أضف سؤال أو موضوع جديد          

مشكلتي مع كيا

up 5 down 2
sosisos 612
قبل 5 سنه و 11 شهر



السلام عليكم اعضاء منتدى حراج حبيت اعرضلكم مشكلتي مع كيا .. شرينا كيا 2011 كرنيفال تقريبا اقل من سنة جديدة زيرو
للاستخدام اليومي المشاوير وكذا .. وحوالي في بداية شهر شوال السيارة بدأت تنتع بالمشي وكانت ماشية حوالي ال28 الف كيلو الين اسبوع والسيارة سارت تنتع بقوة .. قلنا مشكلة بالجربكس وارسلناها لشركة كيا بسطحة وقلنا ع الضمان يصلحونها لأنه السيارة لسا جديدة 28 يعتبر قليل .. قالوا طيب بنصلحها .. وبنجبلكم القطعة من كوريا والمهم بتتأخر يعني قلنا شهر مو مشكلة اخرونا الين قبل الحج قالوا خلاص بعد الحج انشالله
ودحين خلص الحج يقولوا والله المشكلة دي مو من مسؤوليتنا احد لعب في القير وخربه يعني كيف لعب بالقير ؟؟ السيارة كيف تمشي لو ما عشقنا بالقير ؟ علما بأنه كان في سيارتين غيرها يعني ما اتكرفت الكرف هذاك
اخرتها قالو تصلحوها على حسابكم مالنا دخل والخ .. حسبي الله ونعم الوكيل عليهم ..
اللآن ايش تنصحوني اسوي ؟؟ اصلح السيارة على حسابي ؟ اقل شي بحط فيها 25 الف ...
اللي عنده حل لا يبخل .. وحسبنا الله ونعم الوكيل على الظالمين .. واتأكدت فعلا انه كيا فاشلة في السعودية













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


إذا السياره تقسيط  أسحب عليهم وخل السياره في حلوقهم 

لكن إذا كاش  مالك إلا تراسل الشركه الام في كوريا وسفل فيهم وصرخ عليهم قسم ليجونك مشي من كوريا ههههه 



up 2 down 0
أنيق 17573
قبل 5 سنه و 11 شهر



تشتكي مين  وزاره تجاره  ولا وزراه  التربيه وتعليم ماحد يمك  ياحبيبي  هذولا يلعبون  في ناس ومشكله ىيستغلون ناس وحنا شعب مستهلك   اذا معك ضهر  راح يساعدونك  لي الاسف  والله ماحد ياخذ حقك منهم الى رب عالمين 

 حتى لو سياره بتاقسيط راح ياخذون حقهم ودبل وكل شي عندهم توقيعك وختم ومصدقه من محكمه يعني والله اخذين حقهم وزياده الله لايوفقهم  لن والله وضع مايطمن اخوي ونصيحه اذا مبلغ بسيط صلحها واذا كثير اخذ قطع وصلحها من برا 

 وش تسوي بس مالك الى كذا  





up 1 down 0
سكودر 14892
قبل 5 سنه و 11 شهر



بنقدم شكوى لوزارة التجارة بس عسى يفيدوننا .. والسيارة كاش مو تقسيط


up 1 down 0
sosisos 612
قبل 5 سنه و 11 شهر



وراسل الشركه الام واكتب لهم كل التفاصيل بس البيانات تكون كامله برقم الشاسيه والماكينه واسم الوكيل ومكانه وتاريخ دخول السياره للوكاله واشتكى من التوكيل واكتب اسمك ورقم جوالك


up 1 down 0
hdmrdash 235
قبل 5 سنه و 11 شهر



اشتكي عليهم في وزاره التجاره


up 1 down 0
نواف 2000 n -93
قبل 5 سنه و 11 شهر



الله يكون بعونك الله لايوفقهم نصابين كآن ف ودي عندنا جهه تنصفنا ع الاقل من هالمحتالين والدجالين لكن للاسف حنا بلد الاجنبي
والتجار ، قدم شكوى لوزارة التجاره لعل وعسى يطلع فيهم احد ينتخي للموضوع ،، اخوي ابراهيم التركي علمنا وش الطريقه
اللي اشتكيت فيها لمؤسسة النقد يعني ارسلت لهم خطاب ولا جيت لمقرهم يمكن تفيد صاحب الموضوع وعلى فكره يَآصاحب
المشكله بقولك سالفه صارت لي تقريبآ مشابهه لسالفتك ( كلها شركات ) بس انا مع مماطلة شركة تأمين بإختصار بعد اكلت
هوا معهم من مماطله وقلة حيا هددت المدير وهو (لبناني :) بمؤسسة النقد ف البدايه سوا انه عادي عنده بعدين تبين لي
انه خايف من مؤسسة النقد عطيته مهله يوم واحد ان ماشفت شيكي راح اشتكيه لمؤسسة النقد وهو خصمي بالذات ! وقسم
بالله بنفس اليوم المحدد جيته ولقيت شيكي موجود لا وفوق كذا جاي بظرف خاص بإسمه والمفروض على كلام احد موظفيينهم
انها تجي بإسم موظف المطالبات مثل باقي الشيكات ،، ان شاء الله وزارة التجاره بتنصفك يارب ونتمنى انهم تغيروا عن اول
بالتوفيق


up 4 down 0
الالنتراوي 5155
قبل 5 سنه و 11 شهر



دخل السيارة الصيانة ع الخلل الي تقول وارفض انك تستلمها خلها بحلوقهم وتشوف كيف يجرو وراك يترضوك
مع الشكوي الين يجيك حقك هذا عيب مصنعي ولازم يعترف فيه والا عرفهم انت به
الله معك ولاتيأس هم يسوا كذا لانه حاطين يدهم بماء بارد لاكن البلد بها رجال ونظام


up 2 down 0
aziz..747.. 2416
قبل 5 سنه و 11 شهر



^^^
بيض آلله وجهـــــــــــك


up 1 down 0
الالنتراوي 5155
قبل 5 سنه و 11 شهر



الله يجزاكم الف خير .. والسبب اني ما اقدر اماطل معهم اننا محتاجين السيارة في الفترة ذي .. ولا كان رميتها عندهم ورفضت اخذها


up 1 down 0
sosisos 612
قبل 5 سنه و 11 شهر



اها طيب .. انشالله ومشكور يالغلا


up 1 down 0
sosisos 612
قبل 5 سنه و 11 شهر



الله يعينك لو كانت اقساط كنت بتركها عندهم وبخلي المفتاح وبقلهم كملو اقساطها 
واعلى مابخيلهم يركبوه 


up 0 down 0
أنس البلخي 80
قبل 4 سنه



كمل القصة والله انها شدتني وش حصل لك ؟


up 0 down 0
سيف البدو -19
قبل 4 شهر و أسبوع