أضف سؤال أو موضوع جديد          

تجربتي لكيا سيراتو 2015 - حياكم

up 16 down 3
lumina44 92
قبل 5 سنه و 9 شهر



السلام عليكم ورحمة الله وبركاته 

كيف حالكم يا اعضاء المتتدی عساكم بخير

حبيت اطرح لكم تجربتي لكيا سيراتو 2015 ستاندرد طبعا اجار

طبعا التجربة كانت في الامارات .

مواصفات السيارة : محرك 1600 سي سي .. تبترونك 6 نمر

ايرباق واحد + بدون abs + طيس + بلوتوث + مدخل usb

ممشی السيارة كان 30 الف .. مشيت فيها تقريبا 500 كيلو .

حجم السيارة داخليا بصراحة ممتاز اوسع من الشكل السابق واستغلوا المساحات بشكل جيد

اما بالنسبة للشكل الخارجي اللي يميزه العرض اللي فيه مقارنة بالكورولا .

نجي لعزم السيارة : عزمها كان جيد جدا مقارنة بحجم المكينة + اني مشغل التكييف ع طول + درجة الحرارة كانت بين 46 الی 50

بصراحة لاحظت ثبات في العزم وسرعة في الاستجابة للدعسة >> شكلهم يحطون زيت خفيف ، وماتغير عزمها سواء في الليل او النهار ، يعني لو كان المحرك 2.0 كانت بتكون طررب  .

ديكورات السيارة كانت ثابتة ومافيها قربعة بعز الظهر وخصوصا اني دخلت فيها لطريق رملي وفيه حصی ومالاحظت اي اهتزاز << نقطة تحسب لصالحها .

عزل الهواء كان ممتاز ، اما العزل الارضي فلاحظت انه يعتمد علی الشارع << مسكت فيها خط لرأس الخيمة ع سرعة 120 والعزل الارضي كان جيد جدا  


ورحت فيها للشارقة و ع سرعات اقل وكان العزل الارضي سيء فتعتمد ع نوعية الاسفلت . بس بشكل عام جيد 

الرساوة ع سرعة 120 ممتازة << الشارع كان نظيف ومافيه هواء .

التكييف كان جيد جدا مع ان درجة الحرارة 50 والكمبروسر ماكان يفصل في الاشارات << مع ان اغلب ملاك السيارات الكورية يشتكون من هذي النقطة

السيارة ناعمة مع المطبات << ممكن حسيت بالفرق لان سيارتي جنوط 17 ودعسة واطية

نجي لعيوب السيارة : 

1- الفرامل كانت سيئة >> زحفت معي كم مرة .

2- فرملت بقوة وزحفت معي السيارة وفجأة طفت << مادري ليش

3- ايرباق واحد مع اني توقعت مواصفات الامارات افضل بس طلعت نفس اللي عندنا .

4- الستاندرد اتوقع الداخلية تجي لون واحد وهو الاسود << بصراحة متعب مع الحرارة يعني تنزل من السيارة 3 دقايق ترجع تلاقيها ناار 

5- مافيها انوار للداخلية بالنص << اشوفه عيب كبير 

واخيرا بصراحة فرق كبير بين لمن تستخدم فل وتنزل للستاندرد >> بتحس فيه شي ناقص بالسيارة

علی العموم انطباعي العام انها جيدة وخيار جيد بالنسبة لسعرها ( حصلت قبل فترة بالموقع نفس هذي السيارة اصفار ب 43 الف ) سعر اكسنت <

وهذي تجربتي للسيارة بكل حيادية اتمنی اني وفقت واعذروني ع القصور .





















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقرير وافي مممتاز يهم الكثير من يبحت معلومات عن السياره
والتقرير مرتب ممتاز جدا
تشكر عليه وسعرها مممتاز افضل من الاكسنت


up 2 down 0
خالد الاسكندر -39
قبل 5 سنه و 9 شهر



انا معي اوبتيما وارد المطوع اللي بالكويت ونفس الشي مشلح ابو السياره لا abs ولا ايرباقات الا واحد
طلعو كل الوكلاء حراميه مو بس الي عندنا 


up 4 down 0
mutairi305 195
قبل 5 سنه و 9 شهر



الله يعطيك العافية على التجربة 
بالنسبة لي ما اقدر اسوق بدون ABS لانك ما تدري ايش بيصير معي 
كانت معي سيارة اجار سيراتو الشكل اللي قبل مافيها ABS و بغيت اروح تالف انا و السيارة 
دايما في اختيار السيارة الواحد يحرص على السلامة 
دعواتكم لجدي بالرحمة و المغفرة اتوفى في حادث سيارة 


up 5 down 0
السيد ابو خالد 314
قبل 5 سنه و 9 شهر



تجربة حيادية شكرا لك
انا املك السيارة وفعلا الفرامل قلق بشكل كبير



up 4 down 0
mr.tahoe 1187
قبل 5 سنه و 9 شهر



خالد الاسكندر : تسلم لي يا اخوي لا عدمناك يالغالي


المطيري : الله يعينك ياخوي ، النصب بكل مكان

ابو خالد الله يعافيك ، وفعلا سيارة بدون abs تعيشك بقلق وخوف من اي شي مفاجئ
والله يرحم جدك ويغفر له ويدخله فسيح جناته .

مستر تاهو : العفو ياخوي وماسوينا الا الواجب



up 1 down 1
lumina44 92
قبل 5 سنه و 9 شهر



تجربة رائعة تشكر عليها .. ولكن لدي سؤال خارج الموضوع وأرجو التكرم بالإجابة
عند إستأجر السيارة كم طلبو مبلغ التأمين وهل يتم دفعه كاش أم يحجز مبلغ من الفيزا وشكرا


up 1 down 0
إبراهيم النايلي 158
قبل 5 سنه و 9 شهر



بخصوص استفسارك اخ ابراهيم كان مبلغ التأمين 1000 ريال ودفعته كاش بس في حال ان السيارة سليمة وماعليك مخالفات تسترد المبلغ

والله يوفقك يا اخ ابراهيم


up 2 down 0
lumina44 92
قبل 5 سنه و 9 شهر



سلمت ياغالي ..


up 0 down 0
إبراهيم النايلي 158
قبل 5 سنه و 9 شهر



ABS شكله مؤثر كتير على الفرامل ومؤثر على السياره لانها زحفت معاك وهذا عيب كبير للامان سياره كبيره مثل هذه كيف ما فيها ABS عجيب هؤلاء الوكلاء


up 0 down 0
elbadry1985 40
قبل 5 سنه و 9 شهر



سعرها في معرض يبيعها 39 الف اصفار ممتازه جدا قيمة الريو في الوكالة 40 الف


up 0 down 0
cresmes007 -8
قبل 4 سنه و 11 شهر