افضل دبات تجي صوتها طرب لكيا كادينزا ؟

االبورلا ازعاج  ولا تعطيك احصنه المقانا فلو صوتها ماهو مزعج بس طرب ونغمته حلوه وتعطي فرق 

 الفلوماستر صوته مش بطال عاد انت خذ الي يصلح لك 

تعوذ من ابليس شينه دفع امامي وكت باك مهب كابرس ترا

بس زي م قال اخوي الماقنا فلو حلوه بس الازعاج بورلا 
بس زياده صرفيه بنزين

ياحبي خذ نصيحه بتكلفك مبلغ
شيل دبات الاثنين الي ورا وركب مواصير ما تكلفك 150 واسمعها صوتها كيف 
ولو طفشت منها رجع دباتك القديمه ب 100 ريال 

وترا على فكره الدبه او كت باك  اذا راح تركبها مارح تعطيك الصوت الرياضي الكامل فقط مجرد صوت خفيف  وشكل هذا الي شفته معدل كامل شكله مسوي برمجه ومركب انتيك وكت باك كامل يعني يبي لك هويات  ركب هويات اذا تبي صوت رياضي قوي ومريب اما مجرد صوت خفيف كت باك يعني لا تتعب نفسك وتركبه واخر شي تقول الصوت مااعجبني كثير 

 فقط حبيت اذكرك والهويات ترا مع استخدام الشاق يمكن تتعب عليك روس المكينه  صرفيه بنزين يعني اذا حافضت على السياره خذ 5 سنوات قدام  كرف وضغط عليها 3 سنوات بكثير واذا تبي تركبها بس مجرد وقت وتفكها يمكن بس لا تعودها على تعديل 

نصيحه مني لا تركب والله ازعاج على الفاضي غير كذا تركب اهلك ويسمعون الازعاج مره ماهي حلوه 
اخويا كان مركبها وشالها عشان الوالده انزعجت 
غير كذا لو طبيت في تفتيش يمكن يعطوك قسيمه لانو يعتبروها تعديل على السياره 

ياشباب ترا انا ابغا شوركم وش دخل الدس لايك بالموضوع انا باركب الشيء بموتري انا
اقسم بالله قلة حيه . طبعا الكلام يشمل اللي حاطين دس لايك 

وبالنسبة للاخ m7mas9 انا داري انها دفع امامي واذا انت تشوفها شينه انا بالعكس ماهي فارقه معايا حتى لو كانت السيارة 1 سلندر
اهم شيء اسوي اللي انا ابغاه وانزل اللي براسي .

وتسلموا ياشباب ع النصايح ومشكورين (:

يا صاحب الموضوع سوي اللي يرضيك ولا عليك بأحد

طالما ما سويت شيء غلط ولا بتزعج الناس

ليش حلال على اصحاب الكوابرس و حرام عليك و اصلا الكادنزيا اقوى من الكابرس ههههههههههههههه

مدري وش شايفين انفسهم اصحاب الكوابرس

و ترى الاعضاء عندنا مرضى عضو جديد يجي يستفسر يعطونه ديسلايك

لازم احد يعرفونه حتى لو كلامه غلط يعطونه لايكات

لكن بعطيك حل ارخص و اسهل

شيل الدبه الاخيرة اللي تحت الشنطه و جرب راح يتغير الصوت 

ولكن للمكائن الكبيرة مثل الكابرس يطلع طرب

على 6 سلندر ما ادري وش الوضع يمكن يطلع مزعج و طرطره مثل الدباب و ممكن طرب

لأني جربت على لومينا 6 سلندر و طلعت مزعجه و على كابرس 8 سلندر طلعت حلوه

فلو ماستر ممتاز للسيارات الستة سلندر 
البورلا يناسب الجيوب اكثر 
الماقنافلو والكورسا تناسب الهيمي والشفر 8 سلندر 

خلها بصوت الوكاله سياره رسميه ماهي زس الكابريس والدودج تشارج تضبط عليها الدبات ولو رغبان مره مقنا فلو تحياتي

انا انصحك انك تركب انيك بدل الكت باك
يعطيك صوت رياضي حلو وخفيف ويزيد العزم شويه

يارجال استريح بس قال ايش قال دبه ناس ماعندها احترام لذوق العام بغير يدورون ازعاج خليقت الله ولايته على موتريجمل على كيا ياخي عيب وحرام ازعاج المسلمين قال كادينزاسسسسسسري  

صالح  السبيعي 1119

لو انك قدامي امممممممممم لاكن المشكلة من خلف الشاشه تهايط عايدي انا ماراح ارد عليك التربيه والاخلاق برضوا لها دور

وعلى فكرة يمديني احذف الرد ولا اكنه صار شيء بس قلت خلي الناس تشوف ردك الجميل 

ردي دفاع عن احترم خليقت الله والذوق العام الي يحث عليه ديني واخلاقي ك انسان  واناضد ازعاج الناس وهاذاالهياط وسام على صدري 

ي راعي الاعلان الكادينزا حلوه بوكالها اقصد ومن ناحيه عزم
انا مجرب الكادينزا طياره بس اقصد الكتباك حلو ع ال 8سليندر
وخذلك ماقنا فلو اذا مصمل ولا مواصير اسهل

وفجأة صرت مؤدب وقمت تتكلم زي الرجال  قبل شوي تقولي اسسسسري 

ياسبحان الله ههههههههههه

لو انك بتتكلم في الدين كان نصحت اخوك المسلم انو الشيء ذا غلط بدل الهيط 

يارجال ركب الي يعجبك هاذي سيارتك وحريتك 
وانا ارشح الماجنا فلو تقولي ليش لاجربتها ولا اي شيء بس معروفه
صوتها حلو 

بورلا انسها ما تنفع ، فلوماستر وماقنا فلو كلها كويسين وتقريباً متقاربين


لكن انا من رايي تبحث عن واحد مركب ماقنا فلو ويصور لك مقطع لها وهي تشتغل وهي تمشي عشان تشوف الصوت قبل ما تشتري الدبات يمكن تجي عليها اطرب ويمكن الفلوماستر



بس توقعي الماقنا فلو



بالتوفيق

يارجال الكت باك والتعديلات والدبات حلوه على 8 سلندر لو فورد ... وغالبية ال8 سلندر اللي يركبونها دفع خلفي اصلا اذا مو كلهم اما على 6 سلندر ماتضبط يطلع الصوت بايخ كيف عاد لو دفع امامي