أضف سؤال أو موضوع جديد          

افضل ورشة للرش والسمكرة بجدة

up 1 down 0
aameer altayeb 142
قبل 4 شهر و أسبوع



السلام عليكم ورحمة الله وبركاته
حبايبي ابغى استفسر عن افضل ورشة سمكرة ورش يكون شغلهم ممتاز والرش يكون مطابق للون الوكالة
يعني شغل وكالة تقريبا وين احصلهم
وجزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عن تجربة عندك ورشة رواد الاختصاص في عسفان.. شغلهم جدا ممتاز 
والبوية اللي يستخدمها صاحب الورشة جودتها عالية جدا وسعره معقول للامانة.. 



up 0 down 0
hejazi0 34
قبل 4 شهر و أسبوع



عسفان بعيد مافي اقرب


up 0 down 0
aameer altayeb 142
قبل 4 شهر و أسبوع



عن تجربه يا إخوان .. كل المشكله بنوع البويه المستخدمه ..
أغلب الورش تستخدم بويه رخيصه وعند رشها وإستلام السياره تشوفها كويسه وملمعه
ولكن ماتمر فتره حول 6 أو 7 أشهر ويظهر فرق اللون وخاصه الألوان غير الأبيض
أي شخص يسمكر سيارته يشتري البويه بنفسه من النوع الجيد لأنه أغلى من النوع
المستخدم من قبل الورش وأيضاً يتأكد من رش البويه إللي إشتراها بنفسه لأن أغلب الورش
ياخذ البويه ويرش لك بويه غيرها لذلك يجب التأكّد .


up 0 down 0
jakwar2004 437
قبل 4 شهر و أسبوع



لا تحسب شغلة السمكرة والرش شي سهل وغير مكلف هذا اذا كنت تبغى شغل نظيف
والورشة اللي ذكرها صاحب الرد الاول شفت اعلاناتهم قبل سنة بموقع حراج
ويقولوا إنهم يزيلون البوية القديمة على أساس إنها ميزة

ولما سألهم واحد هل ترشون بوية أساس قبل اللون واللكر؟ قالوا لا! ساعتها عرفت ليش أسعارهم رخيصة
والمصيبة مايدرون انهم لو خلوا البوية القديمة وما ازالوها كان ارحم
لأن البدي بدون أساس راح يصدي وطبقة اللون واللكر ماراح تحمي البدي من الصدأ

بإختصار ومن واقع بحث وفرفرة بالورش
عندك ورشتين شغلهم ممتاز في جدة من وجهة نظري وهي السعودية الأمريكية وورشة الجودة الفائقة
وكلهم جنب بعض في صناعية عسفان صح إنهم بعيد بس شغلهم يستاهل والأولى أغلى بس شغلها انظف شكلاً ومضموناً وليس شكل فقط



up 0 down 0
nader2002 1662
قبل 3 شهر و 2 أسبوع



موضوع السمكرة والرش طويل ومعقد ولا تحسب الشغلة سهلة يعني لو اقعد معك ساعتين اتكلم يمكن ما الحق اخلص

والموضوع مهو طبقة لون وشاكوش والسلام! لازم تهتم وتسأل بنوع اللكر المستخدم ونوع الأساس والمعجون إن وجد
وهل تلتزم الورشة وعمالها بتعليمات التطبيق والخلط من الشركة المُصنعة للمواد (الداتا شيت)

أما تطبيق اللون أمره هين كثير ورش (محترمة) يمديها تطبق اللون لكن هل راح يبقى مثل ماهو
وما يظهر اختلاف بعد فترة بسيطة؟

عموماً أي ورشة قبل ما تروح لها اقرأ آراء العملاء في جوجل ماب وبالتوفيق.


up 0 down 0
nader2002 1662
قبل 3 شهر و 2 أسبوع



وأي استفسار إضافي أنا حاضر وبالأخص بموضوع السمكرة والرش لأنه صار عندي خبرة بذا المجال
بسبب الورش (المحترمة) اللي رفعوا ضغطي :)


up 0 down 0
nader2002 1662
قبل 3 شهر و 2 أسبوع