بالكثير10-30 والافضل 5-30