مشورتكم يا شباب بالريو

ياخوك مافيها عيوب كانك ماخذ اكسنت نفس المكينة والجير حق الاكسنت اللهم اختلاف الداخليه والخارجيه

نفس الاكسنت بس الاكسنت افضل واحلى من ناحيه شكل وداخليه  

 

يعني يا شباب تنصحوني فيها

ماعمري سمعت احد ذم فيها 

توكل على الله وخذها 

والف مبرووووك مقدم 

والله يعطيك خيره ويبعد عنك شره 

الله يبارك فيك ياخوي امين يارب مشكور على ردك ياخوي 

اخوي استخير الله اولا ثم توكل عليه 
انا مجربها عمليه واقتصاديه
ومجرب ثلاثه غيرها من كيا كلارس وكرنفال واوبتيما ومدمن وعاشق للكيا
وترى ما تفرق كثير عن الاكسنت الا بالبودي والديكورات

إيه اكيد ان شاء الله راح استخير طيب ياخوي دام انك مجربها هل فيها عيوب وخرابات كثيرة 

أخوي واحد من أخوياي معاه ريو وسالته عنها ويمدح فيها ويقول ان بغيتها خط وان بغيتها وسط البلد مشاء الله تبارك الله ولاتطلب

قطع طبعا اذا كنت محافظ ..... الله معك .

مشكور ياخوي على ردك طمنتوني يا شباب الله يطمن قلوبكم لأني مررة كنت متخوف من السيارة لكن الحين اقدر اخذها وانا مطمن مشكورين يا شباب الله يجزاكم بالخير 

شوف طال عمرك انا استخدمتها لمدة سنتين موديل 2011 الشكل القديم .. السياره ماكينه وقير كلها نفس الاكسنت الاختلاف في الشكل فقط .. الموتر اقتصادي جدا جدا والمكيف ماشاء الله في عز الظهر بارد .. اغلب قطعها قطع اكسنت واسعار القطع ممتازه وفي بعض القطع ارخص من الاكسنت على سبيل المثال القماشات الفرق بينهم تقريبا 40 ريال .. الفل ب 18 ريال .. لكن اذا تبغى نصيحتي خذ قير عادي اقوى لان المكينه 4 سلندر لو اخذت تماتيك حلو ومريح لكن عزمها راح يكون لك عليه .. اعتذر عن الاطاله ولو بغيت تجربها انا موجود بالدمام اعطني رساله ع الخاص بموقع حراج  وابشر  بالخير .

يعطيك العافيه اخوي المحترف فيك الخير والله ما قصرت انا ان شاء الله يوم راح ادخل السيارة الفحص اذا ان شاء الله نجح الفحص راح اتوكل على وأخذها دام انكم نصحتوني فيها مشكورين يا شباب الله يجزاكم بالخير ما قصرتو والله كفيتو ووفيتو الله يعطيكم العافيه