تجربتي البسيطه لكيا ريو 2011
8
2
إضغط هنا للإخفاء
السلام عليكم ورحمة الله وبركاته ,, وأسعــد الله مســاء الجميــع بكل خيــر ,, اليوم ابطرح لكم تجربتي للكيا ريو موديل 2011 طبعا نزلت التجربه لان فيه عضو استفسر عنها من فتره وحبيت افيده وافيد الجمــيع مره وحده ..
طبعا السياره مثل ماتقولون اخذنااها سبير للبيت كامل نقضي فيها المشاوير البسيطه ,, يعني اي واحد مايبغى يستخدم سيارته يدق سلف ويكرفها :)
السياره اخذناها وكاله من الجبر طبعا مواصفات استاندر ماعدا القزاز كهرب استخدمناها لمدة سنتين وانا استخدمتها قرابة ال سنه كامله بحكم اني بعت سيارتي ,, ومكان عملي بالاحساء وانا بالدمام فكنت اشحطها يوميا صد ورد هههههههههههههههه
كثير من الناس سمعتهم يقولون عزمها ضعيف وماتنفع بريال !! هذا الكلام صحيح للي ياخذ قير تماتيك ,, اللي كانت معنا قير عادي وعزمها يعتبر ممتاز مقارنه بمثيلاتها اليارس وطقتها وقوة مكينتها 1.4 وعدد الاحصنه اتوقع 96 حصان
اذكر مميزاتها بأختصار :
1- اقتصاديه جدا في الوقود يعني ب 18 ريال بنزين 91 فل كامل وتمشيك 350 كيلو بالراحه
2- عزمها يعتبر ممتاز بالنسبه للقير العادي لاني جربت اليارس لكن عزمها اضعف بشوي
3- مكيفها ماشاء الله ثلاجه اما بالنهار التبريد يكون مقبول نوعا ما ..
4- تنفع بالزحمه يعني اذا مالقيت مواقف حطها في اي زاويه وتوكل على الله هههههههههههههه
نجي الان للعيوب :
1- السيارع قاسيه وصوت الارض يفقع اذانيك
2- السياره مع كثر المطبات تتهربد بسرعه وخصوصا المساعدات
3- اصوات بالديكور وخاصه بالصيف تزيد
4- الاستاندر يجي بدون مسجل وبدون مفتاح داخلي للشنطه يعني لازم مفتاح اسبير علشان تفتح الشنطه
5- مراتب السياره قاسيه جدا بعكس اليارس
6- وزنها خفيف جدا جدا 950 كيلو !! يعني اذا كان فيه هواء الله يعينك تجود زين لاتطير معها
السياره بأختصار عام ممتازه لداخل البلد واشوف انها افضل من اليارس بمراحل كثيره وتنفع للسفرات البسيطه يعني كحد اقصى 150 كيلومتر طبعا بعضهم يسافر عليها اكثر من هذي المسافات لكن انا مانصح لانها ماتساعد وخاصه المكينه صوت حنه بعد ال 140 ووزنها مايساعد ..
اتمنى اني وضحت عيوبها ومميزاتها كامله للي ناوي يشتريها ..
إبلاغ
الردود
0
0
2
0
سمعت انها بـ 28
0
0
وانا بعد مثلك بس من الدمام للجبيل اهون شوي الله يعننا وياك
عموما انا اروح واجي يوميا على يارس 2011 والمواتر الصغيره ماتنفع بس صدقني الريو افضل منها
اذا كان فيه مقارنه فأنا اقول الريو احسن من اليارس حتى مكيف الريو اليييم مهو مثل اليارس ابو كلب
1
0
إيجار و رحنا عليها من الرياض للشرقية صد رد بصراحة حلوة و سواقتها ماهي سيئة !!! أنت تقول الريو تمشي 350 كيلو يعني
بالخط راح تعبي , لكن أنا عبيتها من الرياض و صفرتً العداد و وصلتنا الدمام بدون ما نعبي بنزين حتى وصلنا الدمام و رحنا
تمشينا بالكورنيش حول ساعتين و بعدين عبيناها يعني مشتنا حدود 460 كيلو تقريباً , صحيح إنها بالخط تلعب فيك لكن تمشي
على مهلك و تجود الطارة و أمورك طيبة , و بيني و بينك هي ما تنفع بالسفر إذا كان اللي يسوقها (مليان) لأنه يتضايق و ينحجر
بالسيارة , أما إذا كان الشخص جسمه ماهو سمين مرة بالعكس خفيفة و طيبة بنفس الوقت , بس يجيك واحد ياخذ إكسنت أو ريو
ومن طقة هالسيارات و يمشي 200 و يقول ماهي طيبة , أكيد ياخي السيارة خفيفة مرة لو تمشي 140 تحس إنك راكب البساط
السحري ههههههههه عالعموم أشكر لك تقريرك و بالعكس الإختلاف يثري الموضوع .
2
0
شكلين مابحكي : والله وش اسوي ياخوي المشكله ماودي استأجر هناك الميزانيه ماتسمح فصرت اروح صد ورد صحيح انه تعب لكن تعودت وانا جربت اليارس كلها نفس بعض تقريبا يوجد بعض الاختلافات في صالح الريو مثل المكيف والعزم , شاكر لك مرورك والله يوفقك ويسهل امرك
عبدالله الابراهيم : السياره تصلح للسفر لكن ماتنفع للمسافات الطويله بحكم انها قاسيه وماهي بمريحه والشيء الثاني وزنها خفيف اذا تعديت ال140 تحس انك بتطير ولو كان فيه هواء قوي سلم لي على الموتر هههههههههههههه رغم اني اشوف سيارات اكسنت ويارس وريو بالخط مشوووتين يمشون تقريبا 180 لكن لو يضرب عليه كفر ولا يطلع له شيء مفاجئ بوجه يرووح ملح ,شاكر لك ياعبدالله مرورك والله يعطيك العافيه ..
0
0
لان اخوي معه النترا ١،٨ يعبيها فل ب ١٨ وتمشيه ٦٧٠ كيلو
فيه سؤال برى الموضوع ( وش معنى تجود !!! ) اشوفكم كاتبينها بالتعليقات !؟
2
2
مشكور اخوي على موضوعك المفيد وانا ودي ان اللي جرب سياره لمدة سنه او اكثر يقول رايه فيها
اما الريو فانا معجب به وقبل كم سنه اخذتها لولد اخي وهو يدرس بالشرقيه وانا بالمدينه والله انه جلدها جلد ومع ذلك القطع الغير
عاديه اللي غيرها كمبروسر وعكس يمين والباقي قطع استهلاكيه
لكن لي ملاحظه انت استخدمتها استخدام شاق لان السياره تعتبرمن فئات الستي كار يعني سيارات المدن
0
0
dub : العفو ياخوي , وفعلا انا كان استخدامي لها شاق جدا وماشاء الله اشوفها سياره خدومه جدا وتتحمل الكرف وشاكــر لك مرورك .
0
0
0
0
0
0
حتى القير والمكينه نفس قير ومكينه الاكسنت
حتى لو تشوف الديكور الداخلي ما تحس فرق بينها وبي الاكسنت
الفرق البدي فقط
الاكسنت شكل والريو شكل
واشكرك على التجربه ياشيخ
قبل 11 سنه و 6 شهر