أضف سؤال أو موضوع جديد          

توضيب او تغيير مكينه لكيا سبورتاج 2015 دفع رباعي 2.4

up 1 down 0
haneya 3
قبل شهر و 2 أسبوع



السلام عليكم,

محتاج نصيحتكم للأسف مع الاهتمام الشديد للمحرك, ولكن قدر الله المكينه فيها صوت تخبيط, الان الحيرة ما بين توضيب او تغيير مكينه محليه (مجدده مخروطه او غير مخروطه بس الاثين مفكوكين) او مكينه مستورده.

الرجاء الافاده من خبرتكم مع العلم انه ما عندي مكانيكي معرفة بالرياض ممكن اامن عليه بالتوضيب ولكن عرض علي مكينه مجددة بضمان لمدة سنة.

أخيرا مكينه السياره 2.4 موديل 2015 دفع رباعي.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله

بالنسبة للتوضيب احرص على الميكانيكي اللي يضمن شغله اقل شي 3 شهور وصعب تحصل لانهم اغلبهم يتعلمون.
وانا الصراحة من واقع تجربة توضيب ماوضب الا عند ثقة وارشح لك المكينة المستوردة بضمان اقل شي شهر ومن اول اسبوع راح تبين معك امورها.
الله يسهل امرك ويعوض عليك.


up 1 down 0
منيف2015 42
قبل شهر و 2 أسبوع



اذا مكينه مجددة عليها ضمان سنه اعتقد خيار جيد بس تاكد من تغيير طرمبة الزيت لان البلا منها في مكاين ال2.4 ويوضح اي الاشياء المضمونه خلال السنه (كم كيلو ايش الاشياء المضمونه )


up 0 down 0
salehhd 943
قبل شهر و 2 أسبوع



اذا بتاخذ مجدده بدون خرط ممتازه بس اذا خارط ماانصحك ابد انحش عنها 
واذا وضعك يسمح انك تاخذ مستورده افضل لك الف مره من المفكوكه 
اذا كنت من سكان الرياض رح تشليح السلي بتحصل مستورد نظيف وعليه ضمان 
انااخذت مكينه لسيارتي من عندهم ماشاءالله اخت الجديده مشيتها 50 الف تقريبا وبعت السياره فيها ماتشكي من شي 


up 1 down 0
k 6 4 i 1227
قبل شهر و 2 أسبوع



نصيحة مكينة من التشليح راكبة على السيارة تكون شد بلد مانفكت وتاكد انها غير مفكوكة او موضبة وخذ عليها ضمان وبيعهم مكينتك
شوف اخر موديل يركب على سيارتك اتوقع ٢٠١٩ او ٢٠٢٠ يركب وعلى حسب ماذكر نفس السوناتا واغلب مكاين هونداي ٢.٤ نفس بعض

واول ماتاخذها ودائما غير زيت نوع اصلي نفس اللزوجة المكتوبة. على غطاء الزيت و الفلتر اللي هو السيفون فقط من الوكالة. وهذا اغلب اسباب التخبيط

افضل مليون مرة من الموضب و المجدد.

وفي طريقك غير الصوفة بين المكينة والقير لان بعد فترة بتهرب زيت اذا ماغيرتها


up 0 down 0
mr-x911 83
قبل شهر و 2 أسبوع



يعطيكم العافية شباب ماقصرتو. بعد ماكلمت الي عارض على المجددة بضمان سنه قلي انه لازم مع المكينه الجديده اعبى زيت 6 ونص علب بدال 4.5 شي غريب صراحه و قال انه طرمبة الزيت الي راكبة ياباني, ما عجبتني التشكيله الغريبة هاذي صراحة.

بشوف اذا في مكاين شد بلد محلي او مستورد افضل.


up 0 down 0
haneya 3
قبل شهر و أسبوع